- Web Master
- ၀၄ မေ ၂၀၂၄
နိရဉ္စရာ၊ အောက်တိုဘာ ၄၊ ၂၀၂၂
ရခိုင်ပြည်၊ ကျောက်တော်မြို့နယ်၊ ကန်စောက်အခြေစိုက် ၅၃၉တပ်ရင်းမှ ယနေ့ နေ့လယ်က လက်နက်ကြီးများဖြင့် လူနေကျေးရွာများအနီးဝန်းကျင်ကို အကြောင်းမဲ့ပစ်ခတ်ခဲ့သည်ဟု သိရသည်။
ကျောက်တော်မြို့နယ်၊ ကန်စောက်အခြေစိုက်
၅၃၉တပ်မှ ကျောက်တော်၊ ပုဏ္ဏားကျွန်းနယ်ခွဲအနီးရှိ ရွက်မညှိုးတောင်နှင့်
ဘုရားပေါ်တောင်များသို့ ယနေ့နေ့လယ် ၁နာရီခွဲခန့် အချိန်မှ စတင်ပြီး
တိုက်ပွဲများဖြစ်ပွားခြင်းမရှိ
" နေ့လယ် တစ်နာရီခွဲလောက်ကနေ စလို့ပစ်တာ။ ၅၃၉တပ်ကနေ လက်နက်ကြီးနဲ့ပစ်နေတာ။ စစ်တွေ-
ကျောက်တော် ကားလမ်းနားက ကပ်ရပ်ရှိတဲ့ ရွက် မညှိုးတောင်(ကျောင်းတောင်)နဲ့ ဘုရားပေါ်တောင်တန်းတွေကို ပစ်နေတာ။ ဟိုအရင် နေ့တွေကလည်း အကြောင်းမဲ့ပစ်တယ်။ အခုလည်း တိုက်ပွဲလည်းမဖြစ်ပဲ ဒီအတိုင်းအကြောင်းမဲ့ပစ်နေတာ ၁၅လုံးရှိပြီ။ ခုလည်း ပစ်နေဆဲ" ဟု ဒေသ ခံတစ်ဦးက ပြောသည်။
စကစတပ်က လက်နက်ကြီးများဖြင့် ထိုသို့အကြောင်းမဲ့ပစ်ခတ်နေ၍ လက်နက်ကြီးကျည်များ ကျမည်ကို စိုးရိမ်ကာ ရွက်မညှိုးတောင်၊ ဘုရားပေါ်တောင်၊ ဒေဝန်း၊ ဒေဝန်းချောင်းမှာ အလုပ်အကိုင် မလုပ်နိုင်ဘဲ ရွာများမှ ထွက်ကာ ဘေးလွတ်ရာတွင် တိမ်းရှောင်နေကြရသည်ဟု သိရသည်။
"ရွက်မညှိုးတောင်နဲ့
လက်နက်ကြီးပစ်နေတဲ့ ၅၃၉ တပ်က အရမ်းမဝေးဘူး။ ပစ်သံနဲ့
လက်နက်ကြီးကျသံတွေကအရမ်းကျယ်တယ်
စစ်ကောင်စီတပ်သည် လူနေကျေးရွာများ အနီးတဝိုက်ကို လက်နက်ကြီးများဖြင့် ပစ်ခတ်နေသည်မှာ အကြိမ်ကြိမ်ရှိနေပြီး ထိုပစ်ခတ်မှုကြောင့် ပြည်သူများကိုသာ ထိခိုက်မှုရှိနေသည်ဟု ဆိုသည်။
“ ဒီနေ့ ရွက်ညိုးတောင်ရွာနဲ့ အဲဒီရွာအနီးကတောင်တွေကို လက်နက်ကြီး ၁၈ လုံးပစ်တယ်။ နေ့လယ် ၁ နာရီခွဲ့နေ ပစ်တာ ၂ နာရီ ၄၅ မိနစ်လောက်မှာ တန့်သွားတယ်။ ဘာကြောင့် ပစ်တယ်ဆိုတာ မသိရဘူး။ သူတို့ပစ်တာက သာမန် အရပ်ပြည်သူတွေကိုသာ ထိခိုက်နေပါတယ်။ အိမ်တွေပြိုတယ်။ ကလေးငယ်တွေကအစ သေဆုံးဒဏ်ရာရကြတယ်။ နွားတွေလည်း သေဆုံးနေတာပါပဲ ”ဟု ပြောဆိုသည်။
ထိုသို့ လက်နက်ကြီးများ ဆက်တိုက်ပစ်ခတ်နေ၍ ကျောက်တော်နှင့် ပုဏ္ဏားကျွန်း မြို့နယ် အစပ်အနီးရှိ ဒေးဝန်း၊ ချောင်းတူ ကျေးရွာများမှ ရွာသားများ ထွက်ပြေးနေကြရပြီး လွန်ခဲ့သည့် ရက်အနည်း ငယ်ကလည်း ဗုဒ္ဓေါကျေးရွာ၊ ကွမ်းအုံစု၊ ရွက်ညိုးတောင်(ဘုရားပေါ်) ကျေးရွာများမှ ရွာသားများလည်း ထွက်ပြေးခဲ့ကြရကြောင်း သိရသည်။
လက်ရှိအချိန်ထိ အဆိုပါ ဒေသမှ ထွက်ပြေးရသူ စစ်ဘေးရှောင် ၁၀၀၀ ကျော်ရှိသွားပြီဟုလည်း သိရသည်။
ပြီးခဲ့သည့် စက်တင်ဘာ ၂၉ရက်နေ့ကလည်း ကျောက်တော်၊ ပုဏ္ဏားကျွန်းမြို့နယ် ၂ခုအစပ်ရှိ ဗုဒ္ဓေါကျေးရွာအနီး ရိက္ခာသွားယူသည့် စကစစစ်ကြောင်းကို AA ကဝင်ရောက် တိုက်ခိုက်ခဲ့ပြီးနောက်ပိုင်း စစ်ကောင်စီတပ်များ လက်နက်ကြီးများဖြင့် အနီးအနားကျေးရွာများကို ပစ်ခတ်ခဲ့၍ အိမ်များပျက်စီးကာ နွားများလည်း သေဆုံးမှုရှိခဲ့သည်။
(NN-