နိရဉ္စရာ၊နိုဝင်ဘာ ၁၀/၂၀၂၂

၇ခိုင်ပြည်နယ်၊မောင်တောမြို့နယ်မြောက်ပိုင်းတွင်ရက္ခိုင့်တပ်တော် (AA)နှင့် စစ်ကောင်စီတပ်တို့ တိုက်ပွဲဖြစ်ပွားခဲ့ပြီးတိုက်ပွဲထဲကလက်နက်ကြီးကျည်ကျ၍ရန်အောင်ပြင်ကျေးရွာတွင် နေအိမ် နှစ်လုံးမီးလောင် ပျက်စီးသွားကြောင်း သတင်းရရှိသည်။

ယနေ့ နိုဝင်ဘာ၁၀ ရက် နေ့လယ် ၃ နာရီခန့်တွင် မောင်တောမြို့နယ်၊ ရန်အောင်ပြင် နှင့်ဝက်ကျိန်းကျေးရွာကြား တောင်တန်းတွင် ရက္ခိုင့်တပ်တော် (AA) နှင့် စစ်ကောင်စီတပ်တို့ နာရီဝက်ခန့် တိုက်ပွဲဖြစ်ပွားခဲ့ကြောင်း ဒေသခံများက ပြောသည်။ 

"ဒီနေ့နေ့လယ်က ရန်အောင်ပြင်နဲ့ ဝက်ကျိန်းကြား အရှေ့ဘက်တောင်ကြောမှာ ၃နာရီလောက်ကစပြီး ဖြစ်တာပါ။ အရမ်းတော့မကြာခဲ့ဘူး။နာရီဝက်လောက်ပဲဖြစ်ခဲ့တာပါ"ဟု ပြောသည်။

တိုက်ပွဲဖြစ်ပွားသည့်ရန်အောင်ပြင်ကျေးရွာအနီးဝန်းကျင်ကို အနီးအနားရှိ စစ်ကောင်စီတပ်ရင်းများနှင့်၊နယ်ခြားစောင့်တပ်များက လက်နက်ကြီးများဖြင့်ပစ်ခတ်ခဲ့သည့်အတွက် လက်နက်ကြီးကျည်ကျကာနေအိမ် နှစ်လုံး ပျက်စီးသွားသည်ဟု သိ၇သည်။ 

"၃နာရီခွဲလောက်က ဖြစ်တာပါ။တိုက်ပွဲဖြစ်တော့ဒေသခံများ ဘေးလွတ်ရာကို ခိုလှုံဖို့ ထွက်ပြေးခဲ့၇တယ်။ အဲဒီနောက် စစ်တပ်က လက်နက်ကြီးပစ်လို့အိမ်နှစ်ဆောင်မီးလောင်သွားပါတယ်။ ကျနော်တို့လည်း ထွက်ပြေးလာလို့ နေအိမ်နှစ်လုံး မီးလောင်တာကို အဝေးကပဲ လှမ်းမြင်နေတာပါ"ဟု ဒေသခံတစ်ဦးက ပြောသည်။ 

ယနေ့နံနက် ရနာရီကျော်ခန့်က၊ ပုဏ္ဏားကျွန်းမြို့နယ် ဆင်အင်းကြီးနှင့် ပဒေသာကျေးရွာကြားရှိရန်ကုန်-စစ်တွေ ကားလမ်းမပေါ်တွင် ရိက္ခာ တင်ဆောင်လာသည့်စစ်ကားများကို ရက္ခိုင့်တပ်တော်(အေအေ)က မိုင်းဆွဲတိုက်ခိုက်ခဲ့သဖြင့် စစ်ကောင်စီတပ်က အကျအဆုံး အများအပြားရှိခဲ့သည်ဟု သိ၇သည်။

ထိုသို့ စစ်သားများအကျအဆုံးရှိခဲ့မှု အပေါ် မကျေနပ်သည့် စစ်ကောင်စီတပ်ကလူနေကျေးရွာများ အနီးဝန်းကျင်ကို လက်နက်ကြီးများဖြင့်သာမက  ၇ဟတ်ယာဉ်၊ ဒရုန်းများဖြင့်ပစ်ခတ်ခဲ့သဖြင့် ဒေသခံ ကျောင်းသားလူငယ် ၂ ဦးအပါအဝင် ဆယ်ဂဏန်းခန့်ဒဏ်ရာရရှိခဲ့သလိုဆင်အင်းကြီးရွာကိုလည်း စစ်တပ်က ဝင်ရောက်မီးရှို့ခဲ့သည်ဟုသိ၇သည်။ (NN-7)