နိရဥ္စရာ၊ စက်တင်ဘာ၂၉ / ၂၀၂၂

၇ခိုင်ပြည်နယ် မြေပုံမြို့နယ်ငပသုန်တိုက်နယ်ဆရာဝန် ဒေါက်တာဝင်းနိုင်စိုးကို စစ်တပ်က စက်တင်ဘာ၂၇ ရက်နေ့က ဖမ်းဆီးသွားခဲ့သည်ဟု သတင်းရရှိသည်။

ယခုဖမ်းဆီးမှုသည် စက်တင်ဘာလ( ၆) ရက်နေ့က တောင်ကုတ်မြို့မှ သွားဆရာဝန် ဒေါက်တာကျော်သူ၇ထွန်းကို စစ်ကောင်စီတပ်က ဖမ်းဆီးသွားခဲ့ပြီးနောက် ဒုတိယမြောက် ဆရာဝန်တစ်ဦး ရခိုင်တွင် ထပ်မံ ဖမ်းဆီးခံ၇ခြင်းဖြစ်သည်။

မြေပုံမြို့နယ်ငပသုန်တိုက်နယ်ဆေးရုံတွင်အသုံးပြုရန် ဆေးဝါးများသယ်ဆောင်လာသည့်မော်တော်ဘုတ်ကို စစ်တပ်က ဖမ်းဆီးပြီးနောက် စက်တင်ဘာလ ၂၇ ရက်တွင် ငပသုန်တိုက်နယ် ဆရာဝန် ဒေါက်တာဝင်နိုင်စိုးကို မေးမြန်းစရာရှိသည်ဟုဆိုကာ ခေါ်ယူသွားပြီး လက်ရှိ အချိန်ထိ ဖမ်းဆီးထားသည်ဟု သူနှင့် နီးစပ်သူတစ်ဦးကနိရဥ္စရာကိုပြောသည်။

“ဆေးသယ်လာတဲ့ ဘုတ်။အဲဒီဆေးတွေက သူ့ဆေးတွေ။ အဲဒါကို အစိုးရစစ်တပ်ကဖမ်းတယ်။ ဆေးကိုဖမ်းတယ်။ ဖမ်းပြီးတာနဲ့သူ့ကိုမေးမြန်းစရာရှိတယ်ဆိုပြီးတော့ ခေါ်သွားတာ ၂ရက်ရှိပြီ။ အခုထိလွှတ်မပေးသေးဘူး”ဟုပြောသည်။

အဆိုပါ ဆေးများကိုဖမ်းဆီးမှုနှင့်ပတ်သက်ပြီးစစ်တွေသို့ ဖြေရှင်းရန်သွားစဉ် သူ့ကို စစ်တပ်က ဖမ်းဆီးသွားခြင်းဖြစ်သည်ဟု ဆိုသည်။ဒေါက်တာဝင်းနိုင်စိုး၏ ဆေးရုံတွင်အသုံးပြုရန် ဆေးဝါးများ ဖမ်းဆီးခံ၇ပြီးနောက် နောက်တစ်နေ့စက်တင်ဘာလ ၂၈ ရက်တွင် မော်တော်တော်ဘုတ်ကိုအတူ ပြန်လွှတ်ပေးခဲ့သော်လည်းသူ့ကို ယနေ့အထိ ဆက်လက်ဖမ်းဆီးထားဆဲဖြစ်သည်ဟု သိ၇သည်။

ဒေါက်တာဝင်းနိုင်စိုးမှ တိုက်နယ်ဆေးရုံအတွက် ဆေးဝါးပစ္စည်းများသယ်ဆောင်လာသောမော်တော်ဘုတ်ကို စက်တင်ဘာလ ၂၅ ရက်တွင် စစ်တွေမြို့မှမြေပုံမြို့နယ်၊ ငပသုန်ရွာသို့ ထွက်ခွာလာခြင်းဖြစ်ပြီးပေါက်တောမြို့နယ်၊ တောင်ဖူးရွာနားအရောက်တွင် စစ်ကောင်စီ၏ ရေတပ်က ခေါ်ယူ ဖမ်းဆီးခဲ့သည်ဟု သိ၇သည်။

မည်သည့်နေရာတွင်ဖမ်းဆီးချုပ်နှောင်ထားသည်ကို မသိ၇သေးသဖြင့် စိုးရိမ်စရာဖြစ်နေသည်ဟုလည်းသူနှင့်နီးစပ်သူများက ပြောသည်။

လက်ရှိ ဖမ်းဆီးခံထား၇သူ တောင်ကုတ်မြို့မှ သွားဆရာဝန် ဒေါက်တာကျော်သူရထွန်းကိုမတရားအသင်းဆက်သွယ်ရေးပုဒ်မ ၁၇(၁) ဖြင့် စက်တင်ဘာ ၂၅ ရက်နေ့က တရားစွဲထားသည်ဟု သိ၇သည်။

၂၀၂၀ ခုနှစ် မေလ ၈ ရက်နေ့ မြေပုံမြို့နယ်ဆရာဝန်ဒေါက်တာ နေလင်းထွေး(၃၅) နှစ်ကို မြေပုံမြို့ ဆေးရုံဝင်းအတွင်း သူ၏နေအိမ် အခန်းထဲတွင် သွေးရိုးသားရိုးမဟုတ်ဘဲ သေဆုံး၍ တွေ့ရှိခဲ့သည်။  ၎င်းသေဆုံးမှုအပေါ်စစ်အုပ်စု၏ ပယောဂမကင်းကြောင်း သံသယနှင့် အတူ စွပ်စွဲမှုများ ထွက်ပေါ်ခဲ့သည်။