နိရဉ္စရာ၊အောက်တိုဘာ ၁၇/၂၀၂၂

၇ခိုင်ပြည်နယ်၊ ဘူးသီးတောင်မြို့နယ်၊ဂူတာပြင်ကျေးရွာအုပ်စု၊ ကျောက်စာတိုင်(ခမီ) ကျေးရွာ အတွင်းသို့  ယမန်နေ့ကဖြစ်ပွားသည့် တိုက်ပွဲမှ လက်နက်ကြီးကျည်များကျရောက်ပေါက်ကွဲသဖြင့် ရွာသား ၃၀၀ ကျော်သည် ရွာကိုစွန့်ခွာကာ ဘူးသီးတောင်မြို့ပေါ်သို့ ထွက်ပြေးတိမ်းရှောင် လာကြသည်ဟုသတင်းရရှိသည်။

ယမန်နေ့အောက်တိုဘာလ၁၆ရက် နံနက်၆ နာရီဝန်းကျင်ကဘူးသီးတောင်မြို့နယ်၊ ဂူတာပြင် ကျေးရွာနှင့်ကျောက်စာတိုင်ကျေးရွာအနီးတို့တွင် ၇က္ခိုင့်တပ်တော်(AA)နှင့်မြန်မာစစ်ကောင်စီတပ်တို့တိုက်ပွဲဖြစ်ပွားခဲ့သည်ဟု သိ၇သည်။

၎င်းတိုက်ပွဲက ပစ်ခတ်သော လက်နက်ကြီးကျည်များသည်  ကျောက်စာတိုင်(ခမီ)ကျေးရွာ အတွင်းသို့ကျရောက်ခဲ့သဖြင့် ကျေးရွာသားများမှာ ရွာကိုစွန့်ခွာထွက်ပြေးလာကြ၇သည်ဟုဘူးသီးတောင်မြို့နယ်မှ ဒေသခံတစ်ဦးကပြောသည်။

"ဂူတာပြင်။ကျောက်စာတိုင်ပတ်ဝန်းကျင်မှာ မကြာမကြာဖြစ်တယ်။ ဖြစ်နေတာလည်းကြာပြီ ရက်ပေါင်း၁၀လောက်ရှိပြီ ဖြစ်နေတာ။ မနေ့ကမနက်တိုက်ပွဲထဲက လက်နက်ကြီးကျည်တွေကျတော့ရွာလုံးကျွတ်ထွက်ပြေးလာရတယ်လို့တော့ သိ၇တယ်" ဟု ၎င်းက ပြောသည်။

ထွက်ပြေးရှောင်တိမ်းလာရသည့်ကျောက်စာတိုင်(ခမီ)ကျေးရွာသားများသည် ဘူးသီးတောင်မြို့ပေါ်ရှိ ဂန္ဓာရီရွာသစ်(ခမီ)ရွာ၊ဂန္ဓာရီဘုန်းကြီးကျောင်းတို့တွင် ခိုလှုံနေကြသည်ဟုသိ၇သည်။

"ဂန္ဓာရီကျောင်းမှာရောက်နေကြတယ်။ မနေ့ကစာရင်းပြုစုထားတာတော့၃၀၈ယောက်ရှိတယ်။ စားရေး။ သောက်ရေးကတော့ အခက်အခဲရှိနေတယ်။ကယ်ဆယ်ရေးလည်း ယာယီပိတ်ထားတော့ ဘာမှမ၇သေးဘူး။ အခုလောလောဆယ်တော့ဂန္ဓာရီကျောင်းက ကူညီဆောင်ရွက်ပေးနေတယ်" ဟု အည်မဖော်လိုသည့်ဂန္ဓာရီကျောင်း တိုက်စစ်ဘေးရှောင်စခန်းတာဝန်ခံတစ်ဦးက

ပြောသည်။

ကျောက်စာတိုင်(ခမီ)ကျေးရွာတွင်အိမ်ခြေ ၆၄ အိမ်၊ ကျား၁၆၀ယောက်၊ မ ၁၄၈ယောက်ရှိပြီး စုစုပေါင်းလူဦးရေ ၃၀၈ဦးရှိကာ သက်ကြီးရွယ်အိုနှင့်ကလေးသူငယ်များပါမကျန် ရွာလုံးကျွတ် ထွက်ပြေးတိမ်းရှောင်လာကြသည်ဟု သိ၇သည်။(NN-12)

( Photo by We Love Khamee Page)