နိရဥ္စရာ၊ အောက်တိုဘာ၆ /၂၀၂၂

၇ခိုင်ပြည်နယ်၊ ၇သေ့တောင်မြို့နယ်နှင့်ဘူးသီးတောင်မြို့နယ်တို့မှနေရာအချို့ကို စစ်ကောင်စီတပ်က ညဉ့် အချိန် ဂျက်တိုက်လေယာဉ်ဖြင့် လာရောက်တိုက်ခိုက်ပြီး တပ်ရင်းအချို့ကလည်းလက်နက်ကြီးများဖြင့်တစ်ညဥ့်လုံး ပစ်ခတ်ခဲ့သည်ဟု ဒေသခံများကပြောသည်။

ရသေ့တောင်မြို့နယ်ကုန်တန်း၊ ကုလားချောင်းစသည့်ကျေးရွာများအနီးနှင့် ထိုကျေးရွာများအနီးရှိလယ်သူကြီးတောင်အနီးတို့ကို စစ်ကောင်စီတပ်က ဂျက်ဖိုက်တာတစ်စီးဖြင့်ယနေ့ အောက်တိုဘာ ၆ ရက် ညဥ့် ၁ နာရီ ၅ မိနစ်တွင် နှစ်ကြိမ်တိုင်လာရောက်ပစ်ခတ်ခဲ့သည်ဟု ၇သေ့တောင်မြို့နယ် ဒေသခံတစ်ဦးက ပြောသည်။

“ဂျက်ဖိုက်တာနဲ့နှစ်ကြိမ်လာပစ်ပါတယ်။ မနေ့က ပစ်ခဲ့တဲ့နေရာပါ။ ၇သေ့တောင်မြို့နယ်ကုန်တန်း၊ ကုလားချောင်း၊ နောက်ပြီး အဲဒီနားမှာ လယ်သူကြီးတောင်လို့ရှိပါတယ်။အဲဒီနားတွေကို လှမ်းပစ်ခဲ့ပါတယ်။ ထိခိုက်ဒဏ်ရာတွေတော့ မကြားမိဘူး”ဟု ပြောသည်။

ယင်းအပြင် ညဥ့် ၁ နာရီမိနစ် ၂၀ ခန့်တွင်လည်း ရသေ့တောင် ခမ၇ ၅၃၆ နှင့် ရေစိုးချောင်း ဗျူဟာတို့ကလည်း ယင်းနေရာများကိုလက်နက်ကြီးများဖြင့် လှမ်းပစ်ခတ်နေခဲ့သည်ဟု ဆက်ပြောသည်။

“လေယာဉ်ပျံသွားပြီးတဲ့နောက် ရသေ့တောင်ခမ၇ ၅၃၆ က လက်နက်ကြီးလှမ်းပစ်ပါတယ်။ နောက်ပြီးတော့ ရေစိုးချောင်းဗျူဟာကအဲဒီနေရာတွေကို လက်နက်ကြီးလှမ်းပစ်ပါတယ်”ဟု ဆိုသည်။

ယနေ့နံနက် ၉နာရီခန့်ကလည်း ယင်းရွာများအနီးဝန်းကျင်မှ  လက်နက်ငယ်ပစ်ခတ်သံများ ကြား၇ကြောင်း ဒေသခံများက ပြောသည်။

ယခုပစ်ခတ်ခံခဲ့ရသည့်နေရာသည် ယမန်နေ့အောက်တိုဘာ ၅ ရက် နံနက် ၁၀ နာရီခန့်ကလည်း စစ်တပ်၏ဂျက်ဖိုက်တာတစ်စီး၏လက်နက်ကြီး ၃ ကြိမ်တိုင်တိုင် လာရောက်ပစ်ခတ်ခြင်း ခံခဲ့ရသည့်နေရာဖြစ်သည်ဟု သိ၇သည်။

၇သေ့တောင်မြို့နယ် မညှင်းတောင်ပေါ်တွင်ယမန်နေ့ အောက်တိုဘာ ၅ ရက် နံနက်  ၆ နာရီကျော်ခန့်က ရက္ခိုင့်တပ်တော်(AA)နှင့်မြန်မာစစ်တပ်တို့ ထိတွေ့မှုအနည်းငယ်ဖြစ်ပေါ်ခဲ့ပြီးနောက် ရေစိုးချောင်း ဗျူဟာနှင့် မညှင်းတောင်တွင်တပ်စွဲထားသော မြန်မာစစ်တပ်က အနီးအနားကျေးရွာများကို ယခုကဲ့သို့လက်နက်ကြီးများဖြင့် လှမ်းပစ်ခဲ့သည်ဟု ဒေသခံများက ပြောသည်။

မြန်မာ စစ်ကောင်စီသည် ရသေ့တောင်မြို့နယ် မြောက်ပိုင်းမှ ဒေသအတွင်းမှအရေးပါသည့် ရေစိုးချောင်းဗျူဟာ ရက္ခိုင့်တပ်တော် (AA) လက်ထဲမကျရောက်ရန် အပြင်းအထန် ကာကွယ်နေရပြီး နေ့စဉ်နေတိုင်း လေယာဉ်များ အသုံးပြု၍ ပစ်ခတ်ခြင်း၊လက်နက်ကြီးများဖြင့် အေအေရှိနိုင်သည်ဟု ယူဆသည့် နေရာများကို အဝေးမှ လက်နက်ကြီးများဖြင့်လှမ်းပစ်ခတ်ခြင်းများ ပြုလုပ်နေရသည်ဟု ဒေသအတွင်း စစ်ရေးလေ့လာသူ တစ်ဦးက ပြောသည်။

အလားတူ ယနေ့အောက်တိုဘာ ၆ ရက် ညဥ့် ၂ နာရီ ၄၉ မိနစ်ခန့်မှစတင်ကာ ညဥ့် ၄ နာရီခန့်အထိဘူးသီးတောင်မြို့ရှိ ခမ၇ ၅၅၁ က ဘူးသီးတောင်မြို့နယ် သရက်တောင်ကျေးရွာနှင့်ဂူတာပြင် ကျေးရွာဘက်တို့ကိုလက်နက်ကြီးများဖြင့် ဆက်တိုက်ပစ်ခတ်နေခဲ့သည်ဟု ဒေသခံများက ပြောသည်။

ဒေသခံတစ်ဦးက “အဲဒီနေရာကို မနက် ၄ နာရီလောက်အထိ ပစ်ပါတယ်။ ညဥ့် ၂ နာရီ၄၉ မိနစ်လောက်ကနေ မနက် ၄ နာရီလောက်အထိ လက်နက်ကြီးနဲ့လှမ်းပစ်ပါတယ်”ဟုပြောသည်။

သရက်တောင်ကျေးရွာအနီးတွင် ယမန်နေ့အောက်တိုဘာလ ၅ ရက် နံနက်ပိုင်းနှင့် နေ့လယ်ပိုင်းတို့က ရက္ခိုင့်တပ်တော်(AA)နှင့်စစ်ကောင်စီတပ်တို့ တိုက်ပွဲဖြစ်ခဲ့သည်ဟု ဒေသခံများက ပြောသည်။

ယင်းနေရာများကို ယမန်နေ့ကစစ်ဇက်ရေယာဉ်ကလည်း လက်နက်ကြီးများ ပစ်ကူမှုများရှိခဲ့ကြောင်း စိမ်းညှင်းပြားကျေးရွာသားတစ်ဦးက ပြောသည်။

အောက်တိုဘာလ ၃ရက်ကလည်း ဂူတာပြင်ကျေးရွာအနီးတွင် AA နှင့် စစ်တပ်တို့ တိုက်ပွဲဖြစ်ပွားခဲ့သေးသည်ဟုလည်းဒေသခံများက ပြောသည်။

ဓာတ်ပုံ - ရသေ့တောင်မြို့နယ်ကုန်တန်းကျေးရွာအနီး ယမန်နေ့ အောက်တိုဘာ ၅ ရက် နံနက် ၁၀ နာရီခန့်ကစစ်တပ်၏ဂျက်ဖိုက်တာတစ်စီး၏ လက်နက်ကြီး ၃ ကြိမ်တိုင်တိုင် လာရောက်ပစ်ခတ်ခြင်းခံခဲ့ရ၍မီးခိုးလုံးများ ထွက်ပေါ်နေသည်ကိုတွေ့၇စဉ်။