သံတွဲမြို့နယ်တွင် ရက္ခိုင့်တပ်တော်(AA) နှင့် ဆက်စပ်သံသယဖြင့် လတ်တလော ဖမ်းဆီးခံထား၇သူမှာ ၇ခိုင်ဒီမိုကရေစီအဖွဲ့ချုပ်(ALD) မှလွှတ်တော်ကိုယ်စားလှယ်အဖြစ် ပါဝင်ယှဥ်ပြိုင်ဖူးသူတစ်ဦးအပါအဝင် ဒေသခံ ၁၉ဦးအထိ ရှိကြောင်း သတင်းရရှိသည်။

အဆိုပါဖမ်းဆီးခံထား၇သူများမှာ သံတွဲမြို့နယ်ငပလီမြို့မှ (၆) ဦး ၊တောင်သာကျေးရွာမှ ၂ ဦး၊  ဆင်ခေါင်းကျေးရွာမှ (၆)ဦးတို့ဖြစ်ကြပြီးသံတွဲမြို့ဒွါရာ၀တီရပ်ကွက်၊ ဆပ်လည်မျှော်ကျေးရွာ၊ ဆိပ်ကြီးကျေးရွာ၊ အင်တိုင်းကြီးကျေးရွာ၊လယ်တီကျေးရွာ တို့မှ (၁)ဦးစီ ဖမ်းဆီးခံထား၇သည်။

စုစုပေါင်းဖမ်းဆီးခံထား၇သူ ၁၉ဦးတွင်  အမျိုးသမီးတစ်ဦးလည်းပါဝင်သည်။

ငပလီမြို့မှ အဖမ်းခံထား၇သူ(၆) ဦးတွင် ရခိုင်ဒီမိုကရေစီအဖွဲ့ချုပ်မှ လွှတ်တော်ကိုယ်စားလှယ်လောင်းဦးညီလေး( ၅၂)နှစ်၊ကိုခင်မောင်အေး (၄၈)နှစ် ၊ ကိုသိန်းချေမောင်၊ကိုကျော်ကျော် (၄၇) နှစ်၊ ကိုဘဝင်း(၄၈)နှစ်၊ကိုကျော်ကျော်(နှစ်၊ကိုကျော်ကျော်(၄၈)နှစ်ဖြစ်ကြသည်။

ဆင်ခေါင်းကျေးရွာမှ ဖမ်းဆီးခံထား၇သူ (၆) ဦးမှာ ကိုမင်းမင်းဦး (၄၀) နှစ်၊ ဦးညီပုချေ( ၅၂)နှစ်၊ကိုနေမျိုးအောင် (၂၃ )နှစ်၊ဦးကျော်စိန် (၅၆)နှစ်၊ ဦးထွန်းအေး (၅၀) နှစ်၊ဦးမြင့်ဇော် (၄၆ )နှစ်တို့ ဖြစ်ကြသည်။  

တောင်သာကျေးရွာမှာဖမ်းဆီးခံထား၇သူ ၂ဦးမှာ  ဦးရဲနိုင်စို(၅၂) နှစ်၊ မလှိုင်မာနွယ် (၂၅ ) နှစ်တို့ဖြစ်ကြပြီး သံတွဲ့မြို့ ဒွါရာ၀တီမြို့သစ်မှဖမ်းဆီးခံထား၇သူများမှာ ကိုဖြိုး( ၃၅)နှစ်၊ဆပ်လည်မျှော်ကျေးရွာမှ ရခိုင့်အားမာန်ကားဂိတ်ပိုင်ရှင်တေးရေးဆရာကိုစန်းကို( ၅၁)နှစ် ဆိပ်ကြီးကျေးရွာမှ ကိုလှိုင်ဝင်းဝဋ် ( ၃၀)နှစ်၊ လယ်တီကျေးရွာမှမောင်မှတ် (၄၃)၊အင်တိုင်းကြီးကျေးရွာမှ ဦးကျော်ကျော်နိုင် (၅၂) နှစ်တို့ဖြစ်ကြသည်ဟု လူမှုရေးဆောင်ရွက်နေသူများက ပြောပါသည်။

ယခုကဲ့သို့ဖမ်းဆီးနေခြင်းသည်ဒေသခံပြည်သူများ၏လုံခြုံရေးကိုခြိမ်းခြောက်နေခြင်းဖြစ်ပြီးအေအေနှင့်ဆက်စပ်ဖမ်းဆီးသည်ဆိုသည် ယုတ္တိမရှိသော အကြောင်းပြချက်သာ ဖြစ်ပြီး အဖမ်းခံထား၇သူများမှာသာမန်ပြည်သူများသာဖြစ်ကြောင်း သံတွဲမြို့နယ်မှ ဒေသခံတစ်ဦးက နိရဥ္စရာ သို့ပြောသည်။

''သံတွဲကလူတွေကို ခြောက်လှန့်တာပေါ့။ ဒီမှာ(သံတွဲ)မှာ လုံခြုံမှုလည်း မရှိတော့ဘူး။ အေအေနဲ့ ဆက်စပ်တယ်ဆိုတာက ယုတ္တိမရှိမတန်ဘူး။အေအေနဲ့ဆက်ရလောက်သူတွေလည်းမပါဘူး။အပြစ်မဲ့အရပ်သားတွေ။ သူတို့ လိုချင်တဲ့သူတွေ ဖမ်းမရလို့အပြစ်မရှိတဲ့ သူတွေလိုက်နေတာ'' ဟု နိ၇ဉ္စရာသတင်းဌာသို့ပြောသည်။

သံတွဲမြို့နယ်တွင်စစ်တပ်က အလိုရှိနေသူများကို နေ့စဥ်ဝင်ရောက်ရှာဖွေနေခြင်းများရှိပြီးဆွေမျိုးတော်စပ်သူများကို ဓားစာခံသဖွယ် ဖမ်းဆီးမှုများလည်း ရှိနေကြောင်းလည်း ၎င်းက ဆက်ပြောသည်။

၇ခိုင်ပြည်နယ်တွင် သြဂုတ်လမှနိုဝင်ဘာလ အထိ ဖမ်းဆီးခံထား၇သူ ၂၀၀ နီးပါးအထိရှိနေပြီး အချို့ကို ပုဒ်မ၁၇(၁)၊ ပုဒ်မ ၅၀၅(က)(ခ) စသည်တို့ဖြင့် တရားစွဲဆိုထားသည်။