နိရဥ္စရာ၊ စက်တင်ဘာ၃၀/၂၀၂၂

၇ခိုင်ပြည်နယ်၊ မင်းပြားမြို့နယ်ဒုတိယ ပညာရေးမှူး ဦးတင်မျိုးဇော်ကို စစ်ကောင်စီတပ်က ဖမ်းဆီးထားကြောင်းမင်းပြားမြို့နယ် ပညာရေးအသိုင်းအဝိုင်းက နိ၇ဉ္စရာသတင်းဌာနသို့ ပြောဆိုကြသည်။

ဦးတင်မျိုးဇော်ကိုပြည်နယ်ပညာရေးမှူးရုံးက စစ်တွေသို့ လာရောက်ရန် ခေါ်ယူ၍ စက်တင်ဘာလ ၂၇ ရက်တွင်စစ်တွေမြို့၌ဖမ်းဆီးခဲ့ခြင်းဖြစ်ကြောင်း မင်းပြားမြို့နယ်မှပညာရေးဝန်ထမ်းတစ်ဦးက ပြောသည်။

''ပြည်နယ်ပညာရေးမှူးရုံးကခေါ်တယ်ပြောလို့စစ်တွေကို သွားတာ။ ဟိုရောက်တော့ အဖမ်းခံရတယ်ကြားတယ်။ အခုထိ အဆက်အသွယ်မ၇သေးဘူး''ဟု ၎င်းက ပြောသည်။

မည်သည့်အတွက်ဖမ်းဆီးထားသည်ကိုလည်း မသိ၇သေးဟု ဆိုသည်။

အဆိုပါဖြစ်စဉ်အားအတည်ပြုရန် ပြည်နယ်ပညာရေးမှူး ဦးဘထွီးစိန်ကို နိ၇ဉ္စရာသတင်းဌာက ဆက်သွယ်မေးမြန်းခဲ့ရာ “ အဲဟာကို မင်းပြားမြို့နယ်ပညာရေးမှူးရုံးကိုဖုန်းဆက်မေးလိုက်ပါ''ဟု ပြောဆိုသည်။

မင်းပြားမြို့နယ်ပညာရေးမှူးကို ထပ်မံ ဆက်သွယ်မေးမြန်းရာ ''ပြည်နယ်ပညာရေးမှူးခေါ်လို့စစ်တွေကိုသွားတယ်'' ဟုသာ ပြောဆိုပြီး ဖုန်းချသွားခဲ့သည်။ 
ယခုနောက်ပိုင်း စစ်ကောင်စီတပ်သည် ၇ခိုင်မှ  ဆရာဝန်များနှင့် လူမှုရေးတက်ကြွလှုပ်ရှားသူများကို ပစ်မှတ်ထားဖမ်းဆီးလျက်ရှိနေပြီ လက်တလော ဆရာဝန်နှစ်ဦးကိုလည်း ဖမ်းဆီးထိန်းသိမ်းထားကြောင်းသိ၇သည်။

၇ခိုင်ပြည်နယ်တွင်စက်တင်ဘာလ ၄ ရက်မှ စက်တင်ဘာ ၂၉ ရက်အထိ လက်နက်ကိုင်တော်လှန်ရေး အဖွဲ့အစည်းများနှင့် ဆက်သွယ်မှုရှိသည်ဟုစွပ်စွဲကာ စစ်ကောင်စီက ဖမ်းဆီးထားသူဦးရေမှာ (၄၀) ဦးနှင့်အထက်ရှိနေပြီးအများစုမှာ ၅၀၅(က)/(ခ) ၊ ၁၇(၁) ပုဒ်မများဖြင့် တရားစွဲဆိုခံထား၇သည်။