ရခိုင်သို့ ဆေးဝါးသယ်ယူခွင့်ကိုစစ်ကောင်စီကပိတ်ပင်ထား၍ ဆေးဆိုင်များတွင်ဆေးဝါးပြတ်လပ်နေသဖြင့် ကုန်သည်ကြီးများအသင်းမှတစ်ဆင့်ဆေးဝါးသယ်ယူခွင့်ပြုရန်တောင်းခံ

Preview

ရခိုင်သို့ ဆေးဝါးသယ်ယူခွင့်ကိုစစ်ကောင်စီကပိတ်ပင်ထား၍ ဆေးဆိုင်များတွင်ဆေးဝါးပြတ်လပ်နေသဖြင့် ကုန်သည်ကြီးများအသင်းမှတစ်ဆင့်ဆေးဝါးသယ်ယူခွင့်ပြုရန်တောင်းခံ

အောက်တိုဘာ ၂၁/ ၂၀၂၂ | ကြည့်ရှုသူ :7224

နိရဉ္စရာ၊အောက်တိုဘာ ၂၁၊ ၂၀၂၂

စစ်ကောင်စီက ၇ခိုင်ပြည်နယ်အတွင်းသို့ဆေးဝါးသယ်ယူခွင့်ကို ပိတ်ပင်ထားသဖြင့် စစ်တွေမြို့ အပါအဝင်မြို့အတော်တော်များရှိ ဆေးဆိုင်များတွင် ဆေးရောင်းချရန်တစ်ပတ်စာခန့်မျှပင်မရှိတော့ပြီဖြစ်၍ရခိုင်ဆေးကုမ္ပဏီများနှင့်ဆေးဆိုင်များက ဆေးဝါးသယ်ယူခွင့်၇ရှိရန် ကုန်သည်ကြီးများအသင်းမှတစ်ဆင့် ခွင့်ပြုချက် တောင်းခံနေသည်ဟု သတင်းရရှိသည်။

"၇ခိုင်ဆေးဆိုင်အားလုံးမှာ ဆေးကပြတ်လပ်နေပြီ။ရောင်းချဖို့ တစ်ပတ်စာတောင်မကျန်တော့ဘူး။ ၇ခိုင်ပြည်သူ ပြည်သားတွေအတွက်ဆေးကိုဘယ်လို တင်သွင်းပြီးဘယ်လို အကူအညီ၇မလဲဆိုတာကို ကုန်သည်ကြီးများအသင်းကနေတစ်ဆင့်အကူညီတောင်းခံမယ်။ဒီနေ့ပဲတောင်းခံစာကို ကုန်သည်ကြီးများအသင်းကို တင်ပါမယ်"ဟု ဆေးဆိုင်ပိုင်ရှင်တစ်ဦးကပြောကြသည်။

၇ခိုင်ပြည်တွင် ဆေးဝါးပြတ်လပ်နေပြီး ဆေးရုံ၊ ဆေးခန်းများနှင့် သုံးစွဲသူပြည်သူများပါ အခက်အခဲ ဖြစ်နေပြီဟုသိ၇သည်။

လက်ရှိတွင်ရန်ကုန်မှအဆိုပါဆေးဝါးသယ်ယူခွင့်ရရှိရန်အတွက် ကုန်သည်ကြီးများအသင်းသို့၇ခိုင်ဆေးကုမ္ပဏီများနှင့် ဆေးဆိုင်များက ယနေ့အောက်တိုဘာလ ၂၁ရက်နေ့တွင်ပို့ပေးမည်ဖြစ်ပြီး စာထဲတွင် " ၇ခိုင်သို့ ရန်ကုန်မှဆေးဝါးသယ်ယူခွင့်မ၇ဖြစ်နေသောကြောင့်ဆေးပြတ်လပ်တော့မည်ဖြစ်ပါကြောင်း၊ စားသုံးသူပြည်သူများအတွက်ရည်ရွယ်လျှက်ဆေးဝါးသယ်ယူခွင့်ရရှိရန် ကူညီဆောင်ရွက်ပေးစေလိုကြောင်း” စသဖြင့် ရေးသားထားသည်ဟု သိ၇သည်။

ထိုသို့ကူညီတောင်းခံမည်ဖြစ်သော်လည်း ကုန်သည်ကြီးများ အသင်းကကူညီမပေးဆိုပါကရခိုင်ပြည်တွင် ဆေးဝါးပြတ်လပ်မှုမှာ အထူးဆိုးရွားသွားဖွယ်ရှိသည်ဟု ဆေးဝါးလုပ်ငန်းရှင်များကပြောသည်။

"မပြောတတ်သေးဘူး။ဆေးဝါးသယ်ယူခွင့်ကို အစိုး၇ဆီကခွင့်ပြုချက်ပါပြီးမှသယ်လို့၇မှာ။သူတို့ဆီက ခွင့်ပြုချက်ရပြီးမှပဲ။ ရသည်ဖြစ်စေ။ မ၇သည်ဖြစ်စေ။ ကျွန်တော်တို့ကတော့ တောင်းဆိုထားတာပဲ။ သယ်ယူခွင့်ရမရကိုတော့ ကျွန်တော်တို့မသိ၇သေးဘူး။ ပြည်သူတွေ သုံးစွဲဖို့ဆေးတွေပြတ်လပ်နေပြီ။အခက် အခဲရှိတယ်။လုံလုံလောက်လောက်မရှိတော့ဘူး။ တစ်ပတ်စာလောက်တောင် မရှိတော့ဘူး" ဟုဆေးဆိုင်ပိုင်ရှင်တစ်ဦးက ပြောသည်။

ရခိုင်တွင်မြန်မာစစ်တပ်နှင့် ရက္ခိုင့်တပ်တော် (AA)တို့ တိုက်ပွဲများ ဖြစ်ပွားလာပြီးနောက် ၇ခိုင်သို့ဆေးဝါးသယ်ယူခွင့်ကို မြန်မာစစ်တပ်က တင်းတင်းကျပ်ကျပ်ပိတ်ပင်ထားသဖြင့် ဆေးဝါးများရှားပါးမှု၊ ဈေးကြီးမြင့်မှုဒဏ်ကို ရခိုင်ပြည်သူများခံစားနေကြ၇သည်။

၎င်းအပြင်ရခိုင်တွင် အထူးသဖြင့်၇ခိုင်ပြည်နယ်မြောက်ဘက်ပိုင်း မြို့နယ်များသို့ဆေးဝါးများ တင်သွင်းခွင့်ကို ပြီးခဲ့သည့် စက်တင်ဘာလ ၂၅ ရက်နေ့ကစတင်ပိတ်ထားပြီး အမ်းမြို့ရှိ စစ်ကောင်စီ စစ်ဆေးရေးဂိတ်က ဆေးဝါးများ တင်သွင်းခွင့်ကိုခွင့်မပြုတော့ကြောင်း ဆေးဆိုင်ပိုင်ရှင်များမှ တစ်ဆင့်သိ၇သည်။(NN-12)

#တရားဥပဒေ# စစ်ကောင်စီ# ရခိုင်

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ဆက်စပ် အကြောင်းအရာများ

နောက်ဆုံးရသတင်းများ