နိ၇ဉ္စရာ၊ အောက်တိုဘာ ၁၆/၂၀၂၂

ချင်းပြည်နယ်၊ ပလက်၀မြို့တွင်  ယခုရက်ပိုင်းအတွင်း စစ်ကောင်စီကဖမ်းဆီးထားသည့် ပညာရေးဝန်ထမ်း ၂ ဦးအပါအဝင် ဒေသခံ ၅ ဦးနှင့်ပတ်သက်ပြီး သတင်းအစအန မ၇ဘဲဖြစ်နေသည့်အတွက် အထူးစိုးရိမ်နေကြောင်း မိသားစုဝင်များက ပြောသည်။

ဖမ်းဆီးခံထား၇သည့် ပလက်၀ဒေသခံများမှာ နှမဒါကျေးရွာအလယ်တန်းကျောင်းအုပ်ဆရာကြီး ဦးဇော်တင်၊ နှမဒါကျေးရွာအလယ်တန်းပြကျောင်းဆရာ ဦးမောင်ဝင်းသန်း၊ ပလက်၀မြို့ခံ ကိုမောင်ဆန်းဖြိုး၊ ဦးစောလှနှင့် ဦးကျော်ကျော်တို့ဖြစ်ကြသည်။

၎င်းတို့အနက် ပညာရေးဝန်ထမ်းနှစ်ဦးဖြစ်သည့် ဦးဇော်တင်နှင့် ဦးမောင်ဝင်းသန်းတို့ကို ပြီးခဲ့သည့် အောက်တိုဘာလ ၆ ရက်နှင့် ၇ ရက်တို့တွင် ဖမ်းဆီးသွားခြင်းဖြစ်ပြီး ယနေ့အချိန်အထိ သတင်းအစအနတစ်စုံတစ်ရာမ၇သဖြင့် စိုးရိမ်ပူပန်နေ၇ကြောင်း ဦးဇော်တင်၏မိသားစုတစ်ဦးက ပြောသည်။

"သွားလို့စုံစမ်းဖို့ကလည်း မကောင်းတော့ အခြေအနေကိုကြည့်နေ၇ပါတယ်။ ဖမ်းသွားတဲ့ အကြောင်းလည်း မသိ၇ဘူး။ အိမ်ကို ဧည့်စာရင်းစစ်ဖို့လာပြီးတော့ စစ်ဆေးစရာရှိတယ်ဆိုပြီး ခေါ်သွားတာပါ။ အပြစ်မလုပ်ထားတော့ ပြန်လွှတ်လာမယ်လို့တော့ ထင်ပါတယ်။ နှိပ်စက်ခံထားရတာလည်းရှိမယ်မထင်ဘူး။ တခြားကိစ္စတွေလုပ်တာလည်း ဘာမှမရှိပါဘူး။ ရိုးရိုးတမ်းတမ်းစာပြနေတာပါ။ အခုက သတင်းလည်းဘာမှမသိ၇တော့ စိုးရိမ်နေ၇ပါတယ်" ဟုပြောသည်။

ထို့အတူ ပြီးခဲ့သည့်အောက်တိုဘာလ ၁၃ ရက်နှင့် ၁၄ ရက်က ဖမ်းဆီးခံခဲ့၇သည့် ပန်းရံညီအစ်ကို ၂ ဦးအနက် ညီဖြစ်သူ ကိုမောင်ဆန်းဖြိုးကိုလည်း ၎င်း၏နေအိမ်မှ အောက်တိုဘာလ ၁၃ ရက်၊ ညအချိန်က ဧည့်စာရင်းလာစစ်ချိန်တွင် စစ်ကောင်စီတပ်သား ၂၀ ခန့်က လက်ထိပ်ခတ်၊ မျက်နှာဖုံးချုပ်ကာ ဖမ်းဆီးခေါ်ဆောင်သွားပြီး လမ်းခုလတ်တွင်လည်း ဝိုင်းဝန်းရိုက်နှက် သွားခဲ့သည်ဟု ၎င်း၏မိသားစုဝင်တစ်ဦးက ပြောသည်။

"အိမ်ကိုဧည့်စာရင်းလာစစ်တယ်၊ ပြီးတော့သူ့ကို ရှိလားမေးတယ်။ သူကဆင်းလာတော့ တခါတည်းဝိုင်းပြီးဖမ်းသွားကြတယ်။ စစ်ဆေးစရာရှိလို့ ခဏခေါ်သွားမယ်ဆိုပြီးတော့။ အိမ်နားက နည်းနည်းအဝေးရောက်တော့ သူ့လက်ကကြိုးတွေကိုချည်ပြီး ဝိုင်းပြီးရိုက်ကြပါတယ်။ ပြီးရင် သူ့ကို တိရစ္ဆာန်လေးတွေလို ဆွဲပြီးခေါ်သွားကြပါတယ်။ သူ့ကိုအမြန်ဆုံး ပြန်လွှတ်ပေးစေချင်ပါတယ်။ မနေ့ညကတွေ့ခွင့်သွားတောင်းခဲ့ပါသေးတယ်။ တွေ့ခွင့်လည်းမ၇ခဲ့ဘူး။ အခုလည်း ဘယ်လိုတွေရှိမလဲ မသိပါဘူး။ တခုခုဖြစ်သွားမှာကိုလည်းစိုးရိမ်နေ၇ပါတယ်" ဟုပြောသည်။

အဆိုပါ ကိုမောင်ဆန်းဖြိုး၌ အကယ်၍ အပြစ်ရှိပါကလည်း တရားဥပဒေ အလျောက်စီရင်ပေးစေလိုကြောင်းနှင့် စစ်ကောင်စီလက်ထဲ၌ ဖမ်းဆီးစစ်ဆေး၍ ကြာကြာမရှိစေချင်ကြောင်းကို သူက ဆက်ပြောသည်။

"သူကရိုးရိုးသားသားနဲ့လုပ်စားနေတာပါ။ တကယ်လို့အပြစ်ရှိခဲ့ရင်လည်း တရားဥပဒေအတိုင်း လုပ်စေချင်ပါတယ်။ သူတို့လက်ထဲမှာကြာကြာမထားစေချင်ပါဘူး။ သူကအိမ်ထောင်ကို ရှာကျွေးနေတဲ့သူဖြစ်တော့ သူမရှိရင် အရမ်းဒုက္ခရောက်သွားနိုင်ပါတယ်" ဟုပြောသည်။

ပလက်၀တွင် အောက်တိုဘာလ အစောပိုင်းမှစတင်ကာ ညအချိန်ဧည့်စာရင်းစစ်ခြင်းကို အကြောင်းပြပြီး အရပ်သားပြည်သူများကို ဖမ်းဆီးခြင်းများပြုလုပ်နေကြောင်း ဒေသခံများက ပြောသည်။

လက်ရှိတွင် ဖမ်းဆီးခံထား၇သည့် အဆိုပါ ပလက်၀ဒေသခံ ၆ ဦးကို ပလက်၀အခြေစိုက် ၂၈၉ တပ်ရင်းတွင် ဖမ်းဆီးထားပြီး အဆိုပါတပ်ရင်းသည် ယခင်ကပင် ဖမ်းဆီးထားသူများကို စစ်ကြောရေးလုပ်ဆောင်ရာတွင် ကိုယ်ထိလက်ရောက်ညှဉ်းပန်းနှိပ်စက်မှုများရှိ၍ ဖမ်းဆီးခံထားရသူများတစ်စုံတစ်ရာဖြစ်မည်ကို မိသားစုဝင်များက အထူးစိုးရိမ်နေကြသည်။

ပလက်၀တွင်ပြီးခဲ့သည့် ဇွန်လကလည်း သက်ကြီးပိုင်းအရွယ် ဒေသခံ ၃ ဦးကို စစ်ကောင်စီက ဖမ်းဆီးခဲ့ပြီး နိုင်ငံတော် ဆူပူလှုံ့ဆော်မှုဆိုင်ရာပုဒ်မ ၅၀၅ (က)ဖြင့် တရားစွဲဆိုထားကြောင်းသိ၇သည်။

ပလက်၀ကို စစ်ကောင်စီက ပြီးခဲ့သည့်သြဂုတ်လမှစတင်ကာ ရေလမ်းကြောင်း၊ ကုန်းလမ်းကြောင်းနှင့် ခရီးသွားလာခွင့်တို့ကို စစ်ကောင်စီက တင်းကျပ်စွာတားဆီးမှုများရှိခဲ့ပြီး ကုန်ပစ္စည်းများ သယ်ယူခွင့်ကိုလည်း ပလက်၀အခြေစိုက် (၂၈၉)တပ်ရင်းသို့ မျှောစာတင်၍ ခွင့်ပြုမှသာလျှင် သယ်ဆောင်ခွင့်ရရှိကြောင်း ဒေသခံများက ပြောသည်။ (NN-8)