နိရဉ္စရာ၊  အောက်တိုဘာ၁၇/၂၀၂၂

၇ခိုင်ပြည်နယ်၊ ကျောက်တော်မြို့နယ်တွင် ယနေ့ဖြစ်ပွားသည့်တိုက်ပွဲထဲက လက်နက်ကြီးကျည်ကျ၍ အသက် ၃၀ အရွယ် မူဆလင်အမျိုးသမီးတစ်ဦးသေဆုံးသွားသည်ဟု သတင်းရရှိသည်။

သေဆုံးသူမှာ ကျောက်တော်မြို့နယ် အထက်ပိုက်သည်ကန်ပိုက်မူဆလင်ကျေးရွာမှမယာစ်မီနာ (၃၀) နှစ်(ဘ) ဦးမာမောက်တူချော ဖြစ်ကြောင်း သိ၇သည်။

ဒေသခံတစ်ဦးက "ဒီနေ့ည ခုနှစ်နာရီခွဲကဖြစ်တာပါ။ အဲဒီအချိန်သူ့အိမ်ကိုလက်နက်ကြီးကျတာပါ။ အပေါက်၀ဆေးရုံကို ရောက်တဲ့အချိန် သေသွားပါပြီ။ အခုပြန်လို့သူ့အလောင်းကို ရွာကိုသယ်လာပါပြီ။ ကျောက်တော်တောင်ပေါ်မှာ တပ်စွဲထားတဲ့ စစ်တပ်က ပစ်တဲ့လက်နက်ကြီးလို့သိ၇ပါတယ်"ဟု ပြောသည်။

သူမအား အနီးအနားရှိ အပေါက်၀တိုက်နယ်ဆေးရုံသို့ ယူဆောင်လာပြီးနောက်တွင်ရရှိထားသော ညာဘက်ပေါင်ရင်း ဒဏ်ရာပြင်းထန်၍ သေဆုံးသွားခဲ့သည်ဟု တစ်ခြားပ၇ဟိတသမားတစ်ဦးကပြောသည်။

"ပိုက်သည်ရပ် ကံပေါက်ရွာမှာလက်နက်ကြီးကျလို့ မူဆလင်အမျိုးသမီးဒဏ်ရာပြင်းလို့ ၈ နာရီလောက်ကနေ အပေါက်၀ဆေးရုံကိုယူသွားတာပါ။ အခုတော့ ဆုံးသွားပြီလို့သိရပါတယ်။လက်ရှိအချိန်ထိလည်း လက်နက်ကြီးသံ၊ လက်နက်ငယ်သံတွေ ကြားနေ၇ဆဲပါပဲ" ဟု ပြောသည်။

သေဆုံးသူ မယာစ်မီနာမှာ အိမ်ထောင်သည် တစ်ဦးဖြစ်သည်ဟု သိ၇သည်။ 

လက်ရှိ ည ၁၀ နာရီ အချိန်ထိ သေနတ်ပစ်ခတ်သံများကို ကြားနေ၇ဆဲဖြစ်သည်ဟုဒေသခံများက ပြောသည်။

၇ခိုင်ပြည်နယ်၊ ကျောက်တော်မြို့ ကစ္ဆပနဒီတံတားအနီးတွင် ယနေ့ည ၇ နာရီကျော်ခန့်  စစ်ကောင်စီတပ်ဖွဲ့ကိုအေအေက မိုင်းခွဲတိုက်ခိုက်ပြီးနောက်လက်နက်ကြီး၊ လက်နက်ငယ် ပစ်ခတ်သံများကို ကြားခဲ့၇သည် ဒေသခံများကပြောသည်။