- Web Master
- ၀၅ ဧပြီ ၂၀၂၄
နိရဥ္စရာ၊ အောက်တိုဘာ ၂၁/ ၂၀၂၂
ဂျပန်နိုင်ငံ နီပွန်ဖောင်ဒေးရှင်းက ရခိုင်စစ်ဘေးရှောင်များအတွက်
လှူဒါန်းထားသည့် ဆန်အိတ်ပေါင်း ၅ သောင်းကျော်ကို စစ်ကောင်စီက ၆ လကြာမှ လှူဒါန်းခွင့်ပြုလိုက်သည်ဟု သတင်းရရှိသည်။
အဆိုပါဆန်များလှူဒါန်းခွင့်ကို အနောက်ပိုင်းတိုင်း
စစ်ဌာနချုပ်မှ တိုင်းမှူးက ယခုလ အောက်တိုဘာလ ၉ ရက်ခန့်ကမှ
ခွင့်ပြုပေးခဲ့ခြင်းဖြစ်သည်ဟု ဆန်လှူဒါန်းနိုင်ရေး ညှိနှိုင်းဆောင်ရွက်ပေးနေသည့်
ဦးဝင်းအောင်က နိရဥ္စရာကိုပြောသည်။
"ဆန်တွေ
အဆင်သင့် ဂိုဒေါင်မှာပြန်လုပ်ရတာနဲ့။
အလုပ်သမား၊ တခြား Volunteer တွေရှာရတာနဲ့၊ သူတို့အားတာနဲ့၊
ကိုယ်တို့ဘက်က အားတာနဲ့ တစ်ပတ်လောက်တော့ ကြန့်ကြာသွားတယ်ပေါ့။ ဗြုန်းစားကြီးခွင့်ပြုလိုက်တော့
ယင်းသို့ခွင့်ပြုပြီးနောက် အောက်တိုဘာ ၁၈
ရက်မှစတင်ကာ ကျောက်တော်ရှိ စစ်ဘေးရှောင်လူဦးရေ ၆ ထောင်ကျော်အတွက်
တစ်ဦးလျှင် ဆန် ၁ အိတ်ကျစီ
စတင်လှူဒါန်းခဲ့ပြီး နောက်တစ်နေ့ အောက်တိုဘာ ၁၉ ရက်တွင် အမ်းမြို့နယ်ရှိ
စစ်ဘေးရှောင်လူဦးရေ ၁၃၀၀ ကျော်အတွက် တစ်ဦးလျှင် တစ်လစာခန့်စားနိုင်မည့် ဗူး ၆၀ ခန့်စီ လှူဒါန်းပေးခဲ့ပြီဟု
ဆိုသည်။
အလားတူ ယနေ့ အောက်တိုဘာ ၂၁ ရက်တွင်လည်း
စစ်တွေမြို့ရှိ စစ်ဘေးရှောင်စခန်း ၂၇ ခုမှ လူဦးရေ ၂၅၀၀ ကျော်အတွက် တစ်ဦးလျှင်
ဆန် ဗူး ၂၀ ကို ပထမအသုတ်အဖြစ် လှူဒါန်းနေပြီဖြစ်ပြီး ဆက်လက်၍လည်း ကျန်မြို့နယ်များတွင်
ဆက်လက်လှူဒါန်းသွားမည်ဟု သိရသည်။
ရခိုင်ပြည်နယ်အတွင်း စစ်တွေ၊ ပုဏ္ဏားကျွန်း၊
ကျောက်တော်၊ မြောက်ဦး၊ မင်းပြား၊ အမ်း၊ ရသေ့တောင်၊ ဘူးသီးတောင်၊
မောင်တောစသည့် မြို့နယ် (၉)မြို့နယ်ရှိ စစ်ဘေးရှောင်စခန်းများမှ ဒုက္ခသည်များအတွက်
ဂျပန်နိုင်ငံ နီပွန်ဖောင်ဒေးရှင်းက
ဆန်အိတ်ပေါင်း ၅ သောင်းကျော်ကို ပြီးခဲ့သည့် မေလမှစတင်ပေးပို့ခဲ့ခြင်းဖြစ်
ဂျပန်နိုင်ငံ နီပွန်ဖောင်ဒေးရှင်း ဥက္ကဋ္ဌ ဆာဆာကာဝါ၏ ၂၀၂၁ ခုနှစ်၊
နိုဝင်ဘာလခရီးစဉ်အတွင်း စစ်ကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်နှင့်တွေဆုံစဥ်
နှုတ်ဖြင့် ကတိပေးလှူဒါန်းထားခဲ့ခြင်းဖြစ်
သို့ရာတွင် စစ်ကောင်စီဘက်က ရခိုင်တွင်
တိုက်ပွဲများဖြစ်နေ၍ဟုအကြောင်း
၆ လအကြာမှ ယခုကဲ့သို့ လှူဒါန်းခွင့်ပေးလိုက်၍
ဆန်အချို့ ပျက်စီးမှုရှိသွားသည်ဟု ဦးဝင်းအောင်က ဆက်ပြောသည်။
"ဆန်အရည်အသွေးကတော့
ကောင်းပါသေးတယ်။ တချို့ဟာတွေကတော့
ပျက်စီးသွားတယ်ပေါ့လေ။ ပျက်စီးသွားတယ်ဆိုတာက တမံတလင်းပေါ်တွေမှာထားတော့
အစိုပြန်တာတွေကြောင့် ဆန်အိတ်တွေက တချို့တဝက် ပျက်စီးသွားတယ်"ဟု
ပြောသည်။
လက်ရှိတွင် ရခိုင်ရှိ စစ်ဘေးရှောင်စခန်းများတွင်
အစိုးရက ဆန်ပုံမှန်ထောက်ပံ့ခြင်းမရှိ၍ စစ်ဘေးရှောင်များသည် စားနပ်ရိက္ခာအငတ်ဘေးနှင့်
ရင်ဆိုင်နေရသည်ဟုလည်း စခန်းတာဝန်ခံများက ပြောကြသည်။
ဓာတ်ပုံ - နီပွန်ဖောင်ဒေးရှင်းကလှူဒါန်း