ရသေ့တောင်မြို့နယ်မြောက်ပိုင်း ဆောက်ခပ်ရွာရှိ တပ်စခန်းမှ ရေထွက်ခပ်သည့်စစ်သား၅ ဦးကို အေအေကစနိုက်ဘာဖြင့်ပစ်ခတ်၍ ၄ ဦးသေပြီး ၁ ဦးဒဏ်ရာရ
နိရဉ္စရာ၊စက်တင်ဘာ ၃၀/၂၀၂၂
ရခိုင်ပြည်နယ်၊ရသေ့တောင်မြို့နယ်၊ ဆောက်ခပ်ကျေးရွာတွင် တပ်စွဲထားသည့် စကစ စခန်းမှ ရေထွက်ခပ်သည့် စစ်ကောင်စီတပ်သား၅ ဦးကို ၇က္ခိုင့်တပ်တော်(AA)တပ်ဖွဲ့ဝင်များကကင်းပုန်းဝပ်ကာ စနိုက်ဘာဖြင့် ပစ်ခတ်သဖြင့် စစ်သား၄ ဦးသေဆုံးပြီး ၁ ဦးဒဏ်ရာရရှိသွားကြောင်းအေအေနှင့်နီးစပ်သည့်ခိုင်လုံသည့် သတင်းရင်းမြစ်အ၇ သိ၇သည်။
ဖြစ်စဉ်မှာယနေ့ စက်တင်ဘာ ၃၀ ရက်၊ နေ့လယ် ၃ နာရီကျော်တွင် ဖြစ်ပွားခဲ့ပြီး ဆောက်ခပ်ရွာ ဘုန်းကြီးကျောင်းအနီးရှိ ကန်ထဲ ရေဆင်းခပ်သည့် စစ်ကောင်စီတပ်သား၅ ဦးကို အေအေက ကင်းပုန်းဝပ်ကာ စနိုက်ဘာနှင့် ပစ်ခတ်ခဲ့ခြင်း ဖြစ်သည်ဟု ၎င်းသတင်းရင်းမြစ်ကပြောသည်။
"စစ်သား ၅ ယောက်မှာ တစ်ယောက်ဘဲ ဒဏ်ရာနဲ့ ထွက်ပြေးသွားတယ်။ ၄ ယောက်က ပွဲချင်းပြီးသေတယ်။ သူတို့ဘက်ကလက်နက်ကြီး၊ လက်နက်ငယ်တွေနဲ့ ပြန်ပစ်တယ်။ အဲဒီမှာအခဲမကျေတဲ့ စကစဘက်က လက်နက်ကြီးတွေနဲ့ ဆက်တိုက်ပစ်တာ"ဟု ပြောသည်။
အဆိုပါ ပစ်ခတ်မှုဖြစ်ပြီးနောက်ဆောက်ခပ်စခန်း လက်နက်ကြီး၊လက်နက်ငယ်များဖြင့်ပစ်ခတ်ခဲ့သလို ရသေ့တောင်မြို့ အခြေစိုက် တပ်ရင်း ၅၃၆ နှင့် ၅၃၇ တို့က ဆောက်ခပ်ရွာပတ်ဝန်းကျင်ကို တစ်နာရီ နီးပါး လက်နက်ကြီးဖြင့်ပစ်ခတ်ခဲ့ကြောင်း သိ၇သည်။
အိမ်ခြေ ၇၀ ကျော်ခန့်ရှိသည့် ဆောက်ခပ်ကျေးရွာအနီးဝန်းကျင်တွင် ၂၀၁၉-၂၀၂၀ ၌ တိုက်ပွဲ ဖြစ်ပွားခဲ့ပြီးယင်းနောက်ပိုင်း စစ်တပ်က ဝင်ရောက်တပ်စွဲထားသဖြင့်ရွာသားများမှာ ရွာကို စွန့်ခွာသွားခဲ့ကြပြီးရသေ့တောင်မြို့ပေါ်စခန်းများနှင့် စေတီပြင် စစ်ဘေးရှောင်စခန်းများတွင် နေထိုင်နေကြသည်ဟုသိ၇သည်။
အမည်မဖော်လိုသူ ဒေသခံတစ်ဦးက "ဆောက်ခပ်ဘက်ကလက်နက်ကြီးသံ၊ လက်နက်ငယ်သံ တွေကို ဒီနေ့ ညနေပိုင်းမှာတော်တော်ကြားလိုက်ရတယ်။လက်နက်ငယ်သံတွေ ကြားလိုက်၇ပေမယ့် တစ်ဖက်သတ် ပစ်တာမျိုးဘဲထင်တယ်။ လက်နက်ကြီး ပစ်တာကလည်း အလုံး လေးငါးဆယ်လောက်တောင်ရှိမယ်ထင်တယ်။တစ်နာရီနီးပါး ပစ်ခဲ့တာ။အဲသလိုလက်နက်ကြီး အများကြီးပစ်ရင် စစ်တပ်ဘက်က အထိနာနေပြီဆိုကိုဒေသခံတွေက နားလည် သဘောပေါက် ထားကြတယ်လေ"ဟု ပြောသည်။
ယနေ့ ည ၈ နာရီအချိန်ထိ ရသေ့တောင် အခြေစိုက် စကစတပ်ရင်း ၅၃၆နှင့် ၅၃၇ တို့မှ ဆောက်ခပ်ရွာ အနီးဝန်းကျင်ကို လက်နက်ကြီးများ ပစ်ခတ်ခဲ့သဖြင့် စစ်ကောင်စီဘက်ကအကျအဆုံးရှိ၍ ဖြစ်သည်ဟု ၎င်းက ဆိုသည်။
လှူရန်