"ကျွန်မ အမျိုးသားနဲ့ ဒီနေ့ရုံးထုတ်တဲ့နေ့မှာတွေ့ခွင့်ရပါတယ်။ စကားလည်း ပြောခဲ့ရပါတယ်။ ကျန်းကျန်းမာမာ မြင်ခဲ့ရတော့ ဝမ်းသာနေပါတယ်။ နှိပ်စက်မေးမြန်းတာတွေမရှိပါဘူးလို့ ပြောပါတယ်" ဟုပြောသည်။
သူ့ကို လာမည့် စက်တင်ဘာလ ၂၇ ရက်တွင် ထပ်မံရုံးချိန်းခေါ်ယူထားကြောင်း သိ၇သည်။

လူမှုကွန်ရက်စာမျက်နှာတွင် ဟာသဗီဒီယိုများနှင့် စစ်ရေး၊ နိုင်ငံရေး အခြေအနေများကိုမျှဝေရင်း လူသိများလာနေသည့် သူ့ကို စစ်သားနှင့်ရဲအင်အား ၂၀ ခန့်က စက်တင်ဘာလ ၄ ရက် နံနက် ၈ နာရီခန့်တွင် မြောက်ဦးမြို့၊ တောင်ရပ်ရပ်ကွက်ရှိ သူ၏နေအိမ်မှ ဝင်ရောက် ဖမ်းဆီးခေါ်ဆောင်သွားခြင်းဖြစ်ပြီး လက်ရှိတွင် ရဲလက်ကို မအပ်ဘဲ မြောက်ဦးအခြေစိုက်တပ်ရင်း (၃ရရ)တွင် ဖမ်းဆီးချုပ်နှောင်ထားသည်ဟု သိရသည်။

ယင်းနောက် သူ့ကို နိုင်ငံတော်အေးချမ်းသာယာရေးကို ပျက်ပြားစေရန် ရည်ရွယ်လျက် လှုံ့ဆော်ခြင်း၊ ဝါဒဖြန့်ခြင်းများ ပြုမှုလုပ်ဆောင်ခဲ့သည့်အတွက်ဟုဆိုကာ ဖမ်းဆီး၇ခြင်းဖြစ်သည်ဟု စစ်ကောင်စီက စက်တင်ဘာ ၆ ရက်ထုတ် မြန်မာ့အလင်းသတင်းစာတွင် ထုတ်ပြန်ခဲ့သည်။
သူ့ကို နိုင်ငံတော်ဆူပူလှုံ့ဆော်မှုဆိုင်ရာဥပဒေပုဒ်မ ၅၀၅(က)အပါအဝင် ပုဒ်မ ၃ ခုဖြင့် အမှုဖွင့်ထားသည်ဟုလည်း သူ၏နီးစပ်သူများက ပြောသည်။ (NN-13)