နိရဥ္စရာ၊ အောက်တိုဘာ၈/၂၀၂၂

ရခိုင်ပြည်နယ်၊အမ်းမြို့နယ်၊ တလိုင်းတောင်ကျေးရွာမှ စစ်တပ်က ရိုက်နှက် ဖမ်းဆီး နှိပ်စက်ခံထား၇သူ ဦးအောင်ဆန်းမှာ အရပ်ဆေးဆရာတစ်ဦးသာမက ခရစ်ယာန်သိက္ခာတော်ရဆရာတစ်ဦးလည်းဖြစ်ကြောင်း၊ လက်ရှိသူ့ကိုစစ်ကောင်စီစစ်ကြောင်း တစ်ခုကအတူခေါ်ယူသွားကြောင်းအသင်းတာဝန်ရှိသူများက နိရဉ္စရာသတင်းဌာနသို့ပြောဆိုသည်။

၎င်းသူမှာ တလိုင်းတောင်ကျေးရွာနေသုခမြန်မာအသင်းတော်မှ သိက္ခာတော်၇ ခရစ်ယာန်ဆရာတစ်ဦးလည်းဖြစ်သလိုချင်းအမျိုးသား အရပ်ဆေးဆရာ တစ်ဦးလည်း ဖြစ်ကြောင်း သိရှိ၇သည်။

သူ့ကိုစစ်ကောင်စီတပ်ဖွဲ့ဝင်များက ယမန်နေ့ အောက်တိုဘာ ၇ ရက် နံနက် ၁၀နာရီခန့်တွင် နေအိမ်ကို ဝင်ရောက် ဖမ်းဆီးရိုက်နှက်နှိပ်စက်ခဲ့ကာ ညနေ ၆နာရီကျော်၌ ရွာမှ အဆိုပါစစ်ကြောင်း ထွက်ခွာချိန်တွင်အတူ  ခေါ်ဆောင်သွားခြင်းဖြစ်သည်ဟု ဒေသခံများကပြောသည်။

စစ်ကြောင်းနှင့်အတူဖမ်းဆီးခေါ်ဆောင်ခံ၇သည့် ဦးအောင်ဆန်းသည်ယနေ့ အောက်တိုဘာလ ၈ ရက်အထိ ပြန်လွတ်လာခြင်းမရှိ၍ မိသားစုဝင်များနှင့်ဒေသခံများ အထူးစိုးရိမ်နေ၇ကြောင်း တလိုင်းတောင်မှ ရပ်ဖိရပ်ဖတစ်ဦးက ပြောသည်။

" သူတို့ဖမ်းသွားတဲ့ ဦးအောင်ဆန်းကိုကသူတို့နဲ့အတူခေါ်သွားပါတယ်။ စစ်သားတွေက မနေ့က ည ၆ နာရီ ၁၅လောက်ကနေရွာက ထွက်သွားပါပြီ။ အခုထိ ဘယ်လိုမှဆက်သွယ်လို့လည်းမ၇၊မိသားစုတွေလည်းတွေ့လို့မ၇တော့သူ့အခြေအနေကို မသိ၇ပါဘူး"ဟု ပြောသည်။

စစ်ကြောင်းနှင့်အတူ ဖမ်းဆီးခေါ်ဆောင်သွားသူ ဦးအောင်ဆန်းကို လူမြင်ကွင်းတွင် ရိုက်နက် နှိပ်စက်ပြီး ရရှိထားသည့် ဒဏ်ရာများဖြင့်  စိုးရိမ်၇သည့် အနေအထားဖြစ်နေကြောင်း၊ အသက်(၇၅)နှစ်အရွယ်မိခင်မှာလည်း သားစိတ်နှင့် ကျန်းမာရေး ထိခိုက်မည်ကိုစိုးရိမ်နေ၇ကြောင်းဦးအောင်ဆန်း၏ ညီဖြစ်သူ ဦးအောင်ငြိမ်းက ပြောသည်။

"ဦးအောင်ဆန်းက သူ့အိမ်မှာသူနေတာပါ။အဲ့ဒါကို ဖမ်းယူပြီး သေနတ်တွေနဲ့ထု၊ ပြီးတော့ အုပ်ချုပ်ရေးမှူးအိမ်ရှေ့မှာအများကြီးထုရိုက်ပါတယ်။ အဲ့လိုရိုက်ပြီး လက်နှစ်ဘက်ကိုကြိုးချည်ပြီးခြေဖျားမမှီတမှီတွဲထားပါတယ်။ မနေ့က မနက် ၁၁ နာရီလောက်မှာ တလိုင်းတောင်ချောင်းတံတားဦးကို ခေါ်ထုတ်လာပြီး တလိုင်းတောင်အထက်ရွာ၊ အောက်ရွာ၊ရွာသစ် သုံးရွာလုံးမြင်၇အောင်ဆိုပြီး နောက်ပြန်ကြိုးတုတ်ပြီးမကြည့်နိုင်အောင်ရိုက်ပါတယ်။ နောက်ပိုင်း သူတို့ဖမ်းချုပ်ထားပြီး မနေ့က သူတို့စစ်ကြောင်းထွက်တော့ဆွဲခေါ်သွားပါတယ်။ လက်ရှိ စိုးရိမ်ရတာက (၇၅) နှစ်အမေအိုပါ။သားစိတ်နဲ့ ငိုပဲငိုယိုနေပါတယ်"ဟု ပြောသည်။

ဦးအောင်ဆန်းမှာဓမ္မအမှုတော်ဆောင်တစ်ဦးဖြစ်သလိုနိုင်ငံရေးနှင့်လည်းပတ်သက်မှုမရှိ၍ ယခုကဲ့သို့ နိုင်ထက်စီးနင်းလုပ်ရပ်ကိုမလိုလားဘဲအမြန်ဆုံးပြန်လွှတ်ပေးရန် ၎င်းက တောင်းဆိုသည်။

"နိုင်ငံရေးနဲ့လည်းမပတ်သတ်ဘဲသူက ပါစတာပါ။ ဓမ္မအမှုတော်ဆောင်တစ်ယောက်ဖြစ်လို့ ဒီလိုလူတစ်ယောက်ကိုတော့အခုလိုနိုင်ထက်စီးနင်းလုပ်တာကိုတော့ မလိုလားပါဘူး။ ကျေးလက်အတိုင်းအတာနဲ့လည်းဆေးကုပါတယ်"ဟု ပြောသည်။

ရခိုင်တွင် စစ်ရေးတင်းမာလာသည်နှင့်အမျှမြို့နယ်အနှံ့အပြားတွင် စစ်ကောင်စီက ရက္ခိုင့်တပ်တော်(AA)နှင့်ဆက်စပ်သည်ဟုဆိုကာသံသယရှိသူများကို ဆက်တိုက်ရှာဖွေ ဖမ်းဆီးခြင်းများပြုလုပ်နေပြီးအပြစ်မဲ့ ဒေသခံအရပ်သားများကိုလည်း ဖမ်းဆီးမှုများရှိလာနေသည်ဟု ဒေသခံများက ပြောသည်။(NN-7)

(ဓာတ်ပုံ- စစ်ကောင်စီတပ်ဖွဲ့ တစ်ခုကိုတွေ့၇စဉ်/ပုံဟောင်းသာဖြစ်ပါသည်)