နိရဉ္စရာ၊အောက်တိုဘာ ၂၄၊ ၂၀၂၂

၇ခိုင်ပြည်နယ်၊ ကျောက်တော်မြို့တွင်ညဥ့်အချိန် မီးလောင်ကျွမ်းမှုဖြစ်ပွားခဲ့၍ ဈေးဆိုင်ခန်းနှင့်လူနေအိမ် ၁၀အိမ်ကျော် မီးလောင်ဆုံး၇ှုံးခဲ့သည်ဟု သတင်းရရှိသည်။

ယနေ့အောက်တိုဘာလ ၂၄ရက်မနက်အာရုံတက် ၁နာရီကျော်အချိန်ခန့်တွင် ကျောက်တော်မြို့၊ ပြည်တော်သာရပ်ကွက်၊မြို့ပတ်လမ်း၊ ၉လမ်းနှင့် ၁၀လမ်းကြားရှိ လမ်းဘေးတွင် တိုးချဲ့တည်ဆောက်ထားသည့်ဈေးမှ ဆိုင်ခန်းတစ်ခန်းမှ စတင် မီးလောင်ကျွမ်းမှုဖြစ်ပွားခဲ့ခြင်းဖြစ်သည်ဟုသိ၇သည်။

"ဆိုင်တစ်ဆိုင်ကနေ စလောင်တယ်လို့သိ၇တယ်။ အဲ့ဒါ ရေခဲသေတ္တာကို ဖွင့်ထားတော့ အပူလွန်ကဲရာကနေပေါက်ကွဲပြီး မီးလောင်တာလို့သိ၇တယ်။ဘယ်သူဆိုင်က စဖြစ်မှန်းတော့ မသိဘူး။မီးလောင်နေမှသိ၇တယ်။ဈေးဆိုင်ခန်းနဲ့ လူနေအိမ် ၁၀အိမ်ကျော်လောက် မီးလောင်ပြီးဆုံးရှုံးသွားတယ်။လူတွေ ထိခိုက်ဒဏ်ရာရတာတော့မရှိဘူး"ဟု မြို့ခံတစ်ဦးက ပြောသည်။၎င်းမီးလောင်မှုကို ရပ်ကွက်နေပြည်သူများနှင့် လူမှုအဖွဲ့အစည်းများပူးပေါင်း မီးငြိမ်းသတ်ရာမှ ညဉ့် ၂ နာရီကျော်မှ မီးငြိမ်းသွားခဲ့ကြောင်း သိ၇သည်။

"မီးက ရပ်ကွက်ကလူတွေနဲ့ အနီးအနားကလူတွေရောက်လာပြီး ဝိုင်းသတ်ပေးကြတယ်။ မီးစလောင်ချိန်နဲ့ မီးငြိမ်ချိန်က ၁နာရီလောက်ကြာတယ်။ ၂နာရီကျော်အချိန်လောက်မှာငြိမ်သွားတယ်" ဟုပြည်တော်သာရပ်ကွက်မှ ဦးကျော်ခိုင်ဦးကပြောသည်။

မီးလောင်ကျွမ်း၍ ပျက်စီးဆုံးရှုံးသွားသည့်ဈေးဆိုင်ခန်းများမှာ စားသောက်ဆိုင်၊ မုန့်တီဆိုင်၊ လက်ဖက်ရည်ဆိုင်၊အပ်ချုပ်ဆိုင်(၂)ဆိုင်အပါ အဝင် လူနေအိမ်အပါအဝင်စုစုပေါင်း(၁၀)အိမ်ကျော်ခန့် ပျက်စီးဆုံးရှုံးသွားသည်ဟု သိ၇သည်။

၇ခိုင်တွင် ပြီးခဲ့သည့်အောက်တိုဘာလ၁၉ ရက်၊ ည ၁၀ နာရီခွဲခန့်အချိန်ကလည်း ဘူးသီးတောင်မြို့ပေါ်ရှိအဖျော်ယမကာအရောင်းဆိုင် ၁ဆိုင်၌ ရေခဲသေတ္တာ အပူလွန်ကဲရာမှမီးလောင်မှုဖြစ်ပွားခဲ့သည်။(NN-12)

Photo by Naing Win Lwin