နိရဉ္စရာ၊ အောက်တိုဘာ ၁၇/၂၀၂၂

မင်းပြားမြို့နယ် ထောင့်ချောင်းကြီး ကျေးရွာတွင် တာဝန်ကျနေသည့်ကျောင်းဆရာမ ဒေါ်မမမြစောသည် ယနေ့ ညနေက စစ်ကောင်စီတပ်က ပစ်လိုက်သောလက်နက်ကြီးကျည်စထိမှန်၍ပွဲချင်းပြီး သေဆုံးသွားသည်ဟု သတင်းရရှိသည်။

ဆရာမဒေါ်မမြစောသည် ကျောင်းဆင်းချိန် ညနေ ၃ နာရီကျောင်းဆင်းချိန်တွင်  ကလေးများကိုကျောင်းလွှတ်ပြီးနောက် ကျောင်းဆင်းလာစဉ် ကျောင်းလမ်း၀တွင် လက်နက်ကြီးကျည်ထိမှန်ကာ ပွဲချင်းပြီးသေဆုံးသွားခဲ့သည်ဟု သိ၇သည်။

“ မင်းပြား (၅၄၁)တပ်ရင်း သမင်ခြေရာရွာဟောင်းက ပစ်လိုက်တဲ့လက်နက်ကြီးကျည်ဟာ ထောင့်ချောင်းကြီးကျေးရွာ စာသင်ကျောင်းကိုလာကျတာပါ။ ပွဲချင်းပြီးဆုံးပါတယ်။ အထူးစိတ်မကောင်းစရာပါ” ဟု ဒေသခံ တစ်ဦးက ပြောသည်။

ဆရာမဒေါ်မမြစောသည်မင်းပြားမြို့ ပြည်တော်သာရပ်ကွက်တွင် နေထိုင်သူဖြစ်ပြီးသမီးငယ် တစ်ဦးရှိကာ ထောင့်ချောင်းကျေးရွာတွင် စာပြရန် သွားရောက်စဉ် ယခုလို အဖြစ်ဆိုးနှင့်ကြုံရခြင်းဖြစ်ကြောင်း သိ၇သည်။

အလားတူ စစ်ကောင်စီပစ်ခတ်သည့် လက်နက်ကြီးကျည်စထိမှန်ခဲ့သည့် မင်းပြားမြို့နယ်၊ ဖလောင်းပြင်ကျေးရွာမှ ညီအစ်မနှစ်ဦးအထဲက မလှဆန်းယဉ်(၂၃)နှစ်မှာ ယနေ့ ပေါက်တောဆေးရုံတွင် သေဆုံးသွားပြီဖြစ်ကြောင်းသတင်းရရှိသည်။

(ဓာတ်ပုံ- ကံစီမံရာပို့စ်)