အင်္ဂါ၊ မတ်လ ၅ရက်၊ ၂၀၂၄

မြန်မာစစ်တပ်သတ်ဖြတ်ထားသော အလောင်း ၉ လောင်း ဆင်အင်းကြီးရွာတွင် လက်ရှိတွေ့ရှိထား


  • ရေးသူ: Web Master
  • | ရက်စွဲ: ၁၁ နိုဝင်ဘာ ၂၀၂၂
  • | ကြည့်ရှုသူ: 700

Breaking News
နိရဉ္စရာ၊ နိုဝင်ဘာ ၁၁/ ၂၀၂၂
ရခိုင်ပြည်နယ်၊ ပုဏ္ဏားကျွန်းမြို့နယ် ဆင်အင်းကြီးရွာတွင် အကြမ်းဖက် မြန်မာစစ်ကောင်စီတပ်က သတ်ဖြတ်ထားသည့် အလောင်း ၉ လောင်းကို လက်ရှိ တွေ့ရှိထားသည်ဟု သတင်းရရှိသည်။
လက်ရှိဆင်အင်းကြီးကျေးရွာထဲတွင် တွေ့ရှိရသည့် ကျေးရွာသား အလောင်းများမှာ ဦးမောင်စံလှ၊ ဦးခင်မောင်၊ မခင်လှိုင်မြင့်၊ ဦးထွန်းသာကျော်၊ ဦးအေးထွန်းစိန်၊ မောင်မောင်သိန်း ၊ ဦးကျော်ဇံ၊ ဦးမောင်ကျော်သိန်းနှင့် နယ်ကလာသည့် ဆေးဆရာတစ်ဦးဖြစ်ကြောင်း သိရှိရသည်။
အဆိုပါ အလောင်းများ၏ ကိုယ်ပေါ်တွင် ဓားထိုးဒဏ်ရာများ၊ သေနတ်ဖြင့် ပစ်သတ်ထားသည့် ဒဏ်ရာများကို တွေ့ရှိခဲ့ရသည်ဟု ကိုယ်တိုင် ကြည့်ရှုခဲ့သူ တစ်ဦးက ပြောသည်။
၎င်းပြင်သတ်ဖြတ်ခံထားရသူများမှာ ယခုထက် ပိုများနိုင်သည်ဟုလည်း ပြောကြားသည်။
ဦးဦးရွှေသိန်း နေအိမ်အပါအဝင် အနည်းဆုံးနေအိမ် ၄ လုံးကိုလည်း မီးရှို့ထားကြောင်း သိရသည်။
ယမန်နေ့ နိုဝင်ဘာ ၁၀ ရက် နံနက် အစောပိုင်းက မြန်မာစစ်ကောင်စီတပ်၏ ရိက္ခာကားတစ်စီးကို အေအေမှ မိုင်းခွဲတိုက်ခိုက်ပြီးနောက် ယမန်နေ့ ညနေပိုင်းတွင် စစ်ကောင်စီစစ်ကြောင်းတစ်ခုသည် ၎င်းကျေးရွာထဲကို ဝင်ရောက်လာပြီး ရွာသားများကို သတ်ဖြတ်သွားခြင်းဖြစ်ကြောင်း သိရသည်။

ဆက်စပ် သတင်းများ