နိရဥ္စရာ၊ စက်တင်ဘာ၁၇/၂၀၂၂

(၅၁) ကြိမ်မြောက်နိုင်ငံတကာလူငယ်များ ပေးစာရေးပြိုင်တွင် ၇ခိုင်ပြည်နယ်ကိုယ်စားပြု ဝင်ရောက်ယှဉ်ပြိုင်ခဲ့သည့်ကျောင်းသားသည်အထူးဆု (၁)ဆု ဆွတ်ခူးရရှိခဲ့သည်ဟု သိ၇သည်။

၇ခိုင်ပြည်ကိုယ်စား အထူးဆုရရှိခဲ့သောကျောင်းသားမှာကျောက်တော်မြို့၊ မြို့သစ်ရပ်ကွက်မှ ဦးကျော်ဟိန်းနှင့် ဒေါ်သင်္ဂီကျော်တို့၏သားမောင်ဘုန်းမော်ရွှေ ဖြစ်ပြီး ကျောက်တော်မြို့ရှိ Noble ကိုယ်ပိုင် အထက်တန်းကျောင်းတွင် Grade - 7 တက်ရောက်နေသူဖြစ်သည်။

တိုင်းဒေသကြီးနှင့်ပြည်နယ်အသီးသီးမှပြိုင်ပွဲဝင်ကျောင်းသူ၊ ကျောင်းသား ၄၁ ဦး၏ ပေးစာကို ပြီးခဲ့သည့် မတ်လ ၁၀ ရက်ကသက်ဆိုင်ရာမြို့နယ်ပညာရေးမှူးရုံးတွင်ဖြေဆိုခဲ့ရပြီး မြို့နယ်မှတစ်ဆင့်သက်ဆိုင်ရာ တိုင်းဒေသကြီးနှင့်ပြည်နယ်များသို့ပေးပို့ယှဉ်ပြိုင်ခဲ့၇ပြီးနောက်စက်တင်ဘာလ ၁၂ ရက်တွင် ဆုရ ကျောင်းသူ ကျောင်းသားများကို ကြေညာခဲ့ခြင်းဖြစ်သည်ဟုသိ၇သည်။

ပြိုင်ပွဲဝင်ကျောင်းသား၊ ကျောင်းသူ၄၁ ဦးအနက် နေပြည်တော်၊ ဇမ္ဗူသီရိမြို့နယ်ရှိ WISDOM HILL ကိုယ်ပိုင်အထက်တန်းကျောင်းမှ  Grade- 7 ကျောင်းသားမောင်မိုးထက်အောင်က ပထမဆု၊ နေပြည်တော်၊ ပျဉ်းမနားမြို့၊ အ. ထ. က (၅)ကျောင်းမှ Grade– 8 ကျောင်းသူမသက်မှူးခင်က ဒုတိယဆု၊ မကွေးတိုင်းဒေသကြီး၊ မကွေးမြို့ အ.ထ.က (၁)မှ Grade -7 ကျောင်းသူမခင်ခင်ဦးသာက တတိယဆုတို့ကို ရရှိခဲ့ကြသည်။

အထူးဆုများအဖြစ် ၇ခိုင်ပြည်နယ်ကျောက်တော်မြို့ Noble ကိုယ်ပိုင်အထက်တန်းကျောင်းမှGrade - 7 ကျောင်းသားမောင်ဘုန်းမော်ရွှေနှင့် ၊ ပဲခူးတိုင်းဒေသကြီး၊ ပဲခူးမြိုအ.ထ.က(၃)ကျောင်းမှGrade 6(B) ကျောင်းသူမပွင့်ဝေဖူးတို့က ဆွတ်ခူးရရှိခဲ့သည်ဟု သိ၇သည်။