၇ခိုင်ပြည်နယ် မောင်တောမြို့နယ်မြောက်ပိုင်းရှိ လိပ်၇နယ်ခြားစောင့်စခန်းကို ရက္ခိုင့်တပ်တော်(AA)က ယနေ့နံနက်တွင်တိုက်ခိုက်သိမ်းပိုက်လိုက်ပြီဖြစ်ကာ နယ်ခြားစောင့်တပ်ဖွဲ့ဝင်၁၄ ဦး အေအေထံ လက်နက်ချ အလင်းဝင်ခဲ့သည်ဟု သိ၇သည်။

လိပ်၇နယ်ခြားစောင့်စခန်းအနီးတွင်ယနေ့ အောက်တိုဘာ ၁၀ ရက် အရုဏ်ဘက် ၄ နာရီခန့်မှစတင်ကာ နှစ်ဘက်တိုက်ပွဲအပြင်းအထန်ဖြစ်ပြီးနောက်နံနက် ၇နာရီခန့်တွင် ထိုစခန်းကို AA ကသိမ်းပိုက်လိုက်နိုင်ခြင်းဖြစ်သည်ဟု အမည်မဖော်လိုသည့် ဒေသခံတစ်ဦးက ပြောသည်။

“လိပ်၇စခန်းကိုသိမ်းလိုက်တဲ့သတင်းကမှန်တယ်။ ၉၉ ရာခိုင်နှုန်းမှန်တယ်”ဟုပြောသည်။

ယင်းသို့တိုက်ခိုက်သိမ်းပိုက်အပြီးနောက် နယ်ခြားစောင့် ၁၄ ဦးသည် AA ထံ အလင်းဝင်ရောက်ခဲ့သည်ဟုလည်း ၎င်းကပြောဆိုသည်။

တစ်ခြား ဒေသခံများကလည်း ယခုသတင်းအပေါ် အတည်ပြုကြပြီး ယနေ့နံနက် ရ နာရီတွင် အောင်မြင်စွာသိမ်းပိုက်နိုင်ခဲ့သည်ဟု ပြောဆိုသည်။

ယခုလိပ်ရစခန်း သိမ်းပိုက်မှုနှင့် ပတ်သက်ပြီး အေအေဘက်သို့အတည်ပြုချက်ယူရန် ဆက်သွယ်နေဆဲဖြစ်ပါသည်။

လက်ရှိတွင် မောင်တောကြိမ်ချောင်းရှိ အမှတ်(၇) နယ်ခြားစောင့်စခန်း (နခခ-၇)ကလည်း လက်နက်ကြီးများဖြင့်လိပ်ရဘက်သို့ ဆက်လက်ပစ်ခတ်လျက်ရှိပြီး နှစ်ဘက်တိုက်ပွဲလည်းဆက်လက်ဖြစ်ပွားလျက်ရှိသည်ဟု ဒေသခံများက ပြောသည်။