၇ခိုင်ပြည်နယ်၊ စစ်တွေမြို့၊စက်ရုံစုရပ်ကွက်မှဖမ်းဆီးခံထား၇သည့် ဦးလေမောင်သိန်းကို မတရားအသင်းဆက်သွယ်မှုပုဒ်မ ၁၇(၁) ဖြင့် အမှုဖွင့်တရားစွဲဆိုထားပြီး  နောက်ထပ် ဖောက်ခွဲရေးမှုနှင့် စစ်ဆေးနေ၍မိသားစုဝင်များနှင့်လည်းတွေခွင့်မရဟုသိ၇သည်။

အသက်(၄၂)နှစ်အရွယ်ဦးလေမောင်သိန်းကို  ယမန်နေ့အောက်တိုဘာ ၃၁ရက်နေ့ နေ့လယ် ၂ နာရီခန့်အချိန်တွင်စစ်တွေမြို့ခရိုင်တရားရုံးတွင် ပထမအကြိမ် စတင်ရုံးထုတ်ခဲ့သော်လည်း တစ်စုံတစ်ရာ စစ်ဆေးမှုမရှိကြောင်း ဦးလေမောင်သိန်းနှင့် နီးစပ်သူတစ်ဦးက နိ၇ဉ္စရာသတင်းဌာနကို ပြောသည်။

" မတရားအသင်းဆက်သွယ်မှုဥပဒေပုဒ်မ ၁၇(၁)နှင့် တရားစွဲဆိုထားတယ်။ မနေ့က ရုံးထုတ်ပေမယ့်ဘာမှစစ်ဆေးမှုတော့ မရှိသေးပါဘူး။ ဒီလနိုဝင်ဘာ ၁၄ရက်ကို နောက်ထပ် ရမန်ရုံးချိန်း ထားပါတယ်။ သူကတော့နှိက်စက်ခံထား၇တဲ့ ဒဏ်ရာကြောင့်သိပ်နေမကောင်းဘူးလို့ သိ၇ပါတယ် " ဟုပြောသည်။

ဦးလေမောင်သိန်းကို စ၇ဖထောက်လှမ်းရေးကရဲလက်ကို ပြီးခဲ့သည့် အောက်တိုဘာ ၁၉ရက်နေ့က လွှဲအပ်ခဲ့ပြီး၊ မြန်မာစစ်တပ်ကအရာရှိတစ်ဦးက တရားလိုလုပ်ကာ မတရားအသင်း ဆက်သွယ်မှု ဥပဒေပုဒ်မ၁၇(၁)ဖြင့် တရားစွဲဆိုထားသည်ဟု သိ၇သည်။ 

လက်ရှိတွင်စစ်တွေမြို့၊ အမှတ် (၁)ရဲစခန်းတွင် ဖမ်းဆီးချုပ်နှောင်ထားပြီး  စ၇ဖက ရိုက်နှက်စစ်ဆေး၍ဘယ်ဘက်နံရိုးတစ်ချောင်းကျိုးနေသည်ဟု သိ၇သည်။

" သူကအခုကျန်းမာရေးသိပ်မကောင်းဘူး။ ရဲလက်ကိုမအပ်ခင် စရဖကရိုက်နှက်စစ်ဆေးတဲ့ အတွက် ဘယ်ဘက် နံရိုးတစ်ချောင်းကျိုးသွားတယ်။ အဲ့ဒီဒဏ်ကြောင့်ညဆိုရင်နာကျင်ကိုက်ခဲပြီးတော့ အိပ်လို့တောင် မ၇ဘူးပြောတယ်။ အခုလည်းဖောက်ခွဲရေး မိုင်းလုပ်တယ်ဆိုပြီးတော့လည်း နောက်ထပ် စစ်ဆေးနေပါတယ်။ဒီအမှုကိုစစ်နေတုန်းမိသားစုနဲ့  တွေ့ခွင့်မပေးဖို့ အထက်က အမိန့်ပေးထားတယ် အမှတ် (၁) ရဲစခန်းကပြောပါတယ် " ဟုပြောသည်။

ဦးလေမောင်သိန်း ဇနီးဖြစ်သူဒေါ်ဦးခင်သိန်းက သူမမှာ ကျန်းမာရေးမကောင်းဖြစ်နေပြီး၊မိသားစုများ နေထိုင်သည့် နယ်ဘက်ရောက်ရှိနေသဖြင့်ယမန်နေ့က ရုံးချိန်းကို မတက်ဖြစ်ခဲ့ကြောင်း၊ သူမ၏ ယောကျာ်းဖြစ်သူအား ဖောက်ခွဲရေးနှင့် မိုင်းလုပ်သည်ဆိုခြင်းမှာလည်းတမင်သက်သက် စွပ်စွဲချက်သာဖြစ်ကြောင်း ပြောဆိုသည်။

ဇနီးဖြစ်သူဒေါ်ဦးခင်သိန်းကို ဖုန်းဖြင့် ဆက်သွယ်ရာ သူမက " ရုံးချိန်းတဲ့ရက်ကဒီလနိုဝင်ဘာ ၃ ရက်နေ့ကို ချိန်းထားပြီးတော့၊ မနေ့က ရုတ်တရက် ရုံးထုတ်လိုက်တာပေါ့နော်။ အဲ့ကြောင့် မိသားစုဘက်ကတစ်ယောက်မှမသွားဖြစ်ပါဘူး။ သူကျန်းမာရေးမကောင်းဘူးလို့သိ၇ပါတယ်။ ဖောက်ခွဲရေးမိုင်းလုပ်တယ်ဆိုတာလည်းကျွန်မတို့က ဘယ်လိုလုပ်၇မှာလဲ။ သက်သက်စွပ်စွဲတာပါ" ဟုပြောသည်။

ဦးလေမောင်သိန်းဇနီးမောင်နှံ၂ ဦးစလုံးအားပြီးခဲ့သည့် အောက်တိုဘာ ၅ ရက်နေ့ ညဉ့် ၁၁နာရီ အချိန်ဧည့်စာရင်းစစ်စဉ် ဖမ်းဆီးခေါ်ဆောင်ခံ၇ပြီး ဇနီးဖြစ်သူကို စစ်တွေအမှတ် (၁)ရဲစခန်းတွင် မေးမြန်းစစ်ဆေးပြီး၊ နောက်တစ်ရက်အကြာ အောက်တိုဘာ ၆ရက်နေ့တွင် ပြန်လည်လွှတ်ပေးခဲ့သော်လည်း ဦးလေမောင်သိန်းကိုစစ်တပ်က ဆက်လက်ဖမ်းဆီးထိန်းသိမ်းကာ ပြင်းပြင်းထန်ထန် ညှဉ်းပမ်းနှိပ်စက်ကာ စစ်ဆေးမှုများပြုလုပ်ခဲ့သည်ဟု သိ၇သည်

ဦးလေမောင်သိန်းသည်ပေါက်တောမြို့နယ် ဂြင်းချောင်းကျေးရွာဇာတိဖြစ်ပြီး စစ်တွေမြို့စက်ရုံစုရပ်ကွက်တွင် ဇနီးဖြစ်သူနှင့် ပြီးခဲ့သည့် ၂ လခန့်က ပြောင်းလာကာသစ်လုပ်ငန်းကို လုပ်ကိုင်နေသူဖြစ်သည်ဟု သိ၇သည်။ (NN-13)