- Web Master
- ၂၅ အောက်တိုဘာ ၂၀၂၃
နိရဉ္စရာ၊ နိုဝင်ဘာ ၆/ ၂၀၂၂
စစ်တွေမြို့ ရှုခင်းသာလမ်း၊ RV စားသောက်ဆိုင်ထဲတွင် ပစ်ခတ်ခံရသူမှာ ပြည်နယ် ငါးလုပ်ငန်းဦးစီးမှူး ဦးသက်ဦး(၆၀) (ဘ) ဦးတင်ရွှေ ဖြစ်ကြောင်းသိရသည်။
ပစ်ခတ်မှုဖြစ်ပွားချိန်မှာ ယနေ့ နိုဝင်ဘာ ၆ ရက်၊ ညနေ ၇ နာရီ ၃၀မိနစ်တွင်ဖြစ်ပြီး ၎င်းသည် စစ်တွေမြို့၊ ပြည်တော်သာရပ်ကွက် ငါးလုပ်ငန်းဦးစီးမှူးပြည်နယ်ငါးလုပ်ငန်းရုံးဝန်းတွင် နေထိုင်သူဖြစ်သည်။
ဒဏ်ရာများမှာ ဝဲနားရွက်နောက် ဖောက်ဝင်ဒဏ်ရာ (၁)ချက်၊ လည်ပင်းဝဲဘက်(၁)လက်မခန့် ပြတ်ရှဒဏ်ရာ (၁)ချက်၊ လည်ပင်းညှပ်ရိုး အနီး ဖောက်ဝင်ဒဏ်ရာ (၁)ချက်၊ ယာဘက်ပါး ဖောက်ဝင်ဒဏ်ရာ (၁)ချက်နှင့် နှာခေါင်းသွေးထွက် နေသည်ကို တွေ့ရှိရသည်ဟု ရဲမှတ်တမ်းအရ သိရသည်။
လက်ရှိတွင် ၎င်းသေနတ်ပစ်ခံရသူ ဦးသက်ဦးအား စစ်တွေဆေးရုံကြီးသို့ ပို့ဆောင်ထားကြောင်း သတင်းရရှိသည်။
ထိုသို့ သေနတ်ပစ်ခတ်မှုဖြစ်ပွားခဲ့ပြီးနောက် စစ်တွေတွင် လုံခြုံရေးတင်းကျပ်လိုက်ပြီး စစ်ဆေးဖမ်းဆီးမှုများနေသည်ဟု သိရသည်။
(ဓာတ်ပုံ- မူရင်းပိုင်ရှင်ကို ပေးပါသည်။)