နိရဥ္စရာ၊ စက်တင်ဘာ၃၀/၂၀၂၂

ရခိုင်ပြည်နယ်၊အမ်းမြို့နယ်၊ လောင်းရာပြင်ရွာမှ မှိုသွားရှာသည့် ကျေးရွာသား ၉ ဦးကို စစ်ကောင်စီတပ်က နေရာ ၂ ခုမှ ၅ ဦး တစ်အုပ်စု၊ ၄ ဦးတစ်အုပ်စု သီးခြားစီဖမ်းဆီးခဲ့ပြီး ဒုတိယအုပ်စုထဲက ၄ ဦးကို ရ နာရီကြာ စစ်ဆေးမေးမြန်းပြီးနောက် ပြန်လွှတ်ပေးခဲ့သော်လည်း ပထမအဖမ်းခံ၇သူ ၅ ဦးကို ပြန်မလွှတ်ဘဲ ဆက်လက်ဖမ်းဆီးထားသည်ဟု သိ၇သည်။

ဆက်လက် ဖမ်းဆီးခံ၇သူများမှာ ကိုဝင်းမင်းအာင်(၂၃နှစ်)၊ ကိုဝင်းမြင့် (၃၂ နှစ်)၊ ဦးမောင်လုံးချို (၄၃ နှစ်)၊ ကိုညီသန်းချေ(၃၃ နှစ်)နှင့် ကိုမောင်မောင်စိုး(၂၆ နှစ်)တို့ဖြစ်ကြသည်။

သူတို့သည် ယမန်နေ့စက်တင်ဘာ ၂၉ ရက် နံနက် ၈ နာရီခန့်တွင် လောင်းရာပြင်ရွာမှစက်လှေဖြင့် မိနစ် ၅၀ ခန့်သွား၇သည့် တော ၃၀ အမည်ရှိတောင်သို့မှိုရှာသွားစဉ် ဖမ်းဆီးခံခဲ့ရခြင်းဖြစ်သည်ဟု သိ၇သည်။

အဆိုပါ ၅ဦးကို ရေမသိမ်ဆိပ်ကမ်းအနီး ချောင်းနားတွင် စစ်ကောင်စီတပ်ဖွဲ့ဝင်များက ဖမ်းဆီးသွားပြီးမည်သည့်အတွက် ဖမ်းဆီးသွားသည်ကိုလည်းမသိ၇ဘဲ ယခုအချိန်ထိ မိသားစုနှင့်လည်းအဆက်အသွယ်မရဟု သိ၇သည်။

နောက်ထပ်မှိုသွားရှာသည့် လောင်းရာပြင်ရွာသား ၄ ဦးကိုလည်း ညောင်ချောင်းဆိပ်ကမ်းအနီး ယမန်နေ့နံနက် ၈ နာရီခန့်တွင်စစ်ကောင်စီတပ်ဖွဲ့ဝင်အင်အား ၂၀ ခန့်က ဖမ်းဆီးခေါ်ဆောင် မေးမြန်းပြီး နေ့လယ်၃ နာရီကျော်တွင် ပြန်လွှတ်ပေးလိုက်သည်ဟု သူတို့နှင့်နီးစပ်သူတစ်ဦးကနိရဥ္စရာကို ပြောသည်။

"မင်းတို့ (AA)ကိုသိတယ်မလား။မင်းတို့ (AA)ကိုရိက္ခာတွေထောက်ပံ့တယ်မလား။ (AA)ဘယ်မှာလဲဆိုတာသိတယ်မလားပြော။မပြောရင်အလွတ်ပေးဘူး။ (AA)ရှိတဲ့နေရာပြောမှမင်းတို့ကိုပြန်လွတ်ပေးမယ်လို့ ပြောတယ်" ဟု ပြောသည်။

ထို ၄ဦးမှာ (AA)နှင့်ပတ်သက်မှုမရှိကြောင်းငြင်းဆိုခဲ့ပြီး မိမိတို့ မိသားစုစားဝတ်နေရေးအတွက်တစ်ရက်စာတစ်ရက် ရှာဖွေစားသောက်နေ၇သူများဖြစ်သည်ဟုပြောဆို၍လွတ်မြောက်လာခြင်းဖြစ်သည်ဟု ဆိုသည်။

လောင်းရာပြင်မှ ရွာသားများမှာရေလုပ်ငန်းကို အဓိက မှီခို၍ လုပ်ကိုင်စားသောက် ကြပြီး တော ၃၀ တောင်ဘက်သို့လည်းစက်လှေဖြင့် မှိုရှာသွားလေ့ရှိသည်ဟု သိ၇သည်။ (NN-13)

(ဓာတ်ပုံ- မြေပုံမြို့နယ် စညင်းစစ်ဘေးရှောင်စခန်းကို စစ်သားများ ဝင်ရောက်စစ်ဆေးနေပုံဖြသည်။ ဓာတ်ပုံဟောင်း)