နိရဉ္စရာ၊ အောက်တိုဘာ ၁၁/၂၀၂၂

ကိုယ်တိုင်သင်တန်းတွေ ပြုလုပ်လာနိုင်အောင် သင်ကြားပေးခဲ့သည့်ရက္ခိုင့်တပ်တော် (AA) အား ကျေးဇူးတင်ကြောင်း ဗမာပြည်သူ့လွတ်မြောက်ရေးတပ်မတော် (BPLA) ကွပ်ကဲရေးမှူးမှ ၎င်းတို့၏ အခြေခံ စစ်ပညာသင်တန်း အပတ်စဉ်(၄) သင်တန်းဆင်းပွဲသို့ ပေးပို့သော အမှာစာတွင် ဖော်ပြထားသည်။  

“ BPLA ရဲ့ ယခင်သင်တန်းတွေကို ရက္ခိုင့်တပ်တော်က သင်တန်းဆရာတွေရဲ့ ကြီးကြပ်သင်ကြားပေးမှုနဲ့ပြုလုပ်ခဲ့ပြီး အပတ်စဉ် (၄) မှာတော့ BPLA ရဲ့ သင်တန်းဆရာတွေကိုယ်တိုင်ဦးဆောင်သင်ကြားနိုင်ခဲ့ပြီ ဖြစ်လို့ အားရကျေနပ်မိပါတယ်။ ခုလိုမျိုးသင်တန်းရေးရာတွေမှာကိုယ်တိုင်ရပ်တည်လာနိုင်အောင် စိတ်ရှည်လက်ရှည်နဲ့ သင်ကြားပေးခဲ့တဲ့ ရက္ခိုင့်တပ်တော် (AA) ကျေးဇူးအထူးတင်ရှိကြောင်း”  ဖော်ပြသည်။

၎င်းပြင် ဗမာပြည်သူ့လွတ်မြောက်ရေးတပ်မတော် (BPLA) အတွက် လိုအပ်တဲ့ နေရာအခင်းအကျင်း၊ လေ့ကျင့်ရေးပစ္စည်းစတာတွေကိုလိုလေသေးမရှိအောင်ကူညီထောက်ပံ့ပေးခဲ့တဲ့ ကရင်အမျိုးသား လွတ်မြောက်ရေးတပ်မတော် (KNLA)တို့ ကျေးဇူးအထူးတင်ရှိကြောင်း ဖော်ပြထားသည်။

၎င်းကျေးဇူးများကို ပြန်သိတတ်သောအနေဖြင့် မဟာမိတ်များအပေါ်  ကတိကဝတ်ပြုနိုင်သည်မှာBPLA သည် မိမိ၏ နိုင်ငံရေးရည်မှန်းချက်များနှင့် တော်လှန်ရေးအပေါ်၊မဟာမိတ်များအပေါ် မည်သည့်အခါမှ  သစ္စာမဖောက်ဘဲခိုင်ခိုင်မာမာလျှောက်လှမ်းသွားမည်ဟုလည်း ဖော်ပြထားသည်။