စစ်ကောင်စီတပ်ကပစ်ခတ်သည့် လက်နက်ကြီးကျည်စထိမှန်ကာ မင်းပြားကြမ်းတိုက်ရွာတွင် အမျိုးသမီးတစ်ဦးဒဏ်ရာရ
နိရဉ္စရာ၊အောက်တိုဘာ ၅/၂၀၂၂
စစ်ကောင်စီက ပစ်ခတ်သည့် လက်နက်ကြီးကျည်စထိမှန်ကာ မင်းပြားမြို့နယ်၊ ကြမ်းတိုက်ရွာတွင် အမျိုးသမီးတစ်ဦး ဒဏ်ရာရရှိသွားကြောင်းသတင်းရရှိသည်။
ယနေ့အောက်တိုဘာ ၅ ရက် ည ၈ နာရီခွဲခန့်တွင် လက်နက်ကြီးကျည် ကျရောက်ပေါက်ကွဲပြီး ကျည်စ ထိမှန်ကာ ထိခိုက်ဒဏ်ရာရရှိသွားခြင်းဖြစ်ကြောင်းဒေသခံတစ်ဦးက ပြောသည်။
"အ၀ရွာအုပ်စု၊ မင်းရွာတောင်ကုန်းမှာရှိတဲ့စစ်တပ် ၁၄၄ကုန်းကနေ ၈ နာရီခွဲလောက်က လက်နက်ကြီး ၃ လုံးပစ်တာပါ။ ရွာမှာလာကျပြီး အမျိုးသမီးတစ်ယောက်လက်မှာကျည်လာစဉ်ပြီး ထိခိုက်သွားပါတယ်"ဟုဆိုသည်။
ဒဏ်ရာရရှိသွားသည့်အမျိုးသမီးမှာမင်းပြားမြို့နယ်၊ ဖားပြိုရွာမှ ကြမ်းတိုက်ရွာသို့ စစ်ဘေးရှောင်ရန်ရောက်ရှိနေသည့် အသက်၄၀ ကျော်အရွယ် ဒေါ်စိန်အေးနု ဖြစ်ကြောင်း သိ၇သည်။
"သူကကြမ်းတိုက်ရွာက မဟုတ်ပါဘူး။ ဖားပြိုရွာကနေကြမ်းတိုက်မှာစစ်ဘေးရှောင်ဖို့ ပြောင်းရွှေ့နေတာ တစ်လလောက်ပဲရှိသေးတယ်"ဟု ၎င်းကဆက်ပြောသည်။
မင်းပြားမြို့အခြေစိုက်(၅၄၁)တပ်ရင်းနှင့် မယ်တော်တော်အပြင် တခြားစစ်တပ်တပ်ရင်းများမှ ညည့် ၈ နာရီခန့်တွင်လက်နက်ကြီးများပစ်ခတ်ခဲ့ခြင်းပြုလုပ်ခဲ့ကြောင်း မင်းပြားမြို့ခံတစ်ဦးက ညည့်၈ နာရီခွဲခန့်ကနိရဉ္စရာက ပြောသည်။
စစ်ကောင်စီတပ်သည်မင်းပြား၊ ဘူးသီးတောင်၊ ကျောက်တော်၊ မြောက်ဦးနှင့် မောင်တောမြို့နယ်တို့တွင် တိုက်ပွဲဖြစ်ပွားခြင်းမရှိဘဲအကြောင်းမဲ့လက်နက်ကြီးများ ပစ်ခတ်ခြင်းများ ဆက်တိုက်လုပ်ဆောင်နေသည့်အတွက် ဒေသခံများမှာသေဆုံးမှု၊ ထိခိုက်ဒဏ်ရာရရှိမှု၊နေအိမ်ထိခိုက်မှုများရှိနေပြီး စိုးရိမ်ကြောက်ရွံ့ကာ နေထိုင်နေ၇သည်ဟု ဒေသခံများက ပြောသည်။(NN-7)
လှူရန်