နိရဥ္စရာ၊စက်တင်ဘာ/၂၀၂၂

ရခိုင်ပြည်နယ်၊၇သေ့တောင်မြို့နယ်၊စေတီပြင်- ကျောက်ပန်းတူ တောင်ကျော်ကားလမ်းပေါ်တွင် ရိက္ခာဆင်းယူသည့် စကစတပ်ဖွဲ့တစ်ခုကို သင်္ကန်းတောင်အနီး၌ ရက္ခိုင့်တပ်တော်(AA)က  ကြားဖြတ် တိုက်ခိုက်ခဲ့သဖြင့် အပြန်အလှန် တိုက်ပွဲဖြစ်ခဲ့သည်ဟု သိ၇ကြောင်း အနီးအနားရှိ ဒေသခံများက ပြောကြားသည်။

ယနေ့စက်တင်ဘာ ၂၉ရက် နေ့လယ် ၂နာရီ ကျော်ခန့်တွင် တောင်ပေါ်က ရိက္ခာဆင်းယူသည့် စစ်ကောင်စီတပ်ကို အေအေက တိုက်ခိုက်ရာမှအပြန်အလှန် တိုက်ပွဲဖြစ်ပွားခဲ့သည်ဟုဒေသခံများက ပြောဆိုသည်။

တိုက်ပွဲတွင် နှစ်ဖက် တပ်ဖွဲ့များအနေဖြင့်လက်နက်ကြီး လက်နက်ငယ်များဖြင့် အပြန်အလှန် တိုက်ခိုက်ခဲ့ကြပြီး ပစ်ခတ်သံများကို မိနစ် ၃၀ခန့်  ကြားခဲ့၇ကြောင်း ဒေသခံ တစ်ဦးက ပြောဆိုသည်။

" ကျောက်ပန်းတူနဲ့ စေတီပြင် တောင်ကျော်ကားလမ်း ကြားမှာရှိတဲ့ တောင်ကုန်းမှာပါဖြစ်တာပါ၊ ဒေသခံတွေက သင်္ကန်းတောင်လို့ ခေါ်ပါတယ်။ အပြန်အလှန်လက်နက်ကြီးလက်နက်ငယ် ပစ်သံတွေ ကြားနေ၇ပါတယ်။တောင်ပေါ်မှာဆိုတော့ ထိခိုက်ကျဆုံးမှုတွေကတော့မသိ၇သေးပါဘူး။ အခုတော့ ငြိမ်သွားပါပြီ " ဟု ယနေ့ ညနေ၃ နာရီကျော်က ပြောသည်။

ယနေ့ ဖြစ်သည့် တိုက်ပွဲသည် မွန်းလွဲ  ၂နာရီကျော်မှ ညနေ  ၃နာရီခန့်အထိ မိနစ် ၃၀ခန့် လောက် ဖြစ်ပွားခဲ့သည်ဟု တခြားဒေသခံတစ်ယောက်က ပြောသည်။

" ဒီနေ့ နေ့ခင်းဘက်လောက်က ဖြစ်တာ။ မိနစ်၃၀လောက် ဖြစ်ခဲ့ပါတယ်။ ကြားရတဲ့အသံအ၇ကတော့ အပြန်အလှန်တိုက်ပွဲဖြစ်သံလို့ယူဆလို့ရပါတယ်။ရွာတွေဘက်မှာ ထိခိုက်မှုတော့မရှိပါဘူး။ "ဟုပြောသည်။

ပြီးခဲ့သည့်စက်တင်ဘာ ၂၇ ရက်ကလည်း စေတီပြင် အထက်နန်းရာကုန်းအထက်က စေတီတောင်ပေါ်တွင် တပ်စွဲထားသည့်စစ်ကောင်စီ နယ်ခြားစောင့် စခန်းကို အေအေက လက်နက်ကြီးများဖြင့် တိုက်ခိုက်ခဲ့သည်။

ထိုသို့ တိုက်ခိုက်ခဲ့ပြီးနောက် စက်တင်ဘာ ၂၇ နှင့် ၂၈ ရက်ညများတွင် ၇သေ့တောင်တွင် တပ်စွဲထားသည့်  ၅၃၆၊၅၃၇၊၅၃၇ တပ်ရင်းမှ  လက်နက်ကြီးကျည်များဖြင့်  အနီးအနားရှိတောင်တန်းများကို လှမ်းပစ်မှုများရှိခဲ့သည့် အတွက်ကြောင့်ပိတောက်မြိုင်ရွာနှင့် ပြင်ရှည်ရွာအနီးတွင်လက်နက်ကြီးကျရောက်ပေါက်ကွဲ၍ ရွာသားများ စိုးရိမ်ထိတ်လန့်ပြီး ရွာကနေ ထွက်ပြေးသွားခဲ့ကြသည်ဟုသိ၇သည်။  (NN -13)

(ဓာတ်ပုံ- စေတီပြင်- ကျောက်ပန်းတူ တောင်ကျော်ကားလမ်းကို ဖောက်လုပ်စဉ်က တွေ့၇စဉ်)