ပလက်၀မြို့နယ်က အိန္ဒိယသို့ထွက်ပြေးလာသည့် စစ်ဘေးရှောင် ၆၀၀ခန့်ကို အိန္ဒိယရှိရခိုင်မိသားစုများကစားနပ်ရိက္ခာများကူညီထောက်ပံ့မှုပြုလုပ်

Preview

ပလက်၀မြို့နယ်က အိန္ဒိယသို့ထွက်ပြေးလာသည့် စစ်ဘေးရှောင် ၆၀၀ခန့်ကို အိန္ဒိယရှိရခိုင်မိသားစုများကစားနပ်ရိက္ခာများကူညီထောက်ပံ့မှုပြုလုပ်

စက်တင်ဘာ ၁၀/ ၂၀၂၂ | ကြည့်ရှုသူ :2332

နိရဥ္စရာ၊ စက်တင်ဘာ၁၀/၂၀၂၂

ချင်းပြည်နယ်၊ ပလက်၀မြို့နယ်၊ မြိတ်၀ကျေးရွာဘက်မှ အိန္ဒိယနိုင်ငံမီဇိုရမ်ပြည်နယ်သို့ထွက်ပြေးလာကြသည့်ရခိုင်စစ်ဘေးရှောင် ၆၀၀ ခန့်ကို အိန္ဒိယနိုင်ငံရှိရခိုင်မိသားစုများက စားနပ်ရိက္ခာများ ကူညီ ထောက်ပံ့ခဲ့ကြသည်ဟု သတင်းရရှိသည်။
အဆိုပါစားနပ်ရိက္ခာများကို အိန္ဒိယနိုင်ငံဘာဇီကိုင်ရွာဘက်ရှိ ၇ခိုင်မိသားစုများက ယမန်နေ့စက်တင်ဘာလ ၉ ရက်တွင် ထောက်ပံ့ကူညီခဲ့ကြသည်ဟု ရွာသစ်ဆရာတော် ဦးပညာဇောတက နိရဥ္စရာကိုမိန့်သည်။

“ရွာတစ်ရွာမှာလူဦးရေဘယ်လောက်ရှိလဲ။ အဲဒါတွေကို အားလုံး ရိက္ခာတွေကိုဝေငှပြီးတော့ ပေးကြတယ်။ စုစုပေါင်း လူ ၆၀၀ လောက်ရှိပါတယ်”ဟု ဆရာတော်က မိန့်ကြားသည်။

မြိတ်၀ရွာက ထွက်ပြေးလာကြသူများသည်မီဇိုရမ်ပြည်နယ်အတွင်းမှရွာသစ်ကျေးရွာ၊ တပ်ပေါင်းချေ ကျေးရွာ၊ လိုင်တလန်ကျေးရွာနှင့်ရွာသာယာကျေးရွာတို့တွင် ခိုလှုံနေကြပြီး လက်ရှိစစ်ဘေးရှောင် ၆၀၀ခန့် ရှိသည်ဟုသိ၇သည်။

ယမန်နေ့ထောက်ပံ့ခဲ့သည့်စားနပ်ရိက္ခာများတွင် ဆန်၊အာလူး၊ ကြက်သွန်နီ/ဖြူ၊ ပဲ၊ ငရုပ်သီး၊ ငပိ၊ ဆား၊ အသားတု၊ ငါးခြောက်နှင့်သခွားသီးစသည်တို့ပါဝင်ပြီး စစ်ဘေးရှောင်များအတွက် ရက်သတ္တပတ် တစ်ပတ်စာအတွက်သာလုံလောက်မည်ဟု ဆိုသည်။အဆိုပါစားနပ်ရိက္ခာများကုန်သွားပါကနောက်ထပ်စားသောက်ရန် စားနပ်ရိက္ခာများ အရေးတကြီးလိုအပ်နေပြီးမိုးတွင်းကာလဖြစ်၍ ခြင်ထောင်နှင့် အဝတ်အထည်များလည်း လိုအပ်နေသည်ဟု ရွာသစ်ဆရာတော်ဦးပညာဇောတက နိရဥ္စရာကို မိန့်သည်။
“တစ်ပတ်စာကုန်သွားရင်လှူမဲ့သူတွေမရှိသေးဘူး။ ဒီအတွက် နောက်ထပ်အလှူရှင်တွေကို ရှာဖွေပြီး ကူညီပေးသွား၇မှာ ဖြစ်ပါတယ်”ဟုမိန့်သည်။

လက်ရှိတွင် စစ်ဘေးရှောင် လူဦးရေ အရေအတွက်မှာ၇ွာသစ်ကျေးရွာတွင်အိမ်ထောင်စု ၅၁ စု(လူဦးရေ၂၀၇ ဦး)၊ တပ်ပေါင်းချေကျေးရွာတွင်အိမ်ထောင်စု ၂၇ စု(လူဦးရေ၁၁၅ ဦး) ၊ လိုင်တလန်ကျေးရွာတွင်အိမ်ထောင်စု ၃၉ စု(လူဦးရေ၁၆၃ ဦး) နှင့် ရွာသာယာကျေးရွာတွင်အိမ်ထောင်စု ၂၁ စု(လူဦးရေ၁၀၅ ဦး) တို့ရှိပြီးဘုန်းကြီးကျောင်းများနှင့်နေအိမ်များတွင် ဖြန့်ခွဲနေထိုင်လျက်ရှိသည်ဟု သိ၇သည်။

သူတို့သည်အိန္ဒိယနယ်စပ်အနီး ချင်းပြည်နယ် မြိတ်၀စစ်တပ်အခြေစိုက်စခန်းကို AAက ပြီးခဲ့သည့်စက်တင်ဘာလ ၁ ရက် ညနေပိုင်းက တိုက်ခိုက်ခဲ့ပြီးနောက် နောက်တစ်နေ့တွင် စစ်တပ်တပ်စခန်း အနီးဝန်းကျင်ကို စစ်တပ်ဘက်ကလည်းတိုက်လေယာဉ်များဖြင့် လာရောက်ပစ်ခတ်မှုများရှိခဲ့သည့် အတွက် လုံခြုံရေးစိုးရိမ်၍ထွက်ပြေးတိမ်းရှောင်လာခဲ့သူများဖြစ်သည်။

AA က တိုက်ခိုက်ခဲ့သည့်မြိတ်၀တပ်စခန်းသည် အိန္ဒိယနိုင်ငံ၊ မီဇူရမ်နယ်စပ်အနီးတွင်တည်ရှိပြီး စစ်ရေးအရအရေးပါသည့် ခြေကုတ်စခန်းတစ်ခုဖြစ်သည်။
ပလက်၀မြို့နယ်နှမဒါချောင်း၊ ရီးမ၀ကျေးရွာစသည့်နေရာများတွင်လည်း AA နှင့် စစ်ကောင်စီတပ်တို့ တိုက်ပွဲပြင်းထန်လျက်ရှိသည်ဟု ဒေသခံများက ပြောသည်။

ဓာတ်ပုံ- အိန္ဒိယရောက်စစ်ဘေးရှောင် ၆၀၀ ခန့်အတွက် စားနပ်ရိက္ခာထောက်များထောက်ပံ့စဉ်နှင့်မြိတ်၀ဘက်မှ အိန္ဒိယဘက်သို့ ထွက်ပြေးလာခဲ့ကြစဉ်။ (Photo - Narinjara and မာဃလုလင်)

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ဆက်စပ် အကြောင်းအရာများ

နောက်ဆုံးရသတင်းများ