နိရဥ္စရာ၊နိုဝင်ဘာ ၁၄/၂၀၂၂

ရခိုင်ပြည်နယ်၊စစ်တွေမြို့တွင် စီးပွားရေးလုပ်ငန်းရှင် ၁ဦးကို စစ်တပ်နှင့် ရဲပူးပေါင်းအဖွဲ့က ဖမ်းဆီးသွားသည်ဟု ဖမ်းဆီးခံ၇သူနှင့်နီးစပ်သူများက ပြောသည်။

ဖမ်းဆီးခံရသူမှာစစ်တွေမြို့၊ တရားသီးစုရပ်ကွက်ရှိ ဒေသန္တ၇ဆေးပေးခန်းနှင့်မူလတန်းကျောင်းအနီးတွင်နေထိုင်သည့် ဦးဇော်နိုင်ဝင်း (၄၃ နှစ်)ဖြစ်သည်။

သူ့ကိုပြီးခဲ့သည့် နိုဝင်ဘာလ ၁၂ ရက် ညဥ့်အချိန်တွင် အင်အား ၅၀ ခန့်ပါ စစ်တပ်နှင့် ရဲ ပူးပေါင်းအဖွဲ့ကနေအိမ်သို့ဝင်ရောက်ဖမ်းဆီးသွားခြင်းဖြစ်သည်ဟု သူနှင့်နီးစပ်သူတစ်ဦးကပြောသည်။

"ပြီးခဲ့တဲ့စနေနေ့ညက သူ့အိမ်ကနေဖမ်းသွားတာပါ။ ဘာကြောင့် ဖမ်းတယ်တော့ မသိ၇ဘူး"ဟု ပြောသည်။

ဖမ်းဆီးခံ၇သည့် ဦးဇော်နိုင်ဝင်းသည်ဆောက်လုပ်ရေးကုမ္မဏီနှင့် အခြားစီးပွားရေးအချို့ကိုလည်း လုပ်ကိုင်သူဖြစ်သည်ဟုသိ၇သည်။

လက်ရှိတွင်သူ့ကို မည်သည့်နေရာသို့ဖမ်းဆီးခေါ်ဆောင်သွားသည်ဆိုသည်ကို မသိ၇သေးဟုလည်း သူနှင့်နီးစပ်သူများက ပြောသည်။

ရခိုင်တွင်ယခုနှစ်အတွင်း စစ်ကောင်စီတပ်နှင့် ရက္ခိုင့်တပ်တော်(AA)တို့ တကျော့ပြန်တိုက်ပွဲများဖြစ်ပြီးနောက်စီးပွားရေးလုပ်ငန်းရှင်များအပြင် အစိုးရဌာနဆိုင်ရာဝန်ထမ်းများဖြစ်သည့် ထွေ/အုပ်ဝန်ထမ်းများ၊ပညာရေးဝန်ထမ်းများ၊ ကျန်းမာရေးဝန်ထမ်းများ၊ ဆရာဝန်များ၊လူမှုရေးလှုပ်ရှားသူများနှင့် ဒေသခံများကိုပါ စစ်ကောင်စီက ဖမ်းဆီးမှုများ ဆက်တိုက်ရှိလာနေကြောင်းသိ၇သည်။