နိရဉ္စရာ၊ အောက်တိုဘာ ၁၇/၂၀၂၂

စစ်ကောင်စီပစ်ခတ်သည့် လက်နက်ကြီးကျည်စထိမှန်ခဲ့သည့် မင်းပြားမြို့နယ်၊ ဖလောင်းပြင်ကျေးရွာမှ ညီအစ်မနှစ်ဦးအထဲကမလှဆန်းယဉ်(၂၃)နှစ်မှာ သေဆုံးသွားပြီဖြစ်ကြောင်းသတင်းရရှိသည်။

မလှဆန်းယဉ်ကို တစ်ခြားဒဏ်ရာရရှိသူတစ်ဦးဖြစ်သည့် ဒေါ်ဦးညွန့်စိန်(၆၅)နှစ်နှင့် အတူပေါက်တောဆေးရုံသို့ ယူဆောင်သွားစဉ် မလှဆန်းယဉ်မှာ ဆေးရုံအရောက်တွင် သေဆုံးသွားကြောင်း  လိုက်ပါဆောင်၇ွက်ပေးသူ ကျေးရွာသား တစ်ဦးက ပြောသည်။

"မင်းပြား ဖုရားမတောင်ကပစ်တဲ့လက်နက်ကြီးကြောင့် ဒဏ်ရာရသူတွေအထဲက ပေါက်တောဆေးရုံကိုဆေးကုဖို့ နှစ်ယောက်လာတာပါ။ ဆေးရုံကိုရောက်တော့ မလှဆန်းယဉ်ဟာ အသက်မရှိတော့ပါဘူး"ဟုပြောသည်။

ယနေ့ နေ့လယ် ၁၂နာရီ ခန့်တွင် မင်းပြားမြို့နယ်ဖုရားမတောင်တွင်တပ်စွဲထားသည့် စစ်ကောင်စီတပ်က ပစ်ခတ်လိုက်သော လက်နက်ကြီးကျည်သည် ဖလောင်းပြင်ကျေးရွာထဲတွင် ကျရောက်ပေါက်ကွဲခဲ့ပြီးမလှဆန်းယဉ်(၂၃)၊ ဒေါ်ဦးညွန့်စိန်(၆၅) နှင့် မခင်နွယ်စိုး(၁၀)တို့ ၃ ဦး ထိခိုက်ဒဏ်ရာရရှိခဲ့သည်။

ယနေ့ နံနက် ၁၁ နာရီကျော်ခန့်က ရက္ခိုင့်တပ်တော် (AA)မှ စစ်ကောင်စီစစ်ကြာင်းတစ်ခုကို  မိုင်းခွဲတိုက်ခိုက်ခဲ့ပြီးနောက်မင်းပြား အခြေစိုက်တပ်ရင်းများက လူနေကျေးရွာများထဲကို လက်နက်ကြီးများဖြင့် ပစ်ခတ်ခဲ့သည်ဟု ဒေသခံများက ပြောသည်။

ထိုသို့  ပစ်ခတ်နေမှုကြောင့် ဒေသခံအရပ်သား  (၁၀) ဦးထက်မနည်း ဒဏ်ရာရရှိကာ ယင်းအထဲမှ ညီအစ်မနှစ်ဦးမှာဒဏ်ရာပြင်းထန်ရရှိခဲ့သည်။  (NN-7)