ကျောက်တော်မြို့နယ်မှ ဒေသခံတစ်ဦး မိုင်းထိကာ ခြေထောက်တစ်ဘက်ပြတ်
နိရဥ္စရာ၊စက်တင်ဘာ ၉/၂၀၂၂
၇ခိုင်ပြည်နယ်၊ကျောက်တော်မြို့နယ်၊ ကွမ်းအုံစုကျေးရွာမှဒေသခံတစ်ဦးသည် ဝါးခုတ်ရန်သွားစဉ် မိုင်းထိ၍ ညာဘက်ခြေထောက်တစ်ဘက် ပြတ်သွားကြောင်း သတင်းရရှိသည်။
မိုင်းထိဒဏ်ရာရရှိသူမှာအသက် (၄ရ) နှစ်အရွယ် ဦးဘရွှေ ဖြစ်ပြီး ယမန်နေ့ စက်တင်ဘာ ၈ ရက် ညနေ ၄ နာရီခန့်က ရွာအနောက်ဘက်ရှိတောင်မှ ဝါးသွားခုတ်စဉ် မိုင်းထိမှန်ဒဏ်ရာရရှိခဲ့ခြင်း ဖြစ်ကြောင်း သိ၇သည်။
လက်ရှိတွင်ယိုးတရုတ်ဆေးရုံမှာဆေးကုသမှုခံယူနေပြီး ဒဏ်ရာပြင်းထန်သည့်အတွက်ဒူးအထက်လောက်ကိုဖြတ်ပစ်ရမည်ဟု ဆရာဝန်ကပြောကြောင်း ဒဏ်ရာ၇သွားသူ၏ အစ်ကိုဖြစ်သူ ဦးမောင်ဘစိန်ကပြောသည်။
"ကွမ်းအုံစုရွာအနောက်ဘက်ကတောင်ပေါ်မှာ ဝါးခုတ်သွားရင်း မိုင်းထိခဲ့တာပါ။ ဒူးအထက်လောက်ကို ဖြတ်ပစ်ရမယ်လို့ ဆရာဝန်ကပြောပါတယ်"ဟုပြောသည်။
မိုင်းနင်းမိသူဦးဘရွှေသည် တောင်ယာဝါးခုတ်ခြင်းအလုပ်ကိုလုပ်ကိုင်ကာ ဇနီးဖြစ်သူနှင့်အတူ သား ၂ ဦး၊ သမီး၃ ဦးကို ရှာဖွေကျွေးနေသူဖြစ်ကြောင်း သိ၇သည်။
သြဂုတ်လ(၅) ရက်နေ့က မင်းပြားမြို့နယ် မြစ်နားရွာအနီး စစ်တပ်ကတပ်စွဲထားသည့် တောင်နားကို ထင်းခွေသွားသည့်အမျိုးသား ၁ ဦးမိုင်းနင်းမိပြီး ခြေတစ်ဘက် ပြတ်ထွက်သွားခဲ့သည့်အပြင် သြဂုတ်လ ၂၉ ရက်နေ့ကလည်းမောင်တောမြို့နယ် တရိန်း(မြို)ရွာမှ ဒေသခံတစ်ဦးလည်း မိုင်းနင်းမိကာ ထိခိုက်ဒဏ်ရာရရှိခဲ့သည်။
၇ခိုင်မှာအခုနှစ်၂၀၂၂ ခုနှစ် ဇန်နဝါရီလမှ ဇူလိုင်လအထိ ရ လအတွင်း မိုင်းပေါက်ကွဲမှုကြောင့် လူ၇ ဦးသေဆုံးပြီး ၂၀ ဦးထိခိုက်ဒဏ်ရာရရှိခဲ့ကြောင်း ရခိုင်တိုင်းရင်းသားမျိုးနွယ်များအစည်းအရုံး(REC)၏ စာရင်းတွေအရ သိ၇သည်။
လှူရန်