နိရဉ္စရာ၊ နိုဝင်ဘာ ၃/၂၀၂၂

၇ခိုင်ပြည်နယ်၊ မောင်တောမြို့နယ်တွင် ယမန်နေ့က စစ်ကားမိုင်းဆွဲ တိုက်ခိုက်ခံ၇ကာ ထိခိုက်သေဆုံးမှုများရှိခဲ့ပြီးနောက် ယနေ့ နံနက်ပိုင်းတွင် နှစ်ဘက်တိုက်ပွဲပြင်းထန်ခဲ့ကြောင်း သိ၇သည်။

ယနေ့ နိုဝင်ဘာ ၃ ရက် နံနက် ၈ နာရီ ၄၈  မိနစ်ခန့်တွင် မောင်တောမြို့နယ်မြောက်ပိုင်း ရန်အောင်ပြင်ကျေးရွာ အရှေ့ဘက်တွင် စစ်ကောင်စီတပ်နှင့် အေအေတို့ နှစ်ဘက်တိုက်ပွဲဖြစ်ပွားခဲ့ပြီး အေအေပြောခွင့်၇ ဦးခိုင်သုခက ပြောသည်။

"ဒီနေ့ မနက် ၈ နာရီ ၄၈ မိနစ်မှာ မောင်တောမြို့နယ်မြောက်ပိုင်း ရန်အောင်ပြင်ရွာရဲ့အရှေ့ဘက် မီတာ ၂၂၀၀ လောက်အကွာမှာ စစ်ကောင်စီတပ်တွေက ကျနော်တို့ ရက္ခိုင့်တပ်တော်တပ်ဖွဲ့တွေရှိတဲ့နေရာကို ဝင်ရောက်လာတဲ့အတွက် မိနစ်ပိုင်းလောက်ကြာ ထိတွေ့ပစ်ခတ်မှု ဖြစ်ခဲ့တာရှိတယ်။ ထိခိုက်ကျဆုံးမှု ရှိမရှိကတော့ လောလောဆယ် မသိ၇သေးပါဘူး"ဟု ပြောသည်။

တိုက်ပွဲဖြစ်ပွားနေသည့်နေရာဘက်သို့ ကြိမ်ချောင်းအခြေစိုက် နခခ(၇) ၊ မြို့သူကြီးတပ်ရင်း၊ ပြင်ဖြူတပ်ရင်း နှင့် ဘူးသီးတောင်တပ်ရင်းများကလည်း လက်နက်ကြီးများ ဝိုင်းကူပစ်ခတ်ခဲ့ကြောင်း ဒေသခံများက ပြောသည်။

"၈ နာရီ ၄၀ လောက်ကနေ လက်နက်ကြီး၊ လက်နက်ငယ်တွေ ပြင်းပြင်းထန်ထန်ကို ပစ်နေတာ။ ကြိမ်ချောင်း နခခ(၇) ကနေ ရန်အောင်ပြင်ဘက်၊  ဂုပ္ပီဘက်ကိုပစ်နေတာပါ"ဟု ဒေသခံတစ်ဦးက ပြောသည်။

ယမန်နေ့ နိုဝင်ဘာ ၂ ရက် နံနက် ၉ နာရီခွဲမှာ မောင်တောမြို့နယ် ကျွဲတက်ပြင် ကျေးရွာအနီးတွင် စစ်ကောင်စီ၏ စစ်ကားတစ်စီးကို ရက္ခိုင့်တပ်တော် (AA )က မိုင်းဆွဲ တိုက်ခိုက်ခဲ့၍ စစ်ကောင်စီဘက်က သေဆုံးထိခိုက်မှုများရှိကြောင်း ဦးခိုင်သုခက ပြောကြားသည်။

"မနေ့က မနက် ၉ နာရီခွဲမှာ မောင်တောမြောက်ပိုင်းကျွဲတက်ပြင်ဆိုတဲ့နေရာမှာမြန်မာစစ်တပ်ကားကို  ကျနော်တို့ဘက်က မိုင်းဆွဲတိုက်ခိုက်ခဲ့တာရှိတယ်။မြန်မာစစ်တပ်ဘက်က ကားတစ်စီး ထိခိုက်သွားတာရှိတယ်။ ထိခိုက်ကျဆုံးမှုရှိနိုင်တယ်။ အသေအပျောက်၊ထိခိုက်ကျဆုံးမှု အရေအတွက်ကတော့ မသိ၇သေးဘူး။ နောက်ပြီး မနေ့က ပလက်၀မြို့နယ်၊ မြိတ်၀နားမှာဖြစ်တဲ့တိုက်ပွဲမှာ မြန်မာစစ်တပ်ဘက်က ၂ ယောက်ကျဆုံးပြီး ထိခိုက်ဒဏ်ရာ ရရှိသူတွေလည်းရှိတယ်လို့သိ၇တယ်"

ချင်းပြည်နယ်၊ ပလက်၀မြို့နယ်၊ မြိတ်၀ကျေးရွာအနီးတွင်ယမန်နေ့က တိုက်ပွဲဖြစ်ပွားခဲ့ပြီး စစ်ကောင်စီတပ်သား ၂ ဦးသေဆုံးပြီး ထိခိုက်ဒဏ်ရာရရှိမှုများရှိခဲ့ကြောင်း သူက နိရဉ္စရာကို ထပ်လောင်း အတည်ပြု ပြောဆိုသည်။

အောက်တိုဘာလ ၂၆ ရက်မှ ၃၁ ရက်နေ့အထိ ၆ ရက်အတွင်း ၇ခိုင်တွင် စစ်ကောင်စီတပ်နှင့် ရက္ခိုင်တပ်တော် (AA )တို့ ဖြစ်ပွားခဲ့သည့်တိုက်ပွဲများတွင် စစ်ကောင်စီဖက်က ၂၄ ဦးသေဆုံးခဲ့ပြီး ၂၆ ဦးထက်မနည်း ထိခိုက်ဒဏ်ရာရရှိခဲ့ကြောင်း ရက္ခိုင့်တပ်တော် (AA)က နိုဝင်ဘာ ၁  ရက်နေ့တွင် ထုတ်ပြန်ခဲ့သည်။(NN-7)