ကြာသပတေး၊ မတ်လ ၂၈ရက်၊ ၂၀၂၄

မြန်မာဘက်ကမော်တာကျည်ဆံ ဘင်္ဂလားဒေ့ရှ်နယ်မြေထဲကျ၍ ၁ဦးသေ၊ ၅ဦးဒဏ်ရာရ


  • ရေးသူ: Web Master
  • | ရက်စွဲ: ၁၆ စက်တင်ဘာ ၂၀၂၂
  • | ကြည့်ရှုသူ: 3.6k

နိရဉ္စရာ၊ စက်တင်ဘာ၁၆/၂၀၂၂

မြန်မာဘက်မှ ပစ်ခတ်သည့် မော်တာကျည်ဆန်များ နယ်စပ်အနီးရှိ ဘင်္ဂလားဒေ့ရှ် ယ်မြေထဲကျရောက်မှုကြောင့် ၁ ဦး သေဆုံးပြီး ၅ ဦး ဒဏ်ရာရရှိခဲ့ကြောင်း သတင်း ရရှိသည်။

ယနေ့ သောကြာနေ့တွင် မြန်မာနယ်စပ်ကို ဖြတ်ပြီး မော်တာကျည်ဆန်များသည် ဘင်ဒရိုဘင်ခရိုင် ခေါင်းတုံးဒေသတွင် ကျရောက်ခဲ့ပြီး ၁ ဦးသေဆုံးကာ မြန်မာနိုင်ငံမှ ဒုက္ခသည်မူဆလင် ကလေးငယ်တစ်ဦး အပါအဝင် တခြားလူငါးဦးထက်မနည်းဒဏ်ရာများရရှိခဲ့သည်ဟု Dhaka Tribune က သတင်းဖော်ပြသည်။

သေဆုံးသူကို အမ်းဒီအီကဘေ (Md Iqbal) ၁၇ နှစ် ဖြစ်သည်ဟု ဖော်ပြသည်။

သေဆုံးသူ၏ ဖခင်ဝမ်းကွဲတော်စပ်သူ Erfanul Haque က ရုပ်အလောင်းအား  ကူတို့ပလောင် MSF ဆေးရုံတွင် ထားရှိထားကြောင်း Dhaka Tribune သို့ ပြောကြားခဲ့သည်ဟု ဆိုသည်။

မော်တာကျည်များကျရောက်မှုကြောင့် မြန်မာ မူဆလင်ဒုက္ခသည် ၃ ဦးတွင်လည်း  ိခိုက် ဒဏ်ရာရရှိခဲ့သည်ဟု ဒေသခံများကပြောကြောင်း သတင်းတွင် ဖော်ပြသည်။

ကျည်ဆံများ လူနေအိမ်ဘေးရှိ တောအုပ်အတွင်းသို့ ကျရောက်ခဲ့ပြီး ဒေသခံများအကြား  ထိတ်လန့်မှုများ ဖြစ်ပေါ်ခဲ့ကြောင်း ဒေသခံများကို ကိုးကားပြီး သတင်းတွင် ဖော်ပြထားသည်။

ယင်းအပြင် နှစ်နိုင်ငံနယ်စပ် နယ်စပ်မှတ်တိုင် ၃၅ အနီးတွင်လည်း ယနေ့ ညနေ ၃ နာရီခန့်တွင် မိုင်းပေါက် ကွဲမှုတခု ဖြစ်ပွားခဲ့သည့်အတွက် ဘင်္ဂလာဒေ့ချ်နိုင်ငံသား အသက် ၂၂ နှစ်အရွယ် ဒိုင်းနက်အမျိုးသား တစ်ဦးဖြစ် သူ အထွန်းယဉ်ဆိုသူမှာလည်း ဒဏ်ရာရရှိခဲ့ပြီး ခြေထောက်တစ်ဖက် ဆုံးရှုံးခဲ့ကြောင်း ပြော်ထင်းအာလော သတင်းတွင်ရေးသားထားသည်။

(Photo by  Dhaka Tribune)

ဆက်စပ် သတင်းများ