နိရဥ္စရာ၊နိုဝင်ဘာ ၂၄/၂၀၂၂

စစ်ကောင်စီတပ်က ဖမ်းဆီးထားသည့်မြေပုံမြို့နယ်၊ ဝက်ခေါင်းကျေးရွာမှအရပ်သား(၃) ဦးသည် နိုဝင်ဘာ ၂၃ ရက် ညနေက ပြန်လွှတ်ပေးလိုက်သော်လည်းစစ်ကြောရေးတွင် လူမဆန်စွာ ညှဉ်းပမ်းနှိပ်စက်ခံ၇မှုကြောင့် တစ်ဦးမှာ ဒဏ်ရာပြင်းထန်ပြီး သတိမေ့ကာ ဆေးကုသမှု ခံယူနေရကြောင်း သိ၇သည်။

သူတို့ သုံးဦးကိုယမန်နေ့ နိုဝင်ဘာ၂၃ ရက် ည ၁၂ နာရီခန့်တွင် မင်းပြားမြို့၊ မင်းဘာကြီးရပ်ကွက်တွင် လွှတ်ပေးခဲ့ပြီးနောက် သူတို့ သုံးဦးအနက် တစ်ဦးမှာ နှိပ်စက်ခံထားရသည့် ဒဏ်ရာမှာပြင်းထန်သည်ဟု မျက်မြင်တစ်ဦးက ပြောသည်။

"ည ၁၂နာရီကျော်လောက်က မင်းဘာကြီးရပ်ကွက်နားမှာလွှတ်ပေခဲ့တာလို့ပြောပါတယ်။ တစ်ယောက်ကတော့ ရွာပြန်သွားပြီလို့ပြောပါတယ်။ ကျန်နှစ်ယောက်အထဲက  တစ်ယောက်က ဒဏ်ရာတွေပြင်းတော့မူးလဲသွားလို့  ဆေးရုံတင်လိုက်ကြတာပါ။ စစ်သားတွေရဲ့လက်ချက်ကြောင့် ကျောတွေ၊ ခြေတွေ၊ လက်တွေမှာ ဒဏ်ရာတွေ၇ထားတာပါ။ ကျနော်သွားတုန်းကတော့သူသတိမ၇သေးပါဘူး" ဟု အမည်မဖော်လိုသူတစ်ဦးက ပြောသည်။

ဆေးရုံတင်၇သူမှာ ဦးငမဲချေ နှင့် ဒေါ်အေးချေ တို့၏သား ကိုအောင်ဝင်းစိုး(၂၆ နှစ်)သည်။

"ဒဏ်ရာတွေက အစ်ကိုမြင်ခဲ့တာအ၇ကတော့အပြင်ပေါ်အနေအထားပေါ့လေ လက်ကောက်ဝတ်မှာ ကြိုးစည်းရာ ဒဏ်ရာတွေရှိတယ်။ခြေထောက်တွေမှာ ရှိတယ်။ ကျောမှာလည်း ဓားဒဏ်ရာတွေရှိတယ်လို့ ပြောတယ်။ သူအိပ်နေလို့တော့အစ်ကိုမကြည့်ခဲ့၇ဘူး။ ဆေးပုလင်းကြီးချိတ်ထားရတယ်။ သတိတော့ ၇ပြီလို့သူနဲ့အတူလွတ်လာတဲ့ နောက်တစ်ယောက်က ပြောတယ်" ဟု ၎င်းက ပြောသည်။ 

၎င်းတို့(၃) ဦးကို နိုဝင်ဘာ (၁၈ ) ရက်နေ့ ညနေက  မြေပုံ-ပေါက်တောစစ်ဆေးရေးဂိတ်အနီးတွင် (၅၄၁) တပ်ရင်းမှ ဖမ်းဆီးသွားခဲ့ခြင်းဖြစ်သည်။ 

စစ်ကောင်စီတပ်သည်၇ခိုင်တွင် ဖမ်းဆီးခံရသူများအားလူမဆန်စွာ ညှဉ်းပမ်းနှိပ်စက်မှုများရှိနေသဖြင့် ဖမ်းဆီးခံရသူများအနေဖြင့် အထူးစိုးရိမ်ဖွယ်ရာဖြစ်နေသည်ဟုသိ၇သည်။

မြောက်ဦးမြို့ကျောက်ရာဇ်ကေရပ်ကွက်မှ ကိုကျော်ဝင်းလှိုင် (၃၂ နှစ်)သည်လည်း စစ်ကြောရေးတွင်လူမဆန်စွာ ညှဉ်းပမ်း နှိပ်စက်ခံရမူကြောင့် ဒဏ်ရာပြင်းထန်၍  စစ်တွေဆေးရုံကလက်မခံသဖြင့် ၂၀၂၂ ခုနှစ် ဇူလိုင် ၄ ရက်က ရန်ကုန်ပြည်သူ့ဆေးရုံကြီးသို့ ပြောင်းရွှေ့ဆေးကုသမှု ခံယူခဲ့၇သည်။

၇ခိုင်ပြည်နယ်တွင် စစ်ကောင်စီတပ်သည်စီးပွားရေးလုပ်ငန်းရှင်များ၊အပြစ်မဲ့ ဒေသခံများ၊ ပရဟိတသမားများ ၊ လူမှုရေးတက်ကြွလှုပ်ရှားသူများအပြင်ရဟန်းသံဃာများကိုပါ ဖမ်းဆီးမှုများရှိနေပြီး စစ်ကြောရေးတွင်ပြင်းထန်စွာ ညှဉ်းပမ်းနှိပ်စက်မှုများ ပြုလုပ်နေကြောင်း သတင်းများကျယ်ပြန့်စွာထွက်ပေါ်နေသည်။