မြောက်ဦးတွင် ဆေးဆိုင်ပိုင်ရှင် သက်ကြီးပိုင်းအမျိုးသားတစ်ဦးကို စစ်ကောင်စီတပ်က ဖမ်းဆီးခေါ်ဆောင်သွား
နိရဉ္စရာ၊အောက်တိုဘာ ၃/၂၀၂၂
ရခိုင်ပြည်နယ်၊မြောက်ဦးမြို့ရှိ မြောက်ဦးမြို့မဈေးတွင် ဆေးဆိုင်ဖွင့်ကာရောင်းချနေသည့် သက်ကြီးပိုင်းအရွယ်အမျိုးသားတစ်ဦးကို မြန်မာစစ်ကောင်စီတပ်က ဖမ်းဆီးခေါ်ဆောင်သွားကြောင်း ဒေသခံများကပြောသည်။
ဖမ်းဆီးခံ၇သူမှာအသက် ၆၅ နှစ်ခန့်အရွယ် မြောက်ဦးမြို့၊ တောင်ရပ်ရပ်ကွက် မြို့မဈေးတွင် ဆေးဆိုင်ဖွင့်ထားသည့်ဦးဘကျော်ဖြစ်သည်။
၎င်းကိုယနေ့နံနက်၁၀ နာရီခွဲခန့်က ၎င်း၏ဆေးဆိုင်မှ စစ်ကောင်စီတပ်သားများက လာရောက် ဖမ်းဆီးသွားခြင်းဖြစ်ကြောင်း သိ၇သည်။
"သူကမြောက်ဦးဈေးမှာဆေးဆိုင်ဖွင့်ရောင်းနေတာကြာပါပြီ။ သူ့ကိုဒီနေ့မနက်က စစ်သားတွေလာပြီး ဖမ်းသွားတာပါ။သူကဆေးဆိုင်တစ်ခုပဲရောင်းနေတဲ့သူပါဘဲ "ဟု မြောက်ဦးမြို့ခံတစ်ဦးကပြောသည်။
၎င်းအားဖမ်းဆီးသွားခြင်းအကြောင်းအရင်းနှင့်ပတ်သက်၍ မသိရှိ၇သေးကြောင်းနှင့် မည်သည့် နေရာသို့ခေါ်ဆောင်သွားခြင်းကိုလည်း မသိ၇သေးကြောင်း ၎င်းမြို့ခံကဆက်ပြောသည်။
လက်ရှိတွင်၎င်း၏ဆေးဆိုင်ကို သူ၏သားသမီးများမှ ဆက်လက်ဖွင့်လစ် ရောင်းချနေသေးကြောင်းဒေသခံများကပြောသည်။
မြောက်ဦးမြို့တွင်ပြီးခဲ့သည့် စက်တင်ဘာလ ၂၅ ရက်ကလည်း မြောက်ဦးနန်းရိပ်ကရုဏာ အခမဲ့အောက်ဆီဂျင် ကူညီရေးအဖွဲ့မှ အတွင်းရေးမှူးနှင့်ညီဖြစ်သူတို့ကိုလည်း စစ်တပ်က ဖမ်းဆီးသွားပြီးလူမှုကွန်ရက်စာမျက်နှာပေါ်တွင် လူသိများသည့် မြောက်ဦးမြို့ခံ ကိုကျော်ဇံဝေ (ခ)ကိုရင်ဆို့ကိုလည်းစက်တင်ဘာလ ၄ ရက်နေ့က ရဲနှင့်စစ်တပ်က သူ၏နေအိမ်မှ ဖမ်းဆီးသွားသည်။
လက်ရှိရခိုင်တွင်ရက္ခိုင့်တပ်တော်နှင့်မြန်မာစစ်တပ်တို့အကြား စစ်ရေးမျတင်းမာလျက်ရှိနေပြီး ရခိုင်မှလူမှုရေးလှုပ်၇ှားသူပ၇ဟိတသမားများနှင့် အစိုးရဝန်များအပါအဝင်လူပေါင်း ရာနှင့်ချီပြီး စစ်ကောင်စီက ဖမ်းဆီးထားသည်ဟု သိ၇သည်။ (NN-8)
လှူရန်