နိရဉ္စရာ၊ဒီဇင်ဘာ ၈/၂၀၂၂

၇သေ့တောင်မြို့နယ်မြောက်ပိုင်း  စစ်ကောင်စီတပ်စခန်းချထားသည့် မညင်းတောင် တောင်ခြေအနီးမှ ယနေ့ ဒီဇင်ဘာလ၈ ရက်၊ နံနက် ၈ နာရီကျော်ခန့်က ပေါက်ကွဲသံတစ်ခုကို အကျယ်ကြီးကြားခဲ့၇ပြီး ဒေသခံများက မိုင်းပေါက်ကွဲမှု ဖြစ်ပုံ၇သည်ဟု ပြောဆိုသည်။

အဆိုပါ ပေါက်ကွဲမှုဖြစ်ပွားခဲ့သည့် နေရာသည် စစ်ကောင်စီတပ်သားများတပ်စွဲနေထိုင်လျက်ရှိသည့် မညှင်းတောင်ခြေတွင်ဖြစ်ပြီးစစ်ကောင်စီတပ်သားများ ထောင်ထားသောမိုင်းပေါက်ကွဲမှုသာဖြစ်နိုင်ကြောင်း အနီးအနားရှိဒေသခံတစ်ဦးက ပြောသည်။

"ယင်းအနီးက သူတို့နေတဲ့နေရာတွေပဲဆိုတော့သူတို့ထောင်ထားတဲ့မိုင်းပဲဖြစ်မယ်။ ကျနော်တို့ကတော့မသွားရဲဘူး။ ပေါက်တဲ့အသံတော့ ဂျိန်းခနဲ အကျယ်ကြီး ကြားလိုက်၇တယ်။ဘယ်လိုဘယ်ပုံဖြစ်သွားလဲတော့ သေချာမသိဘူး။ မိုင်းပေါက်ပြီးလူလား၊ တိရစ္ဆာန် ထိသွားတာလား မသိ၇သေးဘူး” ဟု ၎င်းက ပြောသည်။

၎င်းနေရာ အနီးအနားတွင်  စပါးရိတ်နေကြသူများရှိသော်လည်း စစ်သားများက ကန့်သတ်ထားသည့် နေရာများရှိကြောင်း၊ ၎င်းအနီးအနားကို မည်သူမျှ စပါးသွားမရိတ်ကြကြောင်း၊  မညှင်းတောင်နှင့် အနီးတဝိုက်ဆိုလျှင် ပို၍ပင် စပါးရိတ်ရန် မသွားရဲကြကြောင်း ၎င်းက ပြောသည်။

အဆိုပါမိုင်းပေါက်ကွဲမှုဖြစ်ပွားခဲ့သည့် မညှင်းတောင်တွင်ပြီးခဲ့သည့်လများက ရက္ခိုင့်တပ်တော်(အေအေ)နှင့် စစ်ကောင်စီတပ်တို့တိုက်ပွဲများဖြစ်ပွားမှုရှိခဲ့သည့်အပြင် ယင်းအနီးအနားရှိရေစိုးချောင်း၊အမျက်တောင် စစ်ကောင်စီဗျူဟာတို့မှ လက်နက်ကြီးများဖြင့် လူနေကျေးရွာများကိုပစ်ခတ်မှုရှိခဲ့သဖြင့် ဒေသခံများထိခိုက်ဒဏ်ရာရရှိခဲ့ပြီးရွာလုံးကျွတ်ထွက်ပြေးတိမ်းရှောင်ခဲ့မှုများလည်း ရှိခဲ့သည်။

လက်ရှိတွင်ရက္ခိုင့်တပ်တော်(အေအေ)နှင့် စစ်ကောင်စီတပ်တို့ အပစ်ရပ်ထားသဖြင့်မညှင်းတောင်အနီးအနား ကျေးရွာများရှိဒေသခံများမှာ မိမိနေရပ်သို့ပြန်လာကာ စပါးရိတ်သိမ်းမှုများပြုလုပ်နေကြကြောင်းသိ၇သည်။
(NN-8)