- Web Master
- ၀၄ မေ ၂၀၂၄
နိရဉ္စရာ၊ အောက်တိုဘာ ၁၇/၂၀
ရခိုင်ပြည်နယ်၊ မင်းပြားမြို့ နယ်၊ ကြပ်စင်တံတားအနီးတွင် စစ်ကောင်စီ စစ်ကြောင်းတစ်ခုကို အောက်တိုဘာ ၁၇ ရက် ယနေ့နံနက်က ရက္ခိုင့်တပ်တော် ( AA)တပ်ဖွဲ့ဝင်များက မိုင်းခွဲတိုက်ခိုက်၍ စစ်ကောင်စီ တပ်သားများအထိနာခဲ့ကာ နှစ်ဘက်တပ်ဖွဲ့များအကြား ၁၅ မိနစ်ကြာ အပြန်အလှန် ပစ်ခတ်မှု ဖြစ်ပွားခဲ့သည်ဟု ဒေသခံတစ်ဦးကပြောကြားသည်။
ယနေ့
နံနက် ၁၁ နာရီခွဲအချိန် ကြပ်စင်တံတား အနီးတွင် စစ်ကောင်စီ
"စစ်သားတွေ သူတို့ က မင်းပြားဘက်ကမ်းကနေ ကြပ်စင်ဘက်ကိုသွားတာကို အေအေက မိုင်း ၄ လုံးခွဲပြီး တိုက်ခိုက်တယ်။ စစ်ကောင်စီတပ်သားတွေ မနည်းကျသွားတယ်လို့ သိရတယ်"ဟု ပြောသည်။
မိုင်းခွဲတိုက်ခိုက်ခံရပြီးနော
"ကျနော်တို့ ထမင်းစားနေတုန်းမှာ ပစ်သံတွေကြားရလို့ အိမ်အောက်ကို ဆင်းပြေးလာရပါတယ်။ ပစ်ခတ်သံတွေကတော့ လက်နက်ကြီး၊ လက်နက်ငယ်တွေပါ အပြန်အလှန်ပစ်နေကြတဲ့ အသံတွေကြားရပါတယ်။ လက်နက်ကြီးတွေလည်း ဆက်တိုက်ပစ်နေတာ ခုတော့ ငြိမ်သွားပါပြီ"ဟု ယနေ့ နံနက် ၁၂ နာရီခန့်က ပြောကြားသည်။
တစ်ခြား ဒေသခံတစ်ဦးကလည်း "အေအေက မိုင်းခွဲလို့ သူတို့က စကစ စစ်သားတွေ လက်နက်ငယ်တွေ ပစ်ပြီး တပ်ဆုတ်တာပါ
ယခုတိုက်ပွဲတွင် စစ်ကောင်စီဘက်က အကျအဆုံးများကြောင်း ဒေသခံများက ပြောသော်လည်း အရေအတွက် မည်မျှကျဆုံးမှု ရှိသည်ကို အေအေဘက်သို့ဆက်သွယ်၍ မရသဖြင့် အသေးစိတ်တင်ပြနိုင်ခြင်း မရှိသေးသလို ကျဆုံးမှုနှင့်ပတ်သက်ပြီး သီးခြားအတည်ပြုနိုင်ခြင်းလည်း မရှိသေးပါ။
အောက်တိုဘာ ၇ ရက် နေ့လယ်ကလည်း မင်းပြားမြို့၊ ကြပ်စင်တံတား၌ စခန်းချနေသော စစ်ကောင်စီတပ်ဖွဲ့အား ရက္ခိုင့်တပ်တော် (AA)က ဝင်ရောက် တိုက်ခိုက်ခဲ့ရာ စစ်ကောင်စီတပ်သား (၈)ဦး သေဆုံးပြီး၊ နောက်ထပ် ဒဏ်ရာရသူတချို့လည်း ရှိခဲ့ကြောင်း အေအေက သတင်းထုတ်ပြန်ခဲ့သည်။ (NN-7)
(ဓာတ်ပုံ ပုံဟောင်း/ ရခိုင်တွင် ယခင်စစ်ပွဲအတွင်းက စကစ စစ်ကားမိုင်းခွဲတိုက်ခိုက်ခံရသည့် ပုံဖြစ်သည်။)