- Web Master
- ၀၄ မေ ၂၀၂၄
နိရဥ္စရာ၊ အောက်တိုဘာ
၁၂/ ၂၀၂၂
ရခိုင်ပြည်နယ်၊
မြေပုံမြို့နယ်၊ ငပသုန်ကျေးရွာ တိုက်နယ်ဆေးရုံအတွက် ဆေးဝါးများကို လမ်းကြုံသယ်ယူလာသည့်
စက်လှေပိုင်ရှင်အပါအဝင် စက်လှေမှ
တာဝန်ရှိသူ
၃
ဦးကို စစ်တပ်က အမှုဖွင့်ထား
ဖမ်းဆီးအမှုဖွင့်ခံထားရသူများမှ
သူတို့သည် ပြီးခဲ့သည်
စက်တင်ဘာလ ၂၅ ရက်နေ့က ငပသုန်တိုက်နယ်ဆေးရုံအတွက် လိုအပ်သည့် ဆေးဝါးများကို စစ်တွေမြို့မှ စက်လှေဖြင့်
လမ်းကြုံသယ်ဆောင်လာခဲ့ပြီး ပေါက်တောမြို့နယ်၊ မင်းဖူးရွာအနီးတွင်
စစ်ဇက်ရေယာဉ်ပေါ်က ဖမ်းဆီးကာ စစ်တွေ အမှတ်(၂)ရဲစခန်းတွင်
အမျိုးသားဆေးဝါးဥပဒေ ပုဒ်မ-၁၉(ခ)ဖြင့် အမှုဖွင့်ထားသည်ဟု
အမှုဖွင့်ခံရသည့် ဦးသိန်းဘုချေက နိရဥ္စရာကိုပြောသည်။
"ဆေးရုံအတွက်
လိုအပ်တဲ့ ဆေးဝါးကိုသယ်ယူလာတာ။ လမ်းကြုံလို့ သယ်ယူလာတဲ့သဘောမျိုးပါ။ ရေတပ်နေဗီက ဖမ်းပြီး
ရဲစခန်းအပ်တယ်။ ပြီးတော့ အမှုဖွင့်တာ။ စက်လှေနဲ့ဆေးဝါးတွေပါ သိမ်းသွားတယ်။
ဒီဆေးကို ဘယ်ကိုသယ်တာလဲမေးတယ်။
ကျွန်တော်က ဒီငပသုန်တိုက်နယ် ဆေးရုံအတွက် သယ်တာလို့ပြောပြီး
ဒေါက်တာဝင်နိုင်စိုးကို ဖုန်းဆက်တယ်။ ဒေါက်တာကိုပါ ဖမ်းတယ်"ဟု
ပြောသည်။
ယင်းသို့အမှုဖွင့်ခံရပြီးနောက်
သူတို့ ၃ ဦးကို စက်တင်ဘာလ ၂၇ ရက်တွင် အာမခံဖြင့် ပြန်လွှတ်ပေးလိုက်သည်ဟု ဆိုသည်။
အဆိုပါဆေးဝါးများသယ်ဆောင်မှုကြောင့် ငပသုန်တိုက်နယ်
ဆရာဝန် ဒေါက်တာ ဝင်းနိုင်စိုးကိုလည်း စစ်ကောင်စီက ခေါ်ယူကာ စက်တင်ဘာလ ၂၇ ရက်တွင်
ဖမ်းဆီးခဲ့ပြီး ပြီးခဲ့သည့်အောက်တိုဘာလ ၅ ရက်တွင် ပြန်လွှတ်ပေးခဲ့သည်။
ပြီးခဲ့သည့်
အောက်တိုဘာလ ၃ ရက်ကလည်း မြောက်ဦးမြို့မဈေးထဲမှ
ဆေးဆိုင်ရောင်းချနေသည့် အသက် ၆၀ ကျော်အရွယ် အမျိုးသားတစ်ဦးကို
စစ်တပ်ကဖမ်းဆီးခဲ့ပြီး နောက်တစ်နေ့တွင် ပြန်လွှတ်ပေးခဲ့သည်။
အလားတူ ပြီးခဲ့သည့်
စက်တင်ဘာလ ၆ ရက်ကလည်း တောင်ကုတ်မြို့တွင် ဆေးခန်းဖွင့်လှစ်ထားသည့်
ဒေါက်တာ ကျော်သူရထွန်းကို စစ်တပ်က ဖမ်းဆီးကာ အမှုဖွင့်ထားသည်ဟု
သိရသည်။ (NN-12)