နိရဉ္စရာ၊ အောက်တိုဘာ ၁၉/၂၀၂၂

၇ခိုင်ပြည်အတွင်း စစ်တွေကနေမြို့နယ်အသီးသီးသို့ပြေးဆွဲနေသော ရေယာဉ်လိုင်းများအားလုံးကို (တောင်ကုတ်လိုင်းမှအပ) ယမန်နေ့ အောက်တိုဘာ ၁၈ ရက်နေ့ကစပြီး ရက်အကန့်အသတ်မရှိထပ်ပိတ်လိုက်သည်ဟု သတင်းရရှိသည်။

"ရေယာဥ်လိုင်းတွေကို မနေ့ကပိတ်တယ်။စစ်တပ်ကမသွားရဘူးဆိုလို့ ပိတ်ထား၇တာပါ။ ပြန်ဖွင့်မယ့်ရက်ကမှန်းခြေမရှိဘူး။ စစ်တပ်ကမသွားရဘူးဆိုလို့ ရေတပ်ဗိုလ်မှူးကသူကိုယ်တိုင်လာပြီး တစ်ခါတည်းပိတ်ခိုင်းတာ။အထက်ကအမိန့်အတိုင်းလုပ်ရတာလို့ပြောတယ်" ဟုရွှေပြည်တန် အမြန်ယာဥ်ရုံးမှ တာဝန်ရှိသူတစ်ဦးကပြောသည်။

မည်သည့်အတွက်ကြောင့် ယခုလို ရေလမ်းကို အဓိကအားကိုးနေကြရသည့်ရခိုင်ပြည်တွင် ရေယာဉ်လိုင်းများကို စစ်ကောင်စီက ပိတ်သည်ကို သေချာရှင်းလင်းပြောကြားခြင်းလည်းမရှိဟုသိ၇သည်။

လူသွားလူလာများသည် စစ်တွေ - ပေါက်တောရေယာဥ်လိုင်းခရီးစဥ်  တစ်ရက် ၂ ကြိမ်နှုန်း ပြေးဆွဲမှုကိုလည်းယမန်နေ့စပြီး ရပ်ဆိုင်းလိုက်၇ပြီဟု ဒေသခံတစ်ဦးကပြောသည်။

လက်ရှိတွင် စစ်တွေနှင့်တောင်ကုတ်လိုင်းတစ်ခုတည်းသာပြေးဆွဲခွင့်၇ပြီး ကျန်ခရီးစဉ်များကို ရပ်ဆိုင်းထား၇သဖြင့် ခရီးသည်များ အတွက်သွားရေးလာရေး အထူးအခက်အခဲ ဖြစ်နေကြ၇သည်ဟု ၎င်းက ဆက်ပြောသည်။
"ရေယာဥ်လိုင်းအားလုံးကိုပိတ်ထားတယ်။ အခု တောင်ကုတ်လိုင်းတစ်ခုပဲမပိတ်ပဲကျန်တယ်။ သွားလာမှုတွေ ပြည်သူလူထုတွေအတွက် အခက်အခဲဖြစ်တယ်။ ကျနော်တို့ ရေလမ်းကို အားကိုးတဲ့ ဒေသမှာ ရေယာဉ်လိုင်းတွေကို ပိတ်တာကတော့လုံး၀ မဖြစ်သင့်တဲ့ ကိစ္စပါ" ဟု ပြောသည်။

ရွှေပြည်တန်အမြန်ရေယာဥ်လိုင်းသည်ယခင်ကစစ်တွေ - ကျောက်ဖြူ- ရမ်းဗြဲ -ကျောက်နီမော်- တောင်ကုတ်- မာန်အောင်၊ စစ်တွေ- ပေါက်တော-မင်းပြား-မြောက်ဦး၊စစ်တွေ-၇သေ့တောင်-ဘူးသီးတောင် စသည့် လိုင်းများကို ပြေးဆွဲခဲ့သည်။

စစ်တွေနှင့်ပုဏ္ဏားကျွန်းတွင် ပြီးခဲ့သည့် ဇွန်လအတွင်းကစစ်ကောင်စီတပ်ဖွဲ့ဝင်အချို့ကို ရက္ခိုင့်တပ်တော်(AA)က ဖမ်းဆီးသွားပြီးနောက် ရွှေပြည်တန်အမြန်ရေယာဥ်၏ ခရီးစဥ်အချို့ကိုစစ်ကောင်စီတပ်က ပြေးဆွဲခွင့်စတင်ပိတ်ပင်ခဲ့သည်ဟု သိ၇သည်။
ယင်းနောက် ရခိုင်တွင် စစ်ရေးတင်းမာနေ၍ ရက္ခိုင်အမျိုးသားအဖွဲ့ချုပ်/ရက္ခိုင်တပ်တော် (ULA/AA) က ယာဉ်ပိုင်ရှင်များကိုသွားရေးလာရေးသတိထားကြရန် ပြီးခဲ့သည့်လက သတိပေးချက် ထုတ်ပြန်ပြီးနောက် စစ်ကောင်စီက ရခိုင်မြောက်ပိုင်းရေကြောင်းခရီးစဉ်အားလုံးကို ရပ်ဆိုင်းပြီး ရက်အကန့်အသတ်မရှိ ပြေးဆွဲခွင့်တားမြစ်ထားသည်။(NN-12)