နိရဥ္စရာ၊နိုဝင်ဘာ ၂၁/၂၀၂၂

၇ခိုင်ပြည်နယ်၊ပုဏ္ဏားကျွန်းမြို့ ရွာဟောင်းပိုင်းရပ်ကွက်ရှိစာသင်ကျောင်းအနီးသို့ယနေ့နံနက်က စစ်သား ၅၀ ကျော်ခန့် ဝင်ရောက်ပြီး လှည့်လည်နေ၍ စာသင်ကျောင်းနှင့် မြို့ဈေးရှိ ဈေးဆိုင်အချို့ရုတ်တရက်ပိတ်လိုက်၇ကာ  မြို့ခံအချို့ စိုးရိမ်ကြောက်လန့်ကာ ထွက်ပြေးနေရသည်ဟုသိ၇သည်။

ပုဏ္ဏားကျွန်းအခြေစိုက်၅၅၀ တပ်မှ စစ်ကောင်စီတပ်ဖွဲ့ဝင်အင်အား၅၀ ကျော်ခန့်သည် ယနေ့ နိုဝင်ဘာလ ၂၁ ရက် နံနက် ၉ နာရီခန့်မှစတင်ကာ မြို့ပေါ်ရှိမဟာဓာတ်အားလိုင်းဓာတ်အားခွဲရုံ ဘက်မှနေ၍ မြို့ထဲရွာဟောင်းပိုင်းရပ်ကွက်ရှိမူလတန်းကျောင်းအနီးသို့ ဝင်ရောက်နေရာယူကာအနီးပတ်ဝန်းကျင်များကို လှည့်လည်စစ်ဆေးနေသည်ဟု မြို့ခံတစ်ဦးက ပြောသည်။

"သူတို့က ထင်ရင်ထင်သလို ဖမ်းဆီးတဲ့အတွက် စိုးရိမ်လို့ရှောင်နေ၇တဲ့သဘောပါ။ ရပ်ကွက်ထဲနေအိမ်တွေကိုတော့ဝင်စစ်တာတွေတော့ မရှိသေးဘူး"ဟု ယနေ့နံနက် ၁၀ နာရီခွဲက ပြောသည်။

စစ်ကောင်စီတပ်ဖွဲ့ဝင်များယခုကဲ့သို့ ဝင်ရောက်လှည့်လည်သွားလာနေကြသည့်အတွက် အဆိုပါရပ်ကွက်ရှိ မူလတန်းကျောင်းအပါအဝင်မြို့ပေါ်ရှိ အထကကျောင်းနှင့် မြို့မဈေးရှိဈေးဆိုင်များကိုပါ ရုတ်တရက်ပိတ်လိုက်ကြ၇သည်ဟု မြို့ခံများက ပြောသည်။

မြို့တွင်းလမ်းမများတွင်လည်းလူသွားလူလာနည်းပါးလျက်ရှိသည်ဟု ဆိုကြသည်။