နိရဥ္စရာ၊ အောက်တိုဘာ ၂၂/၂၀၂၂

၇ခိုင်ပြည်နယ် မောင်တောမြို့နယ်တွင်  ဘင်္ဂလားဒေ့ရှ်သို့ မှောင်ခိုင်ထုတ်မည့် ရွှေအလေးချိန် ၁ ပိဿာကျော်ကို နယ်ခြားစောင့်တပ်က ဖမ်းဆီး၇မိသည်ဟု သတင်းရရှိသည်။

၎င်းရွှေများကို လှေတစ်စီး၏ ဝမ်းဗိုက်အတွင်းရှိ အင်ဂျင်ဝိုင်ဗူးတစ်ခုအတွင်းမှ သိုဝှက်ထားရာကနသိမ်းဆည်း၇မိသည်ဟု မောင်တောမြို့မရဲစခန်းမှ တာဝန်ကျရဲအရာရှိကပြောသည်။

“ မနေ့က၊ အောက်တိုဘာ ၂၁ ရက်နေ့၊ နံနက် ၁ နာရီ ၄၅ မိနစ်ခန့်က မောင်တောမြို့ မောင်နီရပ်ကွက်၏ အနောက်တောင်ဘက် ချောင်းပေါက်၀ ဒီရေတောအတွင်းကနေ ဖမ်းမိတာပါ။ အခု အမှုဖွင့်ထားတယ်ခင်ဗျား။ ရွှေချောင်းတွေတော့ မဟုတ်ဘူး။ အထည်တွေဗျာ။ စုစုပေါင်း အလေးချိန်က ၁ ပိဿာကျော်ရှိပါတယ်။ ကာလတန်ဖိုး ကျပ်သိန်း ၂၅၀၀ ကျော်တယ်ဗျာ” ဟု ပြောသည်။

သိမ်းဆည်း၇မိသော ရွှေထည်ပစ္စည်းမျိုးစုံမှာ ၁၅၈ မျိုးရှိပြီး အလေးချိန် ၁ ပိဿာ ၇ ကျပ်သားရှိသည်ဟု ရခိုင်ပြည်နယ်စစ်ကောင်စီပိုင် ၇ခိုင်နေ့စဉ်တွင် ဖော်ပြထားသည်။

မောင်တောစက်လှေဆိပ်တွင် အရက်မျိုးစုံသယ်ဆောင်လာသောစက်လှေ ၁ စီးကိုလည်း အောက်တိုဘာလ ၂၀ ရက်က ဖမ်းမိခဲ့သည်ဟု သိ၇သည်။