နိရဉ္စရာ၊နိုဝင်ဘာ ၅/ ၂၀၂၂

၇ခိုင်ပြည်နယ်၊တောင်ကုတ်မြို့မှ မတရားအသင်းဆက်သွယ်မှုပုဒ်မ၁၇(၁)ဖြင့် တရားစွဲခံထား၇သည့် သွားဆရာဝန်ဒေါက်တာကျော်သူ၇ထွန်းကိုယမန်နေ့က တောင်ကုတ်မြို့နယ် တရားရုံးတွင် ဒုတိယအကြိမ် ရုံးထုတ်စစ်ဆေးခဲ့သည်။

ရုံးထုတ်စစ်ဆေးရာတွင် တရားလိုအား စစ်ဆေးမေးမြန်းခဲ့ပြီးလာမည့် နိုဝင်ဘာလ၁၈ရက်နေ့ကို ထပ်မံ ရုံးပြန်ချိန်းလိုက်သည်ဟု ဇနီးဖြစ်သူက ပြောသည်။

"မနေ့ကရုံးထုတ်တယ်။ တောင်ကုတ်တရားရုံးမှာပါ။အမှုအခြေအနေက ဘာမှထူးဆန်းတာမရှိပါဘူး။ တရားလိုဘက်ကို စစ်တယ်။ ကျွန်မလည်းမနေ့က ဂျူတီရှိတယ်။ အလုပ်ကလည်းများနေတော့ မသွားဖြစ်ဘူး။နိုဝင်ဘာလ ၁၈ရက်နေ့ကို ပြန်ရုံးချိန်းလိုက်ပါတယ်" ဟု သူမကပြောသည်။

ဖမ်းဆီးခံထားရသည့်ဒေါက်တာကျော်သူ၇ထွန်းကိုပြီးခဲ့သည့် အောက်တိုဘာလ၂၁ရက်နေ့က တောင်ကုတ်မြို့နယ်တရားရုံး၌ ပထမဆုံးအကြိမ် ရုံးထုတ်ခဲ့ကာ ယမန်နေ့ နိုဝင်ဘာလ ၄ ရက်နေ့က ဒုတိယအကြိမ် ရုံးထုတ်စစ်ဆေးခဲ့ခြင်းဖြစ်သည်။

ဒေါက်တာကျော်သူ၇ထွန်းကို ပြီးခဲ့သည့် စက်တင်ဘာလ ၆ ရက်နေ့၊ နံနက် ၉ နာရီအချိန်ခန့်က Mask တပ်ထားသည့် စစ်ကောင်စီတပ်ဖွဲ့ဝင်များက တောင်ကုတ်၊ ချောင်းကောက်ရပ်ကွက်မှ  ဖမ်းဆီးခေါ်ဆောင်သွားခဲ့ပြီး တောင်ကုတ်အခြေစိုက်ခမ၇(၅၄၄)တပ် ရင်းထဲရှိ စရဖရုံးတွင်  ၁၇ ရက်အကြာ စစ်ဆေးမှုများပြုလုပ်ခဲ့သည်။

ယင်းနောက်ပိုင်း ပြီးခဲ့သည့်စက်တင်ဘာလ ၂၃ ရက်နေ့က တောင်ကုတ်မြို့မရဲစခန်းသို့ လွှဲ ပြောင်း၍မတရားအသင်းဆက်သွယ်မှု ပုဒ်မ ၁၇(၁)ဖြင့်အမှုဖွင့်ထားခံ၇ခြင်းဖြစ်သည်ဟု ဇနီးဖြစ်သူကပြောသည်။(NN-12)