နိရဉ္စရာ၊အောက်တိုဘာ ၂၉/ ၂၀၂၂

ရခိုင်ပြည်နယ်၊ဘူးသီးတောင်မြို့နယ်တွင် သေနတ်ဖြင့်ပစ်ခတ်ခံ၇၍ နောက်ထပ် ဒေသခံမူဆလင် လူကြီးတစ်ဦးထိခိုက်ဒဏ်ရာရရှိသွားသည်ဟု သိ၇သည်။

သေနတ်ဖြင့်ပစ်ခတ်ခံ၇၍ ဒဏ်ရာရှိသွားသူမှာဘူးသီးတောင်မြို့နယ်၊ ဂူတာပြင်အုပ်စု၊ သရက်တောင်ရွာမှ ဦးဆော်လိမ်(ခ)မိုဟာမတ်စလင်း(၅၅)နှစ်(ဘ)  ဦးဟာမိတ်တူဆောင်း ဖြစ်သည်ဟု သိ၇သည်။

ဦးဆော်လိမ်(ခ)မိုဟာမတ်စလင်းသည် ယနေ့အောက်တိုဘာလ ၂၉ရက်၊ ညနေ ၄နာရီခွဲခန့်အချိန်တွင်သရက်တောင်ရွာနှင့် ဂူတာပြင်ရွာအကြားရှိ လယ်ကွင်းပြင်တွင် နွားကျောင်းနေစဥ်သရက်တောင်ရွာ၏တောင်ဖက် ဘုရားတောင်ကုန်း၌ တပ်စွဲထားသည့် စစ်ကောင်စီတပ် ခမ၇ (၂၁၀)တပ်ရင်းမှ သေနတ်ဖြင့်ပစ်ခတ်သဖြင့် လည်ပင်း၌ကျည်ထိကာ ဒဏ်ရာ ရရှိသွားခဲ့သည်ဟုသိ၇သည်။

"သူကနွားကျောင်းနေတာ။ အဲ့ဒါကို သေနတ်နဲ့ ၄ချက်ပစ်တယ်။ ပထမ ၁ချက်မှာကတည်းကကျည်ထိပြီးမြေပြင်ပေါ်လဲကျသွားလို့ နောက်ထပ် ၃ချက်က မထိလိုက်တာ။ မဟုတ်ရင်၄ချက်စလုံးထိပြီးသေသွားနိုင်တယ်။ အခုလည်း  လည်ပင်းမှာ ကျည်ထိပြီး ဒဏ်ရာ ပြင်းပြင်းထန်ထန်ရသွားတယ်" ဟုသရက်တောင်ကျေးရွာမှ ဒေသခံတစ်ဦးကပြောသည်။

စစ်ကောင်စီတပ်က  ၄ချက်ပစ်ခတ်ပြီးပထမအချက်တွင်ပင် ဦးဆော်လိမ်မှာလည်ပင်းတွင် ထိကာ မြေ

ကြီးပေါ်သို့ လဲကျသွားပြီး ဒဏ်ရာပြင်ထန်စွာရရှိသွားသည်ဟုသိ၇သည်။

လက်ရှိတွင် သူ့ကို ဘူးသီးတောင်မြို့ ဆေးရုံသို့ပို့ဆောင်လိုက်ရကာအသက်အန္တရာယ် စိုးရိမ်ရသည်ဟုလည်းသိ၇သည်။

အောက်တိုဘာလ၂ရရက်နေ့၊ ညနေ ၆နာရီအချိန်ခန့်ကလည်း ဖိုးခေါင်ချောင်းကျေးရွာမှ စိမ်းညှင်းပြား ရွာဘက်သို့ဘာသာရေးတရားပွဲသို့ သွားသည့် မူဆလင်တစ်ဦး လက်နက်ကြီးကျည်စထိမှန်၍ဒဏ်ရာရရှိခဲ့သည်။

၎င်းပြင် ပြီးခဲ့သည့်  အောက်တိုဘာလ ၁၈ရက်၊နေ့လယ် ၁၁နာရီခန့်ကလည်းဘူးသီးတောင်မြို့နယ်၊ စိမ်းညှင်းပြားကျေးရွာအုပ်စု၊ဒိုင်းနက်ပြင်ကျေးရွာမှ အသက်(၄၂)နှစ်အရွယ်မူဆလင်အမျိုးသားတစ်ဦးလက်နက်ကြီးကျည်စထိမှန်၍ သေဆုံးသွားခဲ့သည်။

 (NN-12)