နိရဉ္စရာ၊အောက်တိုဘာ ၁၉/ ၂၀၂၂

၇ခိုင်ပြည်နယ်၊အမ်းမြို့နယ်တွင် ဒေသခံအမျိုးသမီး ၂ဦးနှင့် အမျိုးသား ၂ဦး၊ စုစုပေါင်း၄ ကို စစ်တပ်ကဖမ်းဆီးသွားသည်ဟုဒေသခံများဆီမှ သတင်းရရှိသည်။

ဖမ်းဆီးခံ၇သူများမှာ အမ်းမြို့နယ်လုံးအုပ်စု၊ ထန်းချောင်းကျေးရွာမှ ဒေါ်သန်းဝင်း(၃၉)နှစ်၊  ဒေါ်ဖြူစေ့ကေ(၅၃)နှစ်၊ပြိုင်းချောင်းကျေးရွာမှ ဦးငပေ(၄၂)နှစ်၊ ထန်းပင်ကျေ

ရွာအုပ်စု၊အောက်ရန်ကုန်ကျေးရွာမှ ဦးငယောင် (၅၂)နှစ်ဖြစ်သည်ဟု သိ၇သည်။

အဆိုပါဖမ်းဆီးခံ၇သူ၄ဦးကို ယမန်နေ့အောက်တိုလ၁၈ရက်၊ ညနေ ၃နာရီအချိန်ခန့်လောက်တွင် အမ်းအခြေစိုက် စစ်ကောင်စီတပ်သားများကရက္ခိုင့်တပ်တော်(AA)နှင့်ဆက်စပ်သည်ဟုဆိုကာနေအိမ်သို့လာရောက်ဖမ်းဆီးသွားသည်ဟုသိ၇သည်။

"အမ်းဘက်မှာအခုက အဖမ်းအဆီးသိပ်များနေတယ်။ အခုဖမ်းသွားတာက အမ်းအခြေစိုက်တပ်က ဖြစ်နိုင်ပါတယ်။ရက္ခိုင့်တပ်တော်(AA)နဲ့ဆက်စပ်တယ်လို့ သံသယရှိသူတွေကို လိုက်ဖမ်းတာပဲ။ အခုလည်းအဲ့ဒီသံသယနဲ့ဖမ်းသွားတယ်လို့ထင်တယ်။ ဒါပေမဲ့ ဘာကြောင့် ဖမ်းသွားလဲတော့အသေးစိတ်တော့ သူတို့ စစ်တပ်ကမပြောတဲ့ အတွက် မသိ၇ဘူး"ဟု အမ်းမြို့နယ်မှ ဒေသခံတစ်ဦးက ပြောသည်။

ဖမ်းဆီးခံ၇သူများကိုမည်သည့်နေရာသို့ ဖမ်းဆီးခေါ်ဆောင်သွားသည်ကိုလည်း မသိ၇သေးဟု ၎င်းကပြောသည်။

အမ်းတွင် ပြီးခဲ့သည့်အောက်တိုဘာ၁၄ ရက်နေ့က အမ်းမြို့နယ် ကဇုကိုင်းအုပ်စု တောင်မော်ရွာမှရွာသား တစ်ဦးကို စစ်ကောင်စီတပ်ဖွဲ့ဝင်များ ဖမ်းဆီးသတ်ဖြတ်ခဲ့ကြပြီးပြီးခဲ့သည့်အောက်တိုဘာလ၁၆ရက်နေ့ကလည်း အမ်းမြို့နယ်၊ မွှားကျေးရွာအုပ်စု၊ ဟင်းရွက်ကျေးရွာတွင်ဆိုင်ရောင်းနေသည့် အသက်(၄၁)နှစ်အရွက် အမျိုးသမီးတစ်ဦးကို စစ်တပ်ကဖမ်းဆီးသွားသည်။(NN-12)