မြောက်ဦးတွင် ဖမ်းဆီးသွားသူ အရပ်သား၃ ဦးကို စစ်ကောင်စီတပ် ပြန်လွှတ်ပေး
နိရဥ္စရာ၊ အောက်တိုဘာ၈/၂၀၂၂
၇ခိုင်ပြည်နယ်၊မြောက်ဦးမြို့တွင် စစ်ကောင်စီတပ်ကဖမ်းဆီးသွားသည့် လူ ၃ ဦး မနေ့က ပြန်လွှတ်ပေးလိုက်သည်ဟု သိ၇သည်။
ပြန်လွတ်မြောက်လာသူများမှာ မြောက်ဦးမြို့ရတနာပါလနာရေးကူညီမှုအဖွဲ့မှ အသင်းဝင်တစ်ဦးဖြစ်သူ ဦးမောင်ကျော်ညွန့်၊မြောက်ဦး ဝါဈေးအထက်လမ်းနေ ဦးသင်္ခါကျော်၏ သားနှစ်ဦးဖြစ်သည့်အသက် ၃၀ ကျော်အရွယ် မြောက်ဦးမြို့မှ နန်းရိပ်ကရုဏာအခမဲ့ အောက်စီဂျင်ကူညီရေးအဖွဲ့မှအတွင်းရေးမှူးဖြစ်သူ ကိုသန်းထွန်းနှင့် ညီဖြစ်သူ ကျော်သန်းလှိုင်တို့ဖြစ်သည်ဟုသိ၇သည်။
သူတို့ ၃ ဦးအနက်ကိုသန်းထွန်းတို့ညီအစ်ကို ၂ ဦးကို ယမန်နေ့ အောက်တိုဘာလ ၇ ရက်၊ ညနေ ၈နာရီခန့်တွင် နေအိမ်သို့ပြန်လွှတ်လိုက်ခြင်း
"မနေ့က ည၈ နာရီလောက်မှာ အိမ်ကိုရောက်ကြပါပြီ။ သူတို့ကျန်းကျန်းမာမာပါပဲ။ အေအေနဲ့ပတ်သက်ပြီးစစ်တာဆေးတာတွေတော့ ရှိတယ်ပြောပါတယ်။ ကျနော်လည်း သူတို့နဲ့အေးအေးဆေးဆေးမပြောရသေးတော့ အသေးစိတ်မသိ၇သေးဘူး" ဟု ပြောသည်။
သူတို့နှစ်ဦးကို ပြီးခဲ့သည့်စက်တင်ဘာလ ၂၅ ရက်၊ နံနက် ၁၁ နာရီခွဲခန့်တွင် စစ်ကောင်စီတပ်က တောင်ရပ်ဈေးနှင့်ရှေ့ဆိုင် လမ်းသွယ်အနားရှိဆိုင်မှ ဖမ်းဆီးသွားခြင်းဖြစ်သည်။
မြောက်ဦးမြို့ရတနာပါလနာရေးကူညီမှုအဖွဲ့မှ အသင်းဝင်တစ်ဦးဖြစ်သူဦးမောင်ကျော်ညွန့်ကိုလည်း ယမန်နေ့ ညနေ ၈ နာရီအချိန်တွင်စစ်ကောင်စီတပ်က ကားဖြင့်အိမ်ပြန်လွှတ်လိုက်သည်
"ည ၈နာရီကျော်မှာအိမ်ကိုရောက်တယ်။ ကားနဲ့ပြန်ပို့တာ။ စစ်ဆေးတာတွေကတော့ နာရေးရုံးကိစ္စတွေပေါ့။ပြီးတော့ နိုင်ငံရေးနဲ့ ကင်းကင်းရှင်းရှင်းနေဖို့ပြော
ဦးမောင်ကျော်ညွန့်ကို ပြီးခဲ့သည့်အောက်တိုဘာလ ၆ ရက်၊ နံနက် ၆ နာရီခွဲတွင် မြောက်ဦးမြို့၊ လက်ကောက်ဈီးရပ်ကွက်ရှိသူ၏နေအိမ်မှ စစ်ကောင်စီတပ်က လာရောက်ဖမ်းဆီးသွားခြင်းဖြစ်သည်
၇ခိုင်တွင် အောက်တိုဘာလအတွင်း ယနေ့အောက်တိုဘာ၈ ရက်နေ့အထိ မြောက်ဦး၊ ကျောက်တော်၊ တောင်ကုတ်၊ မင်းပြား မြို့နယ်တို့မှ ဒေသခံ၁၄ ဦးကို စစ်ကောင်စီတပ်က ဖမ်းဆီးထားသည်ဟု သိ၇သည်။ (NN-12)
လှူရန်