နိရဥ္စရာ၊ နိုဝင်ဘာ ၃၀/၂၀၂၂

ရခိုင်တွင် ပိတ်ထားခံရသည့် ရေကြောင်းလိုင်းများအနက် စစ်တွေ-ပေါက်တော-မင်းပြား ရေကြောင်းလိုင်း ကိုပြန်လည်ပြေးဆွဲခွင့်ရပြီဟု သိ၇သည်။

ဒီဇင်ဘာ (၁) ရက်နေ့မှစကာ စစ်တွေ-ပေါက်တော-မင်းပြား ရေကြောင်း လိုင်းကို ပြန်လည်ပြေးဆွဲတော့မည်ဟု ရွှေပြည်တန်အမြန်ရေယာဉ်လိုင်း Facebook Page မှတဆင့်ထုတ်ပြန်သည်။

နိုဝင်ဘာ (၂၆) ရက်နေ့တွင် အေအေနှင့် စစ်ကောင်စီတို့အလွတ်သဘော အပစ်အခတ်ရပ်စဲပြီးနောက် နိုဝင်ဘာ (၂၈) ရက်နေ့တွင် စစ်တွေ - ၇သေ့တောင် - ဘူးသီးတောင်ရေလိုင်းကြောင်းကို ဦးစွာ ပြေးဆွဲခွင့် ရခဲ့ပြီးနောက် နောက်ထပ်ရေလမ်းကြောင်းတချို့ကို ထပ်မံဖွင့်ပေးလိုက်ခြင်းဖြစ်သည်။

သို့သော် တခြားရေလမ်းကြောင်းများဖြစ်ကြသည့် စစ်တွေ-မြောက်ဦး၊ စစ်တွေ- မြေပုံ-ကျောက်ဖြူ ရေယာဉ်လိုင်းများကိုပြေးဆွဲခွင့်မရသေးဟု သိ၇သည်။

ရခိုင်မြောက်ပိုင်းမှရေလမ်းကြောင်းများကို ရက္ခိုင့်တပ်တော် (AA) နှင့် စစ်ကောင်စီတပ်တို့ ၏ တကျော့ပြန်တိုက်ပွဲများဖြစ်ပွားပြီးနောက် စစ်ရေးအခြေအနေကိုအကြောင်းပြကာ အောက်တိုဘာ (၁၈) ရက်နေ့မှ စတင်ပြီး ပိတ်ထားခဲ့ခြင်း ဖြစ်သည်။

ယင်းအပြင် ၇ခိုင်မှ ကုန်းလမ်းအများအပြားကိုလည်း သြဂုတ် (၁၃)ရက်မှစတင်ပိတ်ထားခဲ့ပြီး ရက္ခိုင့်တပ်တော်(AA) နှင့် စစ်ကောင်စီတပ်တို့ အပစ်အခတ်ရပ်စဲခဲ့ပြီးဖြစ်သော်လည်း ပြန်ဖွင့်ပေးခြင်း မရှိသေးဘဲ ဆက်လက်ပိတ်ထားဆဲဖြစ်သည်။

ယခုကဲ့သို့ ကုန်းလမ်း/ရေလမ်းများ ကာလကြာရှည်စွာ ပိတ်ထားခံရသည့် အတွက် ဒေသခံများမှာ ကျန်းမာရေး၊ စီးပွားရေး၊ လူမှုရေး ၊ ပညာရေးတို့ အဘက်ဘက်က ထိခိုက်နစ်နာမှုများရှိနေ၍ ပိတ်ထားသည့် လမ်းကြောင်းများကို အမြန်ဆုံးပြန်ဖွင့်ပေးရန် ဒေသခံများက လိုလားနေကြသည်။(NN-7)