နိရဥ္စရာ၊နိုဝင်ဘာ ၂၂/၂၀၂၂

၇ခိုင်ပြည်နယ်စစ်တွေမြို့မှ အေးငြိမ်းပုဂ္ဂလိကဆေးရုံပိုင်ရှင်ဦးညီညီကို စစ်သားနှင့် ရဲ ပူးပေါင်းအဖွဲ့က ယမန်နေ့ညတွင် နေအိမ်သို့ဝင်ရောက်ရှာဖွေခဲ့သည်ဟု သိ၇သည်။

ယမန်နေ့နိုဝင်ဘာလ ၂၁ ရက်၊ ည ၉ နာရီခွဲခန့်တွင် စစ်ကောင်စီတပ်ဖွဲ့ဝင်များ၊ရဲတပ်ဖွဲ့ဝင်များနှင့် အရပ်ဝတ်ဝတ်ထားသည့်လက်နက်ကိုင်အချို့တို့အပါအဝင် အင်အား၃၀ ကျော်သည် စစ်တွေမြို့၊ကျောင်းတက်လမ်းရပ်ကွက်ရှိ အေးငြိမ်းပုဂ္ဂလိကဆေးရုံပိုင်ရှင်ဦးညီညီ၏နေအိမ်သို့ဝင်ရောက်ကာ ဦးညီညီအား ရှာဖွေခဲ့သည်ဟု သူနှင့်နီးစပ်သူတစ်ဦးကပြောသည်။

"သူတို့တွေ အိမ်ကိုဝင်လာပြီးတော့ ဦးညီညီ ရှိ/မရှိမေးတယ်လို့ပြောတယ်။ ပြီးရင် ဝင်ရောက်ရှာဖွေတာတွေ လုပ်ခဲ့တယ်။ အိမ်ကကောင်လေးတွေကဦးညီညီ ခရီးလွန်နေလို့ မရှိဘူးလို့ ဖြေလိုက်တော့ သူတို့ပြန်ထွက်သွားကြတယ်တဲ့"ဟု ပြောသည်။

မည်သည့်အတွက်ယခုကဲ့သို့လာရောက်ရှာဖွေသည်ကိုမသိ၇ကြောင်း သူက ဆက်ပြောသည်။

ရပ်ကွက်နေပြည်သူအချို့ကမူဦးညီညီထံမှ စစ်သားနှင့်ရဲသားများက ပိုက်ဆံလာတောင်းခြင်းဖြစ်နိုင်ပြီးယခင်ကလည်း နေအိမ်သို့ ၂ ကြိမ်ခန့်ဝင်မွှေကာ ပိုက်ဆံတောင်းသွားသည့် ဖြစ်စဥ်ရှိခဲ့ဖူးသည်ဟုပြောကြသည်။

အဆိုပါ ဝင်ရောက်ရှာဖွေမှုနှင့် ပတ်သက်ပြီး အတည်ပြုချက်ရယူနိုင်ရန်အေးငြိမ်းပုဂ္ဂလိကဆေးရုံပိုင်ရှင်ဦးညီညီကို ဆက်သွယ်ရာတွင် ဖုန်းပိတ်ထားသဖြင့် ကာယကံရှင်၏ သဘောထားကိုမေးမြန်းတင်ပြနိုင်ခြင်း မရှိပါ။

စစ်တွေမြို့၊တရားသီးစုရပ်ကွက်ရှိ ဒေသန္တ၇ဆေးပေးခန်းနှင့် မူလတန်းကျောင်းအနီးတွင် နေထိုင်သည့် ဆောက်လုပ်ရေးကုမ္ပဏီပိုင်ရှင်ဦးဇော်နိုင်ဝင်း (၄၃ နှစ်)ကိုလည်း ပြီးခဲ့သည့်နိုဝင်ဘာလ ၁၂ ရက် ညဥ့်အချိန်တွင် အင်အား ၅၀ ခန့်ပါ စစ်တပ်နှင့် ရဲ ပူးပေါင်းအဖွဲ့ကနေအိမ်သို့ဝင်ရောက်ဖမ်းဆီးသွားခဲ့သည်။

ယင်းဖြစ်စဥ်ဖြစ်ပြီးနောက်စစ်တွေမြို့မှ ဦးညီညီကိုလည်း ယခုကဲ့သို့ ဝင်ရောက်ရှာဖွေခြင်းဖြစ်သည်။

ယခုဝင်ရောက်ရှာဖွေခြင်းခံ၇သည့်အသက် ၄၇ နှစ်အရွယ်ဦးညီညီသည် စစ်တွေမြို့ လမ်းမကြီးရှိ ဦးဥတ္တမပန်းခြံရှေ့တွင် အေးငြိမ်းပုဂ္ဂလိကဆေးရုံ၏ပိုင်ရှင်ဖြစ်ပြီးသူ့တွင် အခြားစီးပွားရေးလုပ်ငန်းအချို့ကိုလည်း လုပ်ကိုင်သည်ဟု သိ၇သည်။

သူသည်ပြီးခဲ့သည့် ၂၀၁၉ ခုနှစ်၊ အောက်တိုဘာလ၄ ရက် ည ၁၀ နာရီကျော်အချိန်က အေးငြိမ်းဆေးရုံမှ ကျောင်းတက်လမ်းရပ်ကွက်ရှိ သူ၏နေအိမ်သို့သုံးဘီးဆိုင်ကယ်ဖြင့် ပြန်လာစဥ် နေအိမ်ရှေ့အရောက်တွင်အမည်မသိသေနတ်သမားအချို့၏ ပစ်ခတ်ခြင်းကိုခံခဲ့၇သည်။

ယင်းသို့ပစ်ခတ်ခံခဲ့၇၍ဦးညီညီ၏ လည်ပင်းကိုကျည်ဆံဖောက်ဝင်ဒဏ်ရာ၁ ချက်နှင့် သုံးဘီးသမား၏ ဘယ်ဘက်ပေါင်တွင် ကျည်ထိမှန်ဒဏ်ရာ ၁ ချက်တို့ရရှိခဲ့သည်။

ယင်းအချိန်ကဦးညီညီ၏ဒဏ်ရာမှာ ပြင်းထန်၍ နောက်တစ်နေ့တွင် ရန်ကုန်သို့အရေးပေါ်ပို့ဆောင်ဆေးကုသမှုခံယူခဲ့၇သည်။

ယင်းအချိန်ကပစ်ခတ်သွားသည့် သေနတ်သမားများကိုလည်း ရဲက ယခုအချိန်ထိစုံစမ်းဖော်ထုတ်ဖမ်းဆီးနိုင်ခြင်းမရှိသေးဟု သိ၇သည်။