၇ခိုင်နှင့်ပလက်၀မြို့နယ်များတွင် တိုက်ပွဲများကြောင့် နေရပ်စွန့်ခွာသူ ၉၈၀၀၀ကျော်ကိုအကူအညီပေးနိုင်ရန်လိုအပ်နေဟု ယူအန်ထုတ်ပြန်

Preview

၇ခိုင်နှင့်ပလက်၀မြို့နယ်များတွင် တိုက်ပွဲများကြောင့် နေရပ်စွန့်ခွာသူ ၉၈၀၀၀ကျော်ကိုအကူအညီပေးနိုင်ရန်လိုအပ်နေဟု ယူအန်ထုတ်ပြန်

ဒီဇင်ဘာ ၀၈/ ၂၀၂၂ | ကြည့်ရှုသူ :5726

နိရဉ္စရာ၊ ဒီဇင်ဘာ ၈/၂၀၂၂

၇ခိုင်ပြည်နှင့်ချင်းပြည်နယ်တောင်ပိုင်းတို့တွင် ၄ လကျော်ကြာအောင်ဖြစ်ပွားခဲ့သည့်တိုက်ပွဲ များကြောင့် နေရပ် စွန့်ခွာ၇သူ၉၈၅၀၀ ကျော်အတွက်လူသားချင်း စာနာမှုဆိုင်ရာ အကူအညီများ ပေးအပ်နိုင်ရန် လိုအပ်နေသည်ဟု ယူအန်အိုချာ (UNOCHA)က ဒီဇင်ဘာလ ၈ရက်နေ့တွင် သတင်းထုတ်ပြန်ထားသည်။

၎င်းထုတ်ပြန်ချက်ထဲတွင် “ ၇ခိုင်ပြည်နယ်နဲ့ ချင်းပြည်နယ်တောင်ပိုင်းတို့မှာ တိုက်ပွဲတွေ ၄လကြာ ပြင်းပြင်းထန်ထန် ဖြစ်ပွားပြီးတဲ့နောက် ရက္ခိုင့်တပ်တော်နဲ့ တပ်မတော်တို့ကြား အလွတ်သဘော အပစ်အခတ်ရပ်စဲကြောင်း နိုဝင်ဘာလ(၂ရ) ရက်နေ့မှာ ကြေညာခဲ့ကြောင်း၊ ဒီထုတ်ပြန်ချက်အပြီးမှာ ပြည်နယ်အတွင်းရှိရေလမ်းအချို့ကို ပြန်လည်ဖွင့်လှစ်လိုက်ပြီး ဖြစ်တဲ့အတွက်ပြီးခဲ့တဲ့ စက်တင်ဘာလကတည်းက မြို့နယ်အများအပြားမှာကန့်သတ်ခံထားရတဲ့ လူမှုကယ်ဆယ်ရေး လုပ်ငန်းတွေနဲ့ အရပ်သားသွားလာမှုတွေ ဖြေလျှော့ပြီး အကူအညီတွေ ပြန်လည် ဝင်ရောက်ပေးနိုင်ခွင့်၇ဖို့ လူသားချင်းစာနာမှုဆိုင်ရာအကူအညီပေးသူတွေက မျှော်လင့်နေပါကြောင်း ” ဟု ဖော်ပြထားသည်။

၇ခိုင်ပြည်တွင်ယူအန်အပါအဝင် နိုင်ငံတကာအဖွဲ့အစည်းများနှင့်ပြည်တွင်း အကူအညီပေးရေးအဖွဲ့များ သွားလာခွင့်ကို လွန်ခဲ့သည့် စက်တင်ဘာလမှစပြီး ၇ခိုင်ပြည်နယ်စစ်ကောင်စီ နယ်လုံဝန်ကြီးအမိန့်နှင့်ကန့်သတ် ပိတ်ထားခဲ့ ခြင်း ဖြစ်သည်။စခန်းများတွင်နေထိုင်သူများမှာ စားသောက်ရေးနှင့်ကျန်းမာရေးအကူအညီများ လိုအပ်နေသည်ဟု ယခုရက် ပိုင်းအတွင်း ပုဏ္ဏားကျွန်းနှင့်ကျောက်တော်မြို့နယ်ရှိ ကယ်ဆယ်ရေးစခန်းတချို့ကို သွားရောက်ခဲ့သူ လူမှုရေးလှုပ်ရှားဆောင်ရွက်နေသူတစ်ဦးက ပြောသည်။
“ အခုသစ်ရောက်နေကြတဲ့ ပုဏ္ဏားကျွန်းမြို့နယ်ကဏန်းတောင်က လူတွေမှာဆိုရင် ဖြစ်သလို စားသောက် နေကြရပြီးယူအန်အဖွဲ့အစည်းတွေကလည်း ဝင်လို့မရသေးတော့ အသစ်ရောက်လာတဲ့ သူတွေ အများကြီးအခက်အခဲရှိတယ်။ ကျန်းမာရေးပိုင်းမှာကျတော့လည်း ဆေးတွေကိုလုံး၀ယူခွင့်မရှိတဲ့အတွက်ကျန်းမာရေးဝန်ထမ်းတွေကလည်း မသွားဖြစ်ကြတော့ ကျန်းမာရေးအပိုင်းမှာတော်တော်အခက်အခဲရှိနေကြပါတယ်” ဟု ဆိုသည်။

ရက္ခိုင့်တပ်တော်နှင့် စစ်ကောင်စီတပ်တို့အပစ်အခတ်ရပ်စဲကြောင်း ကြေငြာပြီးနောက် ပိတ်ထားသည့် ကုန်း လမ်းရေလမ်းတချို့ကို စစ်ကောင်စီက ဖွင့်လိုက်ပြီးဖြစ်သည်။

သို့သော်လည် စစ်ဘေးရှောင်စခန်းသို့ အကူအညီပေးရေးကို ဆက်လက် ကန့်သတ်ခံထား၇သည်ဟု သိ၇သည်။

သို့အတွက် လူမှုကယ်ဆယ်ရေးလုပ်ငန်းများနှင့် အရပ်သားသွားလာမှုများကို ဖြေလျော့ပြီးအကူအညီများပေးသူများ ပြန်လည်ဝင်ရောက်ပြီး လူသားချင်းဆိုင်ရာဆိုင်ရာ အကူအညီပေးနိုင်ရန် မျှော်လင့်နေသည်ဟု UNOCHA ပြောဆိုသည်။

လက်ရှိအချိန်တွင်အစိုး၇မှ သွားလာခွင့်ပြုထားသည့်လက်မှတ် သက်တမ်းရှိသည့် အဖွဲ့အစည်းတချို့ သွားလာခွင့်၇သော်လည်း သွားလာခွင့်လက်မှတ်သက်တမ်းကုန်ဆုံးသွားသည့် အဖွဲ့အစည်းများမှာ နောက်ထပ်ခွင့်ပြုချက်များတင်နေကြ၇ပြီး မည်သည့်အချိန်တွင် ကျလာမည်ကိုမသိ၇ကြောင်းလည်း သူကပြောသည်။

မကြာသေးမီက ဖြစ်ပွားခဲ့သည့် ပဋိပက္ခတွေကြောင့်ချင်းပြည်နယ်တောင်ပိုင်း ပလက်၀မြို့နယ်နှင့် ၇ခိုင်ပြည်နယ်တို့၌ အရပ်သားပြည်သူ၂၃,၇၀၀ခန့် အိုးအိမ်စွန့်ခွါတိမ်းရှောင်နေ၇ဆဲဖြစ်ပြီးယခင်နှင့် လက်ရှိပဋိပက္ခတွေကြောင့် နေရပ်စွန့်ခွါရသူဦးရေစုစုပေါင်း၉၈,၅၀၀ကျော် ရှိလာပြီဖြစ်ကြောင်း၊ နိုဝင်ဘာလ (၂၈)ရက်နေ့အထိ ကိန်းဂဏန်းတွေအရ သိရှိ၇ကြောင်း ၎င်းထုတ်ပြန်ချက်တွင်ဖော်ပြထားသည်။

#စစ်ဘေးရှောင်#စားဝတ်နေရေး#စစ်ကောင်စီ

မင်္ဂလာပါ လူကြီးမင်းတို့ခင်ဗျာ။ ကျနော်တို့မီဒီယာဆက်လက်ရပ်တည်ရှင်သန်ရေးအတွက် လူကြီးမင်းတို့ရဲ့ပူးပေါင်းဆောင်ရွက်မှုနဲ့ ကူညီမှုတွေကို အထူးလိုအပ်နေပါတယ်။

လှူရန်

ဆက်စပ် အကြောင်းအရာများ

တစ်နေ့တာ၏ အရေးကြီးဆုံး ပြည်တွင်းပြည်ပ သတင်းများနှင့် အဖြစ်အပျက်များကို လစဥ် လူကြီးမင်း၏ အီးမေလ်းထဲသို့ ရယူနိုင်ပါသည်

ဆက်စပ် အကြောင်းအရာများ

နောက်ဆုံးရသတင်းများ