နိရဥ္စရာ၊ အောက်တိုဘာ၁၁/၂၀၂၂

ရခိုင်ပြည်နယ်လွှတ်တော်ရုံးမှ ဒုဦးစီးအမျိုးသမီးနှင့်၁ နှစ်အရွယ် သူ့သားငယ်တို့ကို စစ်ကောင်စီလက်အောက်ခံစစ်ဘက်ရေးရာလုံခြုံရေးတပ်ဖွဲ့ဝင် (စရဖ)များက ယနေ့နံနက်က ဖမ်းဆီးသွားသည်ဟုသိ၇သည်။

ဖမ်းဆီးခံ၇သူမှာ ရခိုင်ပြည်နယ်လွှတ်တော်ရုံးမှဒုဦးစီးဖြစ်သူ ဒေါ်စောပုံ့ပုံ့အောင် (၃၁ နှစ်)နှင့် သူမ၏ ၁နှစ်အရွယ် သားငယ်တို့ဖြစ်သည်။

သူတို့သားမိကို စ၇ဖတပ်ဖွဲ့ဝင်များကကား ၂ စီးဖြင့် ယနေ့ အောက်တိုဘာလ ၁၁ ရက် နံနက် ၈ နာရီခန့်တွင်စစ်တွေမြို့ရှိ ရခိုင်ပြည်နယ်လွှတ်တော်ရုံးခြံဝင်း ဝန်ထမ်းလိုင်းခန်းအတွင်းမှဖမ်းဆီးခေါ်ဆောင်သွားခြင်းဖြစ်သည်ဟု သူမတို့နှင့် နီးစပ်သူတစ်ဦးကနိရဥ္စရာကိုပြောသည်။

“သူတို့ဝင်လာတာက ၆နာရီ ၄၀ လောက်မှာ ဝင်လာတယ်။ ပြန်သွားတဲ့အခါတော့ ၈ နာရီလောက်မှာမှ သူတို့သားမိကိုဖမ်းပြီး ပြန်ထွက်သွားကြတယ်”ဟုပြောသည်။

ဖမ်းဆီးခံရသူဒေါ်စောပုံ့ပုံ့အောင်၏အမျိုးသား ဦးအောင်မြတ်သိန်းသည် အထူးစုံစမ်းစစ်ဆေးရေး ဦးစီးဌာန(စသုံးလုံး)မှဖြစ်ပြီးပြီးခဲ့သည့် ၁ လကျော်ကနေ ရန်ကုန်သို့သင်တန်းတက်ရန် သွားနေသည့်အတွက် စစ်တွေတွင်လည်းမရှိဟု သိ၇သည်။

ဒေါ်စောပုံ့ပုံ့အောင်တို့သားမိကိုဖမ်းဆီးသွားခြင်းမှာလည်း သူ့အမျိုးသားကိစ္စကြောင့်ဖြစ်နိုင်သည်ဟု သူမနှင့်နီးစပ်သူက ဆိုသည်။

“ဘာကြောင့်ဖမ်းသွားလဲတော့မပြောတတ်ဘူး။ သူ့အမျိုးသားကိစ္စကြောင့်ပဲထင်ပါတယ်။ သူ့အမျိုးသားကအဲဒီဘက်ကဆိုတော့လေ”ဟုပြောသည်။

သူမတို့အားမည်သည့်နေရာသို့ ခေါ်ဆောင်သွားသည်ကိုလည်း မသိ၇သေးဟုဆိုသည်။

သူမတို့သားမိအား ယနေ့နံနက်ကဖမ်းဆီးသွားပြီးနောက် စ၇ဖတပ်ဖွဲ့ဝင်များက သူမ၏ဖုန်းကို ဝန်ထမ်းလိုင်းခန်းရှိတိုက်ခန်းအတွင်း ထပ်မံလာရှာသေးသော်လည်း ရှာမတွေ့ခဲ့ဟု သိ၇သည်။