မင်းပြား(၃၇၉) တပ်ကဖမ်းဆီးသွားသည့် လူငယ်နှစ်ဦးပြန်လွတ်လာ
မင်းပြားအခြေစိုက် စစ်ကောင်စီတပ်ရင်း (၃၇၉)တပ်ကဖမ်းဆီးသွားသည့် မင်းပြားမြို့နယ်၊ ထောင့်ချောင်းကြီးရွာမှ လူငယ်နှစ်ဦးပြန်လည်လွတ်မြောက်လာကြောင်း သတင်းရရှိသည်။
ယနေ့ နံနက် ၉ နာရီခွဲအချိန်ခန့်ကခမ၇ (၃၇၉ ) တပ်ရင်းက မိဘများကို ခေါ်ပြီး ခံဝန်ကတိထိုးခိုင်းကာထိခိုက်မှုတစ်စုံတစ်ရာမရှိပဲ ကောင်းမွန်စွာပြန်လွှတ်ပေးလိုက်ကြောင်း ဖမ်းဆီးခံ၇သူများနှင့်နီးစပ်သူများက ပြောသည်။
"ဒီနေ့မနက်က ပြန်လွတ်လာတာပါ။ ဘာမှထိခိုက်ဒဏ်ရာရတာမရှိ အခုလိုကျန်းကျန်းမာမာ ပြန်လွတ်လာလို့အရမ်းဝမ်းသာပါတယ်"ဟု ထောင့်ချောင်းကြီးကျေးရွာသားတစ်ဦးက ပြောသည်။
ဖမ်းဆီးခံခဲ့၇သူများမှာ စိုးချေ(၁၉) နှင့် မောင်ခင်ဝင်း(၁၉)တို့ ဖြစ်သည်။
၎င်းတို့ ၂ ဦးကို အောက်တိုဘာ ၆ ရက် နေ့လယ် ၂ နာရီအချိန်တွင်ဆိုင်ကယ်နှင့်လာစဉ် (၃၇၉) တပ်ရင်းက ဖုန်းနှင့် ဆိုင်ကယ်များကို စစ်ဆေးခဲ့ကာ လက်ပြန်ကြိုးတုတ်ကာဖမ်းဆီးသွားခြင်းခဲ့ဖြစ်သည်။
မင်းပြားမြို့နယ် ၊ ရာမောင်တံတားအနီးတွင် စက်တင်ဘာ ၁၀ ရက်နေ့ကဆိုင်ကယ်နှင့်လာသည့် ဒေသခံနှစ်ဦးကို စစ်ကောင်စီတပ်က သေနတ်ပစ်တာဖမ်းဆီးခဲ့ပြီး စက်တင်ဘာ၂၁ ရက်နေ့ကလည်း နရမ်းကျေးရွာမှ ဒေသခံနှစ်ဦးကိုဖမ်းဆီးခဲ့သည့်အပြင် တခြား မင်းပြားမြို့နယ်မှဒေသခံတချို့ကိုလည်းစစ်ကောင်စီတပ်က ဖမ်းဆီးထားသည့်အတွက် လက်ရှိဖမ်းဆီးခံထားရဆဲ အပြစ်မရှိသည့် ဒေသခံများကိုလည်းအမြန်ဆုံးပြန်လွှတ်ပေးသင့်ကြောင်း လူမှုရေးလှုပ်ရှားသူများနှင့် ဒေသခံများက ပြောသည်။(NN-7)
လှူရန်