ချင်းပြည်နယ်၊ပလက်၀မြို့တွင် ကျောင်းအုပ်ဆရာကြီးတစ်ဦးအပါအဝင် ကျောင်းအထွေထွေလုပ်သားတစ်ဦးနှင့် ဒေသခံ အရပ်သားတစ်ဦးတို့ကို ယခုရက်ပိုင်းအတွင်း စစ်ကောင်စီတပ်က ဖမ်းဆီးခဲ့ပြီး အရပ်သားဖြစ်သူကို ညဉ့်အချိန်ဝင်ဖမ်းရာတွင်အိမ်တံခါးဖွင့်နောက်ကျ၍  အိမ်ထဲရှိ အမျိုးသမီးနှစ်ဦးကို ရိုက်နှက်ကန်ကျောက်သွားခဲ့သည်ဟု သတင်းရရှိသည်။

ဖမ်းဆီးခံ၇သူ ကျောင်းအုပ်ဆရာကြီးမှာ ပလက်၀မြို့ အထက(ခွဲ)မှကျောင်းအုပ်ဆရာကြီး ဦးကျော်ဝင်းနိုင် ဖြစ်သည်။ကျောင်းအုပ်ဆရာကြီးကို ပြီးခဲ့သည့် အောက်တိုဘာလ ၁၈ ရက်၊ ညနေကျောင်းဆင်းချိန်တွင် စစ်ကောင်စီတပ်သားများမှလာရောက်ဖမ်းဆီးသွားခြင်းဖြစ်ပြီး ယနေ့အချိန်အထိ သတင်းအစတစ်စုံတစ်ရာမကြား၇ကြောင်း ဒေသခံများကပြောသည်။

အဆိုပါပလက်၀မြို့ အထက(ခွဲ)မြို့သစ်ကျောင်းသည် ပလက်၀မြို့အခြေစိုက် ၂၈၉ တပ်ရင်းအနီးတွင် တည်ရှိသောစာသင်ကျောင်းဖြစ်ကြောင်းသိ၇သည်။

နောက်ထပ် ဖမ်းဆီးခံ၇သူ နှစ်ဦးမှာ အထက(၁) ကျောင်းမှ ယာဉ်မောင်းနှင့် ညစောင့်လုပ်သူဦးအောင်သိန်းလှ (၄၀)နှစ်နှင့် သာယာ၀ရပ်ကွက်မှ အသက် ၅၀ ကျော်ဝန်းကျင်ရှိသည့် ဦးမောင်ဖြူတို့ဖြစ်ကြသည်။

ပညာရေးလုပ်သား ဦးအောင်သိန်းလှနှင့်သာယာ၀ရပ်ကွက်နေ ဦးမောင်ဖြူတို့ကိုမူ ယမန်နေ့အောက်တိုဘာလ ၂၀ရက်၊ ည ၉ နာရီကျော်ခန့်တွင်၎င်းတို့၏နေထိုင်ရာနေရာအသီးသီးမှ စစ်ကောင်စီတပ်သားများက ဖမ်းဆီးခေါ်သွားကြောင်း ၎င်းတို့၏မိသားစုဝင်များကပြောသည်။

ဦးအောင်လှသိန်း၏ဇနီးဖြစ်သူက"ဦးအောင်သိန်းလှ ရှိလာဆိုပြီးတော့ကျောင်းနောက်က ကျမတို့နေတဲ့အိမ်ကို လာပါတယ်။ နောက်ပြီးတော့ သူတို့အထဲက ဗိုလ်တစ်ယောက်ကဖိနပ်တောင် မချွတ်ဘဲ အိမ်ထဲကိုဝင်လာပါတယ်။ သူ့ကိုစကားနည်းနည်းမေးချင်လို့၂၈၉ ကိုခေါ်သွားမယ်ဆိုပြီးပြောပါတယ်။ သူ့ကိုမေးပြီးရင်တော့ပြန်လွှတ်လိုက်ပြောခဲ့တယ်။ ကျောင်းတံခါး၀အထိ ကျမလိုက်ပါသွားခဲ့တယ်။သူက အစာအိမ်နဲ့ အဆုတ်လည်း မကောင်းတဲ့သူပါ၊ဆေးရုံကဆင်းတာတောင် မကြာသေးပါဘူး။ သူကအေအေတို့ဘာတို့နဲ့လည်းဆက်စပ်မှုမရှိဘူး၊ အပြစ်မရှိတဲ့အတွက်အမြန်ဆုံးလွှတ်စေချင်ပါတယ်။ ဒီလိုမျိုးဆက်စပ်နေတဲ့သူဆိုရင် အခုချိန်ရှောင်လို့နေမှာလေအခုကအပြစ်မရှိပါဘူး"ဟု နိရဉ္စရာသို့ပြောသည်။

ထို့အတူယမန်နေ့(အောက်တိုဘာ ၂၀ ရက်)  ည ၉ နာရီက အဖမ်းခံခဲ့၇သည့် သာယာ၀ရပ်ကွက်မှ ဦးမောင်ဖြူကိုစစ်တပ်မှလာရောက်ဖမ်းဆီးရာတွင် အိမ်တံခါးဖွင့်ပေးသည့်အချိန် အနည်းငယ်ကြန့်ကြာခဲ့၍ ၎င်းသမီးအကြီးဖြစ်သူကို ရိုက်နှက်သဖြင့်  ၎င်း၏ညီမဖြစ်သူက  ထိုသို့မပြုလုပ်ရန်ဝင်ရောက်တားဆီးခဲ့ရာ အဆိုပါညီမဖြစ်သူကိုလည်း ရင်၀ကိုခြေနှင့်ကန်ကာ ဖခင်ဖြစ်သူအားဖမ်းဆီးသွားခဲ့ကြောင်း ၎င်းနှင့် နီးစပ်သူများကပြောသည်။

"သူတို့မိသားစုမှာကတော့သမီးတွေက အရိုက်ခံလိုက်၇တယ်။ တံခါးဖွင့်တာနောက်ကျလို့ သမီးအကြီး စိတ်မနှံ့တဲ့သူကို စစ်သားတွေက ရိုက်တယ်။ သူမရဲ့ ညီမငယ်  စစ်သားမယားက "အဲလိုမလုပ်နဲ့လေ"ဆိုပြီးတော့ဝင်ပြောတဲ့အခါ သူ့ကိုလည်း ရင်၀ကိုခြေနဲ့ကန်ခဲ့တယ်။ သူလည်းရင်တွေအောင့်ပြီးကျန်ခဲ့၇ပါတယ်။ဘာအကြောင်းကြောင့်နဲ့ ဖမ်းသွားတာလည်း မသိ၇ပါဘူး" ဟုပြောသည်။

ဖမ်းဆီးခံ၇သူ ဦးမောင်ဖြူ၏ သမီးငယ်သည် စစ်ကောင်စီတပ်တွင်လက်ရှိတာဝန်ထမ်းဆောင်နေသည့် စစ်သားတစ်ဦး၏ ဇနီးဖြစ်သည်ဟုလည်း သိ၇သည်။လက်ရှိတွင်ဖမ်းဆီးခံထား၇သူများကို ပလက်၀အခြေစိုက် ၂၈၉ တပ်ရင်းတွင် ချုပ်နှောင်ထားပြီး အကြီးအကျယ် ညှဉ်းပမ်းနှိပ်စက်ကာ စစ်ဆေးမှုပြုလုပ်သည်ဟု သိ၇သည်။

မည်သည့်အ ကြောင်းရင်းကြောင်းဖမ်းဆီးခံရသည်ကို မသိရှိ၇သေးသော်လည်း အေအေနှင့် ဆက်စပ်သံသယဖြင့် ဖမ်းဆီးခြင်း ဖြစ်နိုင်သည်ဟု ဒေသခံများကပြောကြားသည်။

ပလက်၀တွင်ယခုအောက်တိုဘာလအတွင်း စစ်ကောင်စီတပ်မှ ဖမ်းဆီးထားသည့် ပညာရေးဝန်ထမ်း၄ ဦးအထိရှိလာနေပြီးဒေသခံ ၁၀ ဦးထက်မနည်း ဖမ်းဆီးခံထားရကြောင်းသိ၇သည်။ (NN-8)

(နိရဉ္စရာသတင်းများကို အောက်ပါလင့်များတွင်လည်း ဖတ်ရှုနိုင်သည်။)

 အင်္ဂလိပ်သတင်း ဝက်ဆိုက်- www.narinjara.com

မြန်မာသတင်း ဝက်ဆိုက် - https://burmese.narinjara.com/

သတင်းဖေ့စ်ဘုတ်ပေ့ချ်-https://www.facebook.com/narinjara.info/

ရုပ်သံသတင်း-https://www.facebook.com/Narinjara-TV-News-100125495251215/

ရေဒီယိုသတင်း-https://www.facebook.com/Narinjara-Radio-107181441819656

တွစ်တာ-https://twitter.com/NarinjaraN