နိရဥ္စရာ၊ စက်တင်ဘာ၂၃/၂၀၂၂
၇ခိုင်ပြည်နယ်၊မင်းပြားမြို့ တိုင်းဗဟို (၉) စစ်တပ်အနီးရှိ ကျောင်းတောင်ကွင်းတွင်နွားပျောက်ရှာဖွေသည့်ဒေသခံတစ်ဦးသည် မိုင်းနင်းမိ၍ သေဆုံးသွားသည်ဟု သိသည်။
မိုင်းနင်းမိ၍သေဆုံးသူမှာမင်းပြားမြို့နယ် အိုးပုံတောင်ကျေးရွာမှ အသက် (၄၃)နှစ်အရွယ်ဦးထွန်းလှသိန်းဖြစ်သည်။
သူသည် ယမန်နေ့စက်တင်ဘာလ ၂၂ ရက် ညနေ ၄ နာရီခန့်က ရွာမှ ဦးညီပုဆိုသူနှင့်အတူရွာ၏တောင်ဘက်သို့ ၆ဖာလုံခန့်သွား၇သည့် တိုင်းဗဟို (၉)စစ်တပ်အနီးတွင် နွားရှာသွားစဉ်မိုင်းနင်းမိ၍ သေဆုံးသွားခြင်းဖြစ်သည်ဟု သူ့အလောင်းအားကူညီပေးခဲ့သူတစ်ဦးကပြောသည်။
"သေဆုံးသွားသူက ရှေ့ကပေါ့။ရှေ့ကလူမှာ မိုင်းနင်းမိပြီးတော့ မြောင်းထဲကျသွားတယ်။ နောက်ကအဖော်ကကြောက်ကြောက်နဲ့ အပေါ်ကိုဆွဲတင်ထားခဲ့တယ်။ ပြီးတော့ ရွာကိုပြေးလာတယ်"ဟုပြောသည်။

သေဆုံးသွားသူတွင်ညာဘက်ခြေထောက်၊ ဝမ်းဗိုက်ဘေးနှင့် ညာဘက်နားထင်တို့တွင် ဒဏ်ရာအပြင်းအထန်ရရှိကာ အခင်းဖြစ်သည့်နေရာတွင်သေဆုံးသွားခဲ့ခြင်းဖြစ်သည်ဟု ရွာသားများက ပြောသည်။
သေဆုံးသူတွင်အမျိုးသမီးနှင့် သားသမီး ၄ ဦးရှိပြီး သေဆုံးသူ၏အလောင်းကို ရွာပြင်တွင်ထားရှိကာယနေ့တွင် သင်္ဂြိုလ်သွားမည်ဟု သိ၇သည်။
၇ခိုင်တွင် ၂၀၁၈ခုနှစ်မှစတင်ခဲ့သည့် စစ်ပွဲကာလများတစ်လျှောက်မှ စက်တင်ဘာ ၁၉ ရက်အထိမြေမြှုပ်မိုင်းပေါက်ကွဲမှုကြောင့်  အရပ်သား သေဆုံးသူ ၇၁ ဦးနှင့်ဒဏ်ရာရရှိသူပေါင်း ၁၄၆ ဦးရှိနေသည်ဟု ရက္ခိုင့်တပ်တော်(AA)ပြောခွင့်၇သူ ဦးခိုင်သုခကစက်တင်ဘာလ ၁၉ ရက်ကပြုလုပ်သည့်သတင်းစာရှင်းလင်းပွဲတွင်ပြောဆိုခဲ့သည်။
ရခိုင်တွင်မိုင်းပေါက်ကွဲမှုများမကြာခဏရှိနေပြီး ထိခိုက်သေဆုံးမှုများရှိနေ၍စစ်တပ်တပ်စွဲထားသည့် နေရာအနီးဝန်းကျင်နှင့် ယခင်တိုက်ပွဲဖြစ်ပွားခဲ့သည့်နေရာများကို သွားလာခြင်းမပြုလုပ်ကြရန် ULA/AA က သတိပေးပြောဆိုထားသည်။ (NN-13)